بلييييز هيلب مي !! - منتديات عروس

ا

اسرني بهواه

عروس متألقة

23-02-2010 | 10:43 AM

هلا ومرحبا ببنات منتديات عروس

هذي أول مشاركة لي في المنتدى واتمنى ان ماتخيبون ظني :016::016:

انا توني متزوجه تقريبا 9 شهور وحياتي كلها صايرة روتين واحد الا وهو

ان نقعد من الصبح نفطر ويروح الشغل مايرجع الا على الساعه خمس

نتغذى ونقعد ويه التلفزيون لين 8 تقريبا وتالي نروح بيتهم ونركب ونام !!!

ابي اسوي شي يغير هالجو ... ابي تغير في هالروتين

اتمنى منكم يابنات انكم تفيدوني

:065::065::065:

ه

همــسات

عروس ماسية

23-02-2010 | 10:52 AM

بيه الله يعينش على ها الروتين ما تلوع جبدش؟؟؟ظ
شوفي خيو تقدرين تطلعين الجو ها الايام حلو طبخي شي خفيف ما عليش من اللي اقولون ليش اشتري جاهز بالعكس زوجي بستانس اطبخي ورحو البحر تعشوا وبعدين تمشوا

سوي جو رومنسي في البيت عشا وشموع وجه حسن وموسيقى ناعمه تغير يعني

سوي ليلة مساج لزوجش شموع وموسيقى وسوي ليه مساج لا تقولين ما تعرفين كنت مثلش بس الحين زوجي كل اقول لي ايدش بلسم على جسمي

سبحيه وفركيه جهزي الحمام ودخلي عليه وحمميه

لا تستغين عن الزيوت المعطره ولا الشموع بتلاقينهم في دايسو اللي في الشعبيه رخيص وقوي
لا تنسين قمصان النوم كل ما كلن قصير وشفاف غير والمكياج خفيف والازواج احبون جدي
غيري واذا تبين مساعده راسليني على الخاص ومن العيونين

الحين جم ليلة عطيتش؟؟؟؟

ا

اسرني بهواه

عروس متألقة

23-02-2010 | 11:23 AM

هههههههههههههههههه

مشكووورة ماتقصرين

مو بس لاعت جبدي استمليت بصرااااحة

في بالي افكار بس احس ماعرف شلون اسويها !!!

او يمكن استحي اسويها

ن

نعش الحب

عروس جديدة

23-02-2010 | 03:21 PM

اولا اختي الله يعينج ويوفقج يارب
ثانيا جربي تشغلين نفسج بأشياء مفيده يعني سجلي في دورة قرآن، مكياج، طبخ اي شي ممكن يشغل لج وقت الفراغ...

تحياتي لج

ا

اسرني بهواه

عروس متألقة

23-02-2010 | 03:48 PM

مكشوووورة اختي على المشاركة

بس انه مابي اشغل نفسي بشي ابي شي يقربنا من بعض اكثر

ا

اسرني بهواه

عروس متألقة

24-02-2010 | 12:06 AM

14 مشاهدة

بس ردين !!!!!

ه

همــسات

عروس ماسية

24-02-2010 | 09:03 AM

ها خيو سويتين شي لو بعددش
اذا تبين مساعده قولي الخاص اوسع ليش من العين في المنتدى

ا

اسرني بهواه

عروس متألقة

24-02-2010 | 11:34 PM

ان شاء الله خيووو

مشكوووورة ماقصرتي

ر

ريمية 2

عروس مشاركة

26-02-2010 | 05:45 PM

الله يوفقك ويسعدك انا اقترح عليك تسجلين بنادي وتتعرفين على بنات وتشوفين
الناس هناك ..
بالمرة هي وناسة وتغيير جو و علشان ماتسمنين من قعدة البيت :$

س

سلطانة الحسن

عروس مشاركة

27-02-2010 | 03:47 AM

بتسوين افراح وليالي ملاح بتتمشين ... بتروحين .... بتجين .... وبعدين.؟؟!!!
الروتين وراك وراك...مابتتمين كل يوم في نظام جديد...!!! واحيانا الروتين مطلوب في بعض الأوقات....
انا شخصيا..متزوجه من سنه ونص...وحياتنا روتينيه نفس حياتك بالظبط زوجي يقوم من الصبح ونفطر وعلى الدوام الين الساعه 5:30يرجع حيله مهدود وبصراحه...!!

انا مايكون لي وجه اقول له طلعني اتمشى ولا ودني السوق....

بس من بعد ماخلفت بنوتتي صارت حياتي احلى واحلى...صرت دااااااائما مشغوله
يادوب الحق على اهتمامي فيها هي وابوها ويادوب الحق على طلبات البيت وشغله ..
حبيبتي فتره وتتعودين بس انتي تتمللين لأنك توك عروس .......
الله يبارك لك في زوجك ويرزقك منه الذريه الصالحه اللي تملا عليك حياتك ...
اتمنى اني كنت ضيفه خفيفه على قلبك....

أ

أم عزوز001

مشرفة سابقة

27-02-2010 | 05:15 PM

ربي يهدي بالك ويسر قلبك
ناس متملله من هالروتين وناس تتمناه
مااحد عاجبه وضعه