كيف أنزل صور من الموبايل للكمبيوتر(سااااعدوني))

جووفي انا باعطيج طريقتيين ..

الاولى ان مع التلفون لما شريتيه في واير ( كيبل ) .. بتلقين فيه جهتين وحده نفس الفلاش يعني بتلقين لها مكان في الكمبيووتر و الجهة الثانيه في التلفوون و تختارين عقب الاشيه اللي تبين تنقلينها .. و تسوين لها نسخ و لصق :)


الطريقه الثانيه اهيه اذا عندج بلوتوث في الكمبيوتر او اللاب توب .. تفتحين بلوتوث التلفون و بلوتوث الجهاز الثاني و اتطرشيين عادي :)


اتمنى اني فدتج

و اذا في اي سؤال انا حاضرة و لااتستحيين من اي شي :)

والله طريقه البلوتوث اسهل وكيووت
انا عندي بلوتوث بالابتوب
بس ما اعرف اشغله
وكمان فيه مشكله ثانيه الاي فون ما ثبت فيه برنامج البلوتوث
لكن بفتح الجهاز والجوال واشوف يضبط او لا
بس شلون افتح البلوتوث الي بالابتوب
---
اذا ما ضبط راح اجرب الطريقه الاولى
رااااااااح اتعبك معايه حبيبتي

جربت اشغل البلوتوث الي بالابتوب وضبط معايه
لكن المشكله من الي فون البلوتوث مو شغال فيه

لا تعب ولا شي حبيبتي ..

افاا عليج بس :)


والله خليني اسال ولد خالتي اهووه عنده آي فون .. بساله بخصوووص البلووتووث و بارد عليج باسرررررررع فرصه يعني باجر ع الكثيير

سهله ماتبيلهاشي بالغاليه عن طريق البلوتوث وبس

ما تقصرين خيتو
انطرج
انزين يوم اطرشينه عن طريق البلوتوث وين يروح بالضبط في الكمبيوتر
وشلون تحفظينه
لاني ما قد جربته ابدااااا

انا سالت وحده معاي في الجاامعه عنه .. و قالت لي ان البلووتوث موجود في الستنغ ( الضبط ) ..


روحي له و فتحييه يعني خليه ع ال ON

و بعدين طرشي الصوور .. و على طول في الاب توب بتتبطل لج صفحه فيها الصوور المرسله :)

هيه صادقه
بس ما يطرش الا لاي فون مثله
يبيلي اثبت البرنامج الي يخليه مفتوح للكل
وراح اجرب
زوجي واعدني انه راح يثبت برنامج البلوتوث في ها اليومين
وراح اشوف
ما قصرتي
طلي ع موضوعي باستمرار عشان اذا ما ضبط
استشيرك
ماتقصرين يا بعد عمري

مااطلبتي شي حبيبتي ..


ان شاااء الله .. و انا بعد بااسال لج و باارد عليج باسرع وقت

اهلين شنولة
انا اسهل بالنسبة لي استخدام الكابل
انت بييجي مع الموبايل سي دي عليها برنامج nokia pc suite تسطبيه على الكمبيوتر
وبعد كده استخدام الموبايل مع الكمبيوتر هيكون مجرد توصيل كابل
لما تسطبي البرنامج هتظهر ايقونته لما تفتحي جهاز الحاسب عندك تفتحيه وتكوني موصلة الموبايل بالكمبيوتر
هيقراه ويجيب لك الميموري وذاكرة الجهاز
تشوفي انت حفظتي الصور فين وتنسخيها وتحطيها في اي مكان على الكمبيوتر
وكمان النسخ فيه اسرع من البلوتوث
بس :)

أيله صاحبه السمو
شنو رايك بتجربتي
استاااااهل هديه او لا
أأأأأأأأأأأأأأأأألف شكر لتج يا بعد قلبي ع مساعدتي

همسااات
تسلمين حبيبتي
ما قصرتي
بس انا جربت طريقة البلوتوث وضبط معايه
وحبه حبه راح اجرب طريقتك

•●شااانيل●•;11487508:
أيله صاحبه السمو
شنو رايك بتجربتي
استاااااهل هديه او لا
أأأأأأأأأأأأأأأأألف شكر لتج يا بعد قلبي ع مساعدتي

:ok:

ماسووويت شي حبيبتي ..

كشخه الصووورة ..

اهم شي ان ضبط معاج

عاد ننطر كل حلوو منج .. اقصد الصووور اللي بتنزلينها


=)

تسلمين حبيبتي
وأبشري بالصور
هههه
وحبيت أقولج مبرووووووووك ع التميز
تستاهلينها عن جداره

مشكوورة حيااااااااااتي ههههههههههههه



احرجتيني :$

:084::084::084::084::084::039::039: