لا تخروعون اليهال بعدين يصير مثل ماصار

طبعا هذا اول موضوع اكتبة في المنتدى من اولها تخرع ما طولها عليكم ياخواتي بقولكم قصة فيها عظة وعبر احذركم لا احد يخرع الجهال ويقولهم سوالف بعدين صج تتحقق مثل ماصار فهالقصة اللي تخوف:
هذي قصة قديمة في السعودية ومعروفة عند الكبار بالذات تعرفون قبل مطابخ البيوت القديمة تكون خارج اسوار البيت لما صار بالليل قالت بنت صغيرة يمكن عمرها 4 سنوات او 5 حق امها:
ماما بروح اشرب ماي عطشانة. قالت امها :وين تروحين نامي الدنيا ليل وبعدين اصرت البنية انها تروح ولما عجزت الام فيها قالت لها :عشان تخوفها "يابابا تعال اخذها " البنية طبعا ماردت على تخويفات الام وراحت المطبخ عشان تشرب ماي
بعدين البنية طولت دقيقة دقيقتين ساعة الام استغرت ياربي البنت وين راحت؟وليش طولت؟
المهم ولما راحت الام المطبخ عشان تشوف شصار في بنتها ولا الصدمة شنو صار توقعون للبنت اغمى على البنت ولما صحت ودتها مطوع وطلع لبسها جني ولما سأل المطوع الجني ليش دخل في هالبنت قاله:امها اللي نادتني تقولي يابابا تعال اخذها. الجني طلع اسمة بابا شفتو عشان جذي لاتخرعون اليهال على اشياء مالها داعي ويصير فاليهال شئ لا سمح اللة