...مسائاتكم ... صبــاحاتكم ...
محبــة وطيب ان شالله
.
.
.
قبل كل شيء يا ريت تدعون لصديقتي الغـالية ام الخطـاب بالشفاء العاجل
وان شالله يصبرها ويساعدها .. وان المرض اللي فيها ما يكون خبيث بأذن الله
.
.
.
اليوم بعد الغدا ابو عبدالله كان مشتهي مشروب بـارد ولطيف
يلطف عليه الجو
يقول ان الجو صار حااااااااار ويبي شيء يلطفه :08:
عاد انا ما قصرت
كنت حافظة ذا المشروب من فترة طويلة واليوم قررت اني اعمله
واخلي ابو عبدالله يقول رأيه فيه
ذا الطريقة نقلتها من عند وحدة ((بارك الله فيها)) والله ناسية اسمها بس هي من منتديات عالم حواء ..
الطعم كان رهيب رهيب رهيب يا بنـات ..
ابوعبدالله تلذذ فيه وبقوة .. وطلب المزيد
عاد بما ان بوعبدالله حبه قلت ما لي الا انزله لبنات عروس علشان يستفيدون ..
.
.
.
(الكمية لكوب واحد)
...المقــادير ...
بسكويت دايجستيف
نسكافية
ماء بارد ومثلج
حليب جاهز
كاكاو
قشطة
دريم ويب
.
.
.
.
...الطريقـة ...
كسري حبتين من بسكوت(دايجستيف)
وملعقة صغيرة نسكافة
ضعي البسكويت في الخلاط الكهربائي + م.ص نسكافية + 1/3 كوب مـاء واتركيها تلين بس دقيقة وبعدها شغلي الخلاط
بعدها ضيفي ملعقة صغيرة او ملعقتين من كل من (سكر-دريم ويب-قشطة-بودرة شوكولاتة مره) وثلج وحليب بارد ع حسب حجم كوبك المستخدم للتقديم
أخلطي الجميع في الخلاط الكهربائي حتى تتكون رغوة كثيف ((لازم الرغوة تكون اكثر من كذا))
صبيه في كوب التقديم ورشيه ببودرة الشوكولاتة وزينيه بإصبع من البسكويت الطويل..
ويقدم مثلجاً..
من ع جنب :037:
بعد التزين
لا احد يقلد تزيني بالله عليكم :094:
وهذا وتم بحمدالله
