سلام عليكم ورحمه الله وبركاته
شحالكم خواتي ان شالله بخير وعافيه
طبعا انا كنت مشتركه في اكثر من منتدى وطبعا موضوعي نال على اعجاب الكثير واكثرهم كانوا يشكروني فحبيت انزل لكم الموضوع عشان تستفيدون
واسمحولي اسماء المنتديات مااقدر اصرح عنها
المهم انا مابي امدح وااايد :085:
ومن الافضل انج تقرين الموضوع كله
وما اسمح لأي حد ينقل الموضوع لان من جهودي .. الا بذكر صاحبه الموضوع و المنتدى
بس يالله بنبدا
في البدايه الكل يعرف ان لازم اهتمامنا للمناطق الحساسه شي مهم ..
الاسئله الي كانت تجيني :
- انا اعاني من الحبوب المنتشره في المنطقه الحساسه شنو العلاج ؟
- اعاني من سواد في المنطقه الحساسه شنو الحل ؟
والكثير من الاسئله
نبدا الحين بخطوااات واذا استمريتي عليها صدقيني بتشوفين نتايج بترضيج باذن الواحد الاحد...
المنطقه الحساسه
في البدايه لازم يا بنات بعد الدوره تشيلون الشعر من المنطقه عشان مايسبب لكم التهابات ..
ونبدا الدرس
اول شي الي تسوينه تجيبين ملح بتقولين انزين شو اسوي فيه .. تتطهرين فيه بقولج شلون اول شي تجيبين مطاره ماي تكون نظييييييفه مغسلتها زيين لان هذي المنطقه حساسه جدا فلازم الاشياء الي تستخدمينها نظييييفه ..
تعبين ربعها ملح والباقي تعبينه ماي دافي وترجينها عددددل وانصحكم ابتعدوا عن الخل لان سمعت له اضرار والله تعالى اعلم .. بعدها تغتسلين فيها المنطقه من قدام وخلف ..
الشي الثاني والي اعتبره سححححححري من قلب هذا الشئ صارلي من 3 شهور استخدمه ولازم استخدامج له يكون صح وهي .. صابونه اسمها silka هذا من اروع الاشياء الي استخدمتها وتبيض عدددل تحصلينها في الجمعيات ..
شلون استعماله
في البدايه لا تستعملينه الا اذا ناويه تتسبحين .. لان من الافضل .. في البدايه لازم تكون عندج ليفه ناعمه وتستخدم بس للمنطقه الحساسه .. تفركين الصابونه في الليفه بعدها تفكرين فيها المنطقه بس شوي شوي من الخارج فقط <<< شفتوا يعني بس من بررع لا تقربين لداخل المنطقه
خلطه الملح و الليمون و الزيت زيتوون هذي خيااااااال تخلي المنطقه ناااعمه وروووعه شلون هي الطريقه
تخطلون ملعقه كبيره ملح وملعقه كبيره ليمون وملعقه ونص زيت الزيتون وقبل لا تنامين تدهنين هالمنطقه وانصحج لنتائج افضل لا تلبسين الملابس الداخليه ..
اممم اذا حسيتي انج تعبانه وماتقدرين تسوين الخلطه انصحج بيبي اويل ويا بنات ابتعدوا عن الاشياء المجهوله لان تركيباتها مضره .. اما تركيبات لاغراض جونسون تلائم بشره الياهل فانصحكم تاخذون منتجاتهم وتستخدمينه قبل ما تنامين
في نهايه تعرفون لييش تطلع لكم حبوب في هذي المنطقه لان مافيها اهتمااااااام
فلازم بعد ما تشيلين الشعر من المنطقه اخذي مكعبات ثلج ماي ورد ومرريها على هذي المنطقه واستخدمي اسكنول بالليمون بعد الحف ولمده 4 ايام وتستخدم مرتين في اليوم ومن الخارج فقط اتيبين قطنه دائريه وتمسحين فيها المنطقه
وهذا صورته
وبس هذا كل الموضوووع :016:
لأي استفسار راسلوني على الخاص وبجاوب على اسئلتكم
وانتظروني في موضوع تبيض الركب وتنعيمها الي ادهشت بنات عمي
ويالله نبي نشوف ردودكم وتقييماتكم
