كل إلي في المنتدى يدخلو ضرورررري

ب

بسمة غروب

عروس جديدة

22-02-2010 | 09:49 PM

ياناااااااااااااااااااس والله اكتب وانا دمعتي على خدي

عندي مشكله مع ولدي عمره سنتين و8شهور دائمآيغلط واضربه مااتحمله وبعدين اتحسف واجلس اضمه وابكي

شوفو إيش يسوي معايه رحنا السوق جلس الولد ونام على الأرض واقوله قوم موراضي بعدين ضربته ورجعت البيت وجلست ابكي ليه ضربته قدام الناس

بعدين ابواب البيت كلها لازم اذا خرجت من غرفه قفلت الباب وعلقت المفتاح المطبخ مره مايدخل معايه

انا أحس نفسي على اتفه شي اضربه
ابغاكم تدلوني إني مااضربه

ابغى تجاربكم وطريقتكم مع اطفالكم

رجااااااااااااء خااااااااص لااحد يعاتبني ويقولي حرام عليكي انا عااااارفه إني غلطانه مليون في الميه بس محتااااااااجه مساعدتكم الله يسعدكم دنيا واخره والله تعبت من هذا الوضع ماني قادره استحمل نفسي اكثر

ص

صــ‘ـاحًبـــة’ الـســموً

عروس ذهبية

22-02-2010 | 09:55 PM

هلا فيج اختي .. و وجوودج بينا يسعدنا

و يشرفني اكوون اول من يرد عليج ..

حبيبتي تصررفااتج ماهي الا نتييجة الغضب ..

و الرسوووول عليه افضل الصلاة و السلام عطاانا افضل الحلوول للتغلب عليه

تعووووووذي من الشيطان اول ماتحسين انج معصبه ..

او حااولي تاخذينه بالهادااوة

يعني انتي نزلي لي عمره لانه مستحيييل يووصل لي عمرج

و معاج حق تصررفات اليهال بعض المرات مزعجه و تملل لكن كلنا مرينا بهالمرحله ,, و وقتها ما كنا حااسين بالاشيه اللي نسوويها

اليااهل يفكر يستانس و بس حتى لو انزعجتي ..

نطريني برد ثاني .. طرت على بالي فكرة ان شاااء الله بتعجبج :)

ص

صــ‘ـاحًبـــة’ الـســموً

عروس ذهبية

22-02-2010 | 10:00 PM

انتي يوم واحد قرري انج تنزليين لعمره .. تعيشين معاه يوم واحد مثل ماهووه يبي - لكن لكل شي حدوود

يعني مثلا لو نام ع الارض في مكان عام .. اعرف ان الووضع يفشل شوووي و يزعجج كأم ..

لكن روحي له و بدال لاتهااوشينه ضحكي معاه و قوولي له اي شي مثلا : تعبان حبيبي ؟؟ يالله نروح البيت عشان تنام .؟!

اكيد بيقوول لج لا !!

قولي له عيل ليش ناايم ع الارض .. !! محد يسووي جذي الا الي بينام و عشان جذي بنرجع البيت عشان ترتاح

او قوووولي له انت بطل ؟ و قووي ؟ اذا جااوب : اي

قوولي له البطل يقدر يقووم من ع الارض قبل لا اكمل العد لي 3 .. و بتجووفينه متحمس

فكره غير انج تخرعيينه من الحشرات اللي ع الارض قوولي يمه في نمل بيعضوونك و بنووديك المستشفى .. !! او احد بيدووس عليك بدون لا يدري !!

حتى تقدرين تقوولين له : بسرعه بسرعه بنروح نشتري حلاااوة قبل لايسكر المحل

عاد انتي و شطارتج و تعرفين ولدج شنو يحب و شنو يكره

عودي نفسج على انج تجووفين اهوه شنو يبي مو انتي شنو تبين

لان اليااهل ماايفهم الصح من الغلط

ومثل ماقلت اهم شي اتحسسينه انج تبين تسووين شي له اهووه يعني اغريييه و بيسمع كلامج اهم شي لا تعطينه اوامر بصيغه مبااشره

ص

صــ‘ـاحًبـــة’ الـســموً

عروس ذهبية

22-02-2010 | 10:03 PM

و شغله ثالثه ..

تاابعي برنامج

سوبر ناني

كانو يعرضوونه ع الام بي سي فوور ..

احسه مفييييد و بتحبين طريقتها

تقدرين اتابعينه ع الانترنت من موووقع اليوتيوب ..

مجرد كتبي supernanny

و بتطلع لج حلقات وايد اختاري منها الي يناسب مشكلتج :)

الله يخلييه لج و يجعله من الذريه الصالحه

ب

بسمة غروب

عروس جديدة

22-02-2010 | 10:07 PM

تسلمي عيوني على الرد الله يسعدك دنيا واخره

م

محروومة

عروس متألقة

22-02-2010 | 10:25 PM

هلا اختي .... الله يعينش صج الاطفال يبي ليهم طولت بال:091: ولاخت صاحبة السمو كفت ووفت :025:بس بقول لج عن شغله انه الضرب يزيد من عناد الاطفال وعن تجربه اني اذا بنتي عمرها سنتين اذا ابغي شي من عندها اصارخ عليها تعاند زياده بس من اقول ليها حبيبتي الشاطره عطيني هذا او جدي يعني اللي ابيه تعطيني على طول :03:فجربي اختي معاه هالطريقه ودائما ادعي الله يهديه اتمنى لو افدتش ولو بشي بسيط
والله يهديه انشالله ويخليه وطوووولي باللك عليه :039:ترى
:072::072::072:

ا

الرازجية

عروس رائعة

22-02-2010 | 10:36 PM

هلا اختي ...
انا باقولج صج الاطفال ساعات يطلعون الواحد من طورة لكن تخيلي في كل مرة تبين اتضربينه انج قاعده اتضربين مجنون ! تره الطفل مثل المجنون ماعنده عقل و لا بيفيد ضربه في شي بالعكس ممكن هل شي يخليه خواف و تهتز ثقته في نفسه

*

**ام عبادي القمر**

عروس ماسية

22-02-2010 | 11:16 PM

ماليش الا الدعاء حبوبة
اني كنت مثلج
لكن الحين ماشاء الله صرت هادئ مع ولدي ولله الحمد والسبب الدعاء
ادعي ربج انه يهديج ويهديه ان شاء الله

ا

ام حمود 2005

عروس مبدعة

22-02-2010 | 11:50 PM

الله يصبرش أختي ويهدينا ويهديش اني بعد أضرب أولادي لأتفه الأسباب

.

.. أمــ عــلــيــ ..

عروس ماسية

23-02-2010 | 12:41 AM

الله يعين بس على هالبزران ..

والله انهم يجننون اللي ما يتجنن .!.

بس ما نقول الا الله يعين ويسهل ...

ز

زوجي حبيب قلبي

عروس ماسية

23-02-2010 | 08:19 AM

الله يكون في عونا

z

zahary

عروس رائعة

23-02-2010 | 09:17 AM

حبيبتي اذا سوى شي وعاند فيه يعني يبيج انتي تعصبين

خذي نفس عميييق واخذيه على قد عقله وتصرفي معاه بهدوء

واذا سوى تصرف غلط أو مو زين لا تذمينه

ذمي الفعل اللي سواه

يعني مثلا نومته على الارض في السوق

لا تطقينه ترى تضعف شخصيته بالذات قدام الناس

وتصير شخصيته مهزوزة

قولي له الشطار الحلوين يسوون جذي ؟؟ انت شاطر وتطاوع الماما قوم حبيبي .... وتحيلي عليه

بس الشياطين اللي مو زينين يسوون جذي ... واخذيه بالحجي

و الله يعينج حبيبتي

اقري كتب عن كيفية التعامل مع الاطفال بتستفيدين

ا

الامورة شجن

عروس فضية

23-02-2010 | 09:29 AM

ما شاء الله الاخت صاحبة السمو كفت ووفت وان شاء الله تستفيدين منها ويهدي أولادنا إن شاء الله

ع

عروس جنان

مشرفة سابقة

23-02-2010 | 10:16 AM

حبيبتي حاولي تمسكي نفسك شوي..
والاطفال تراا حركاتهم عفوية يعني ما يعرفوا الصح من الغلط
فلازم نصبر عليهم شوي...

حاولي لما تروحي السوق تخليه في عربته
وخذيله معاش شبس وعصير وماي علشان يتسلى فيهم
انا كذا اسوي مع ولدي..
لانه ما شاء الله عليه اذا خليته يركض ومرة غاب عني وما
شفناه الا بعد 10 دقايق

ب

بسمة غروب

عروس جديدة

25-02-2010 | 03:13 PM

تسلمو حبايبي على الرد بس بعض الأحيان استخدم معاه اللين واقوله هات حبيبي يمشي معايه بس بعض الأحيان يعند والله يعين كل ام ويصبرها هذا واحد عادكيف لو كانو اكثر

مااقول غير الله يهديني ويهديه ويصبرني ياااااارب

ومشكووووووووووره على كل من رد على موضوعي

ص

صــ‘ـاحًبـــة’ الـســموً

عروس ذهبية

26-02-2010 | 12:01 AM

اللهم آمين ..

ياارب تهدي جميع الامهات و تصبرهم على عيالهم .. و تهدي كل الياااهل ياارب و تجعلهم من الذريه الصالحه ..

الله يرزق الجميع بالذريه ياارب

م

مسك أبيض

عروس ماسية

26-02-2010 | 12:26 AM

الله يعينج اختي ويهدي ولدش
ترى هالشي كل الأمهات يعانون منه الله يهديهم