قصة ولادتي**حملي الأول بالأنابيب مع عملية ربط**تجمع فبراير

السلام عليكم


الحمدلله الذي شاء ورزقني من لدنه رحمة

واخيرا حصلت وقت اتفرغ شوي قلت اكتب لكم قصة ولادتي التي شاء ربي ان تكون ميسرة فله الحمد اولا وآخرا

انا من تجمع شهر فبراير

اول شي موعد ولادتي كان بتاريخ 20/2 ولكن شاء رب العالمين أن تكون بتاريخ ..........<<<>>>29/1/2010

انا طبعا كانوا امسويني عملية ربط وهالربط لازم ينفتح مع بداية التاسع وبالفعل دشيت التاسع واخذت 5 ايام تقريبا وفتحوا لي الربط وطبعا من غير بنج مع بوز البطه اللي يدخلونه واستغرقت عملية فتحه مدة طويلة وهو مايحتاج غير دقائق لأنه اللي جربت:091:تفتحه لي كانت غير الدكتورة مالتي وحاولت وحاولت لكن ماعرفت على قولتها انه الربط صاير لوس
( مضغوط عليه ولا قادرة تفتحه :057:) وطلعت روووحي وانا اصرررررخ من الالم والدم اشكثر طلع آخر شي قلت لها خلييييييينييييييي مابيييييي لأنه كانت اتقول انها مي قادره تفتحه وطفششششت حتى البيبي كان يناطط بسبب حالتي واصراخي من الالممممممممم

وبعدين زوجي كلم دكتورتي عشان اتجي تفتحه لي وقالها انه قاعدة اتحاول من مدة ولاقادرة هالهندية
(خب السلمانية اذا ماتتحرك على روحك محد يفتكر) وبالفعل وصلت دكتورتي وفتحته لي في بضع دقائق من بعد آلام أخف شوي :066:حتى كانت اتقولي وين انا متعودة عليش هادئة مو جدي اقولها من حقي انتي ماتدرين اشسوت فيني هالهندية :039: وبعدين قالت لي يالله اتحملي شوي بعد في الم الحين

ودخلت يدها واني مادري شبسوي

وصرخت صرخه هزيت المستشفى كامل هههههه وسيده طلعت يدها اقولها اشسووووييييتيييييين دكتورة الا اتقولي وسعتني واحد سانتيمتر قلت الحمدلله انا فكرت بطلع البيبي بقوه:085:من شدة الألم

وبعدين قالت لي لو اتصبرين شوي زيدت التوسعة لش قلت لا مابي مابي خليني وضحكت علي ومشت

المهم هذا كان بتاريخ 28/1 صبحا

ورديت البيت على الظهر جذي

وكلمت الدكتورة زوجي بالتلفون قالت له اتوقع ولادتها على هاليومين:01: وقالي مباشرة تغديت وقعدت اجهز اغراضي كلهم ومن رجعت البيت صار عندي افرازات بكمية مخلوطه بدم وانا افكر بسبب فتح عملية الربط الدم مادري

المهم الليل بدا وياي الم وانا مادري فكرت بعد من الربط هههههههه

ورقدت الليل على امل انه اقعد الصبح اروح السوق على كم شغلة اللي بقت علي :037: وخليت راسي وانا مادري عن المكتوب علي وتميت اتقلب من الألم ولا ابغي اقول لزوجي عشان ما يحاتي ولا يقولي قومي المستشفى وكله في بالي موعدي 20/2 وتونا 28/1 اشلون بولد:095: يعني استبعدت انه الالم هو عبارة عن طلق،،،،، لااااا الألم مستمر وانا تعبانه ابغي انااااااااام هههه استاسيت الالم هدأت ورقدت وتميت طول الليل اقعد من النوم على هبات الألم الى ان جاء الصباح قعد زوجي قعدني اصلي ابغي اتحرك في الصلاة تجمدت من الوجع الا يقولي خلاص انتي بتولدين بوديش اقوله لااااااااااا لا مو ولادة

وراح الالم بشوي الا يرد قام شربني حليب وتمر واتصلت في اختي اسألها الا اتقولي ولادة خلااااااااص جهزي روحش روحي المستشفى بجيش الحين وانا احس كلامها تو الناس عليه ولا مستوعبه شتقول

لبست ورديت رقدت على السرير اقول يمكن يروح الالم:085: وزوجي امعصب ايقولي قومي ولااااااااادة اقوله بعد تو الناس :049: ورد الالم وحمى اكثر لا اهني حسيت لازم اقوم اروح المستشفى ورحنا بالفعل ودشاني صوب باب الخاص للولادة وانا اهني صرت :096::096: احس حلم مو مستوعبه ومن الصبح ودشيت واسمع الصراخ وكل وحدة تمشي بدبتها هههههههه وانا دبتي صغيره ودشوني وكل شي

وجيكوني الا يقولون لي 2 سانتيمتر والالم يستمر وهالشي من 7 تقريبا الصبح

وكل شوي يروحون ويردون يجيكون يزيد التوسع وانا تعبانه ارقد لي شوي واقعد على الالم خاصه انهم عطوني شي استنشقه كلما حسيت بالطلقه ويخفف الالم وزوجي كان يمي ومتخرع حده من الموقف وخايف:091: واستمر الوضع الى ان صارت الساعة 2 وشوي الظهر اشتد الالم وقمت اصارخ واتنطط على السرير جيكوني الا 10 سم قالوا 10 تم قلبي يدق بسرعه وزوجي كان يمي اقوله قوووووووم عني مابغييييييييييك وهو حده خايف الا اتقول الدكتورة يالله جهزوا السرير للولادة هو ارتبك الا اتقوله الدكتورة تبي تحضر الولادة يصير اقعد وتم يرجع ريوس للباب زين ما طاح خخخخخخ لا واختي بعد تبي اتسلم علي اقولها طلعي مابغيييييي من حرة الالممممم

المهم وبدأت عملية الولادة بسلام وتميت اعصر بناءا على تعليمات الدكتورة اللي اكن ليها كل الشكر من بعد رب العالمين لأمها ساعتني معنويا وهي تقول عفيه شاطره ولا كأنج اول ولادة ما شاء الله سريعه قريب قريب بيطلع الراس وبتفتكين وانا مستانسه اصعب عصرة كان يوم يطلع الراس :093::093::093::03:على رغم كل الالم خلوا البيبي على صدري وبسته :013:وشالوه وهم يقولون ولد وانا اقول افتكيييييييييييييييييييييييييييييت من قلب وطبعا صار نزيف عندي وخيوطني وكملوا وانا انتظر اروح الغرفه عشان يكون البيبي يمي

والحمدلله رب العالمين انه شرفنا بقدوم شمعتنا محمد :083:

وطبعا اثناء المخاض ما نسيت كل وحدة دعيت لكل محروم انه يرزقهم رب العالمين

وعقبال باقي الحوامل يولدون بالسلامه