كيف حالكن أخواتي العروسات اشتقت الكن كثير ولقسم المطبخ:087:
وبما اني شريت فيش للكاميرا لاني ضيعت القديم فقلت خليني اصور الهريسة وأحطها في القسم علما بأنه في طبخات على الكمبيوتر ولكن لضيق الوقت رح أنزلهن على فترات:057:
المقادير:
2 كوب سميد خشن أو وسط
4/3 كوب طحين
ملعقة كبيرة بيكنج باودر
كوب وربع حليب
ملعقة صغيرة قرفة
كوب سكر
ربع كوب زبده مذابه
الطريقة:
نخلط المقادير الجافة معا ثم نضيف الحليب ونخلط جيدا كل ما خلطنا بتشتد أكثر بس أنا ما خلطتها كثير وحتى عملتها مش شديدة
ندهن صينية بايركس بالطحينية ونضع الخليط فيها ونزينها بالفستق ونخليها ترتاح على الأقل نصف ساعة بس أنا الطباخة الشاطرة نسيت أريحها والحمد لله طلعت روعة
ندخلها الفرن على درجة 350 تقريبا نصف ساعة ثم نحمرها ونسقيها بالقطر(أنا حطيت معاه ماء زهر بيعطيها طعم حلو)
وهاي الصور
طبعا أطرافها احترقت لاني ما مديتها بالملعقة فكنت أحرك الصينية وصارت رقيقة على الأطراف على شان هيك احترقت شوي بس شلتهن وعادي:040:
جربنها عن جد لذيذة كثير
حتى في مدرسة اللغة كان معي وحدة من كوريا ووحدة من اليابان وحبنها كثير والكورية بدها الطريقة :094:
وألف صحة وعافية على قلوبكن:016: