تذكرة لكل ام ولكل حامل ولكل بنت

السلام عليكم ورحمة الله
طبعا اول مره اشترك بموضوع جديد وبخاف انى اطرح حاجه مش مفيده بس انا جال بخاطرى احاسيس كتير اليوم حبيت اشارككم بيها وهبدا اطرح اللى حصل لى فى هذا اليوم :
طبعا انا واقفه فى المطبخ بحضر الاكل لجوزى زى كل يوم وفجاه لقيت جوزى جه ولقيته حزين جدا قلتله مالك؟قالى ......................... كزا مات يعنى صديقه الانتيم مات توفاه الله انا اتصدمت قلتله بجد انت بتهزر مات والله قالى اه وانا اندهشت بشكل مفاجئ ؟؟؟؟؟؟؟؟؟

طبعا صديقه ده لسه راجل صغير فى السن وعنده ولدين صغيرين وهو فى بلد غربه فى السعوديه بيشتغل عشان يربى اولاده كويس وخلوق والله اعلم وعادى خالص حياته ماشيه زى حيات جوزى وكل الناس اللى فى الخارج

مات ازاى؟بيلعب مع اولاده فى حديقه وقالهم خلاص كفايه تعبت وبيسوق العربيه بيقولهم انا تعبان فجاه جاله سكته قلبيه ومات واولاده بيقولو بابا بابا وهوا بيسوق لقوه مات...........لااله الا الله طبعا انا بكلمكم ماتتخيلوش المراره اللى انا فيها لان فعلا الموت ده امر صعييييييييييييب لازم نعمل حسابه

طيب الجنازة بتاعته كانت هنا طبعا فى السعوديه الدفن غريب عن مصر على السنه طبعا الجسد يتحط فى حفره ويتردم عليه وزوجى شاف ها الموقف طبعا زوجى اعصابه جامده وبيتحمل عادى ... بيقولى ساعة ماحطوه جوا وردموا عليه وسبناه انا انهارت من البكاء مش مصدق الاخ كزا نسيبه بقى ونمشى يعنى فعلا كزا راح خلاص يعنى عمله بس اللى بيسال عليه مخادش معاه اى حاجه ؟؟؟؟؟؟؟؟؟

انا بقى كتبت الموضوع ليه بصدق يابنات احنا محتاجين وقفه مع نفسنا شويه احنا بننسى نفسنا
انا طبعا عارفه ان فيكم ماشاء الله قوامين وصوامين والفرض بفرضه لكن انا بقول للى زى حالاتى تقف على سطر وتسيب سطر ولكم منى ها النصيحه::::

على طول دايما خلى ليكى ورد ثابت كل يوم لازم ذكر قران صلاه...............
بالنسبه للذكر كل عل بتعليه قولى سبحان الله الحمدلله استغفر الله لازم وانتى بتنظفى البيت وانتى بتطبخى لازم تذكرى انا عارفه ان ساعات كتير بننسى لكن بمرور الايام هتتعودى....
القران لو صفحه كل يوم بس تثبتى عليها لازم.....
الصلاه تبقى ف اوقاتها دايما ..........
طبعا الحاجات دى اقل حاجه لازم تثبتى عليها وطبعا اكترمن كده دى بينك وبين ربنا عز وجل وعلى اد صلتك بالله تكترى .....................
انا كتبت بس والله لانى بذكر نفسى وحبيت اذكركم برده معايا مش بكتب عشان مواعظ واحاديث والكلام ده للأ بذكركم بس لان الموت مالهوش ميعاد محدد فى اى وقت فلازم ع الاقل تكونى عامله رصيد كافى لليوم ده...........وانا عارفه ان النفس يا اما اقبال ع الطاعه او ادبار عنها بس لازم نثبت ورد دومى فى حياتنا ...........
وفى النهاية اسال الله ان يجدد الايمان فى قلوبنا ويكره الينا الكفر والفسوق والعصيان وان يحسن خاتمتنا وان يميتنا على الفطرة وعلى كل عمل صالح وان يزيد من اعمالنا الصالحه لتعطينا ثبات فى قبورنا وان يرزقنا الفردوس الاعلى بصحبتكم
اللهم امين
والسلام عليكم ورحمة الله