مرحبا عرايسنا ..
كيفكم ؟
عساكم بخير ؟؟
اليوم جايبة لكم صور لتجهيزاتي البسيطة بمناسبة يوم ميلاد زوجي و يوم الفالنتاين اللي صادف تاريخ 14 نوفمبر وبماانة كان يوم ميلاد زوجي يصادف يوم عاشر من شهر محرم فأجلت الحفلة الى اول يوم ربيع اللي صادف يوم الفلنتاين فصار التجهيز على السريع
بس قبل لا ابتدي حبيت اخبركم انه تجهيزاتي كلها على السريع صارت ،، و احنا الحين نشتغل بالشقة فصاير الشقة مو منظمة ذاك التنظيم ،، لان انطر غرفة النوم و المطبخ يجهزوون بس ما حبيت افوت هالمناسبة من غير لا احتفل معاه !!
المهم نبتدي على بركة الله بس قبلها ما احلل اي احد ينقل الموضووع مع ذكر المصدر او بدوونه ،، لان الموضوع خاص لمنتدى عروس :ok:
يلا نبتدي
اول شي رحت شريت له عطورات اثنين و شريت له بيجامتين نوم و شريت له بدلة كامل مع الجوتي الله يعزكم و سويت له سيدي خاص طبعت عليه صورته و حطيت فيه صورنا مع بعض كامل لانه كان يحن فوق راسي يبي الصور و يبيهم فقلت استغل الموضووع و احطهم من ضمن الهدايا و البطافة سويتها بنفس التصميم اللي على السي دي ،،
جبت الهدايا اللي شريتها و حطيتها في بوكسات عادية و غلفتها بجلادة عادية لماعة بلون احمر و حطيتهم في البوكسات حتى يطلع شكل تغليفهم مرتب و عقب خذيتهم وديتهم الى محل تغليف على طول اتعامل معاهم و شريت بوكس كبير لون احمر و خليته يتكفل بالتزيين النهائي لان انة ما كان عندي وقت
و هذا الشكل النهائي للهدية
من جانب ثاني و تبين البطاقة اللي انة سويتها
صورة اقرب للبطاقة و السي دي
السي دي صار مع الهدايا داخل البوكس
و حبيت انه السي دي و البطاقة يكون مكتوب عليهم هالعبارة ( شفت السعادة يوم عيني شافتك ،، اسعدتني الله دايم يسعدك )
و داخل البطاقة كتبت كلام طالع من قلبي :016:
الحين نجي للتزيين البسيط اللي سويته في الغرفة
اول شي سويت ستيكر بعبارة ( أنا عيوني حرمت غيرك تشوف )
و لصقته فوق السرير مباشرة ،، و شريت اوراق بلون احمر و قصصتهم على شكل قلوب متساوية و علقتهم في السقف فوق السرير بس
و هذا كان الشكل النهائي
و شريت شرشف جديد لونه احمر و معاه شبشبين من نفس قماش الشرشف
و هني بعد ما حطيت الشبشب اللي حقي و اللي حق زوجي يم السرير
و في زاوية من زوايا الغرف سويت حركة بسيطة بالشموع على شكل قلب و الشكل الثاني حرف زوجي
و هني في الظلمة بعد ما شغلت الشموع :ok:و حطين بوسطهم صحن فيه مشمووم و وردة حمرا و صارت ريحة المكان واجد حلوة
و في الوسط شلت الزولية و فرشت قطعة قماش بلون احمر و حطيت حوالينها شمووع و حطيت في الوسط بروازين فيهم صورنا و في وسطهم حطيت عروسة لابسة فستان ابيض و هالعرووسة احبها واجد لان الوالد جابها لي من سوريا و حطيتها ديكور و اضفت عليها حركة بسيطة بوريكم اياها بعد شوي
و خذيت صحون و حطيت فيهم قلوب لون احمر و حطيت تحفة فيها حلاوة مع هالاغراض و حطت شموع على شكل قلوب و هذا كان شكل التزيين
و هذي الصحون
و هذي الشموع اللي حطيتها على القماش الاحمر
و هذي الورود المجففة اللي نثرتها
و شريت ستارة جديدة لونها احمر و علقتها
يتبع
