نصيحه من كل ام لكل ام

Jumanaa;11554301:
ياحبيبت قلبى 6 شهور مش بدرى ان البيبى ينام لوحده انا ابنى مولود فى شهر 11 ومن اول يوم الحمد لله بينام فى سريره لوحده

ماشاء الله يا ام حمزه
بس ازاى بينام لوحده هو مش بيصحى بليل يرضع

medowawa;11555026:
كنت عاوزه اقول لكم يابنات عل البقع اللي في اللسان غير اللسان اللي بيبقى ابيض من الرضاعه
يعني لازم تفرقوا
بس البقع دي اسمها هربس وهي معديه وومكن تعدي الولاد مع بعض لو اخوات وهي فعلا سيئه جدا
وممكن اصلا يتعدي من حد لو في حضانه او اي حاجه
لازم يكون له حاجته لواحده والطفل في الوقت ده مابيستحملش الاكل ويدوب شوربه و سوائل والله اكبر لو الموضوع اتطور الشفايف بتتشقق وبتنزل دم
الموضوع ده صعب جدا
وبييجي للاطفال حتى لما بيكبروا يعني ابني جاله وهو عنده 3 سنين وانا اتعديت منه اظاهر بوسته فاخدت العدوى وحسيت بالمه ربنا يعينهم بصراحه
فخدوا بالكم ولو شكيتي في حاجه روحي للدكتور علطول

ربنا يكرمك بجد ويكملك على خير
بس شكلها ايه البقع المرضيه والبقع بتاعت الرضاعه

medowawa;11555095:
ميرسى يااناناسه بس انا عايزه لعب لسن سنه عشان ابن اخو جوزى هيكمل سنه وعايزه اجيبله هديه تفيده
بصي يا جميل اي لعبه بتطلع صوت او بتتكلم بتبقى ملفته بالنسبه له بالزات لسنه اللي عاوز يستعمل فيها حواسه كلها
بصي في مشايه ,,هي مش مشايه هي دراع بيمسكوا ويسندوا وهو بيمشي انا عارفه انه لسه صغير بس حتنفعوا اوي وقتها
وهي بتبقى دراع ليه جسم معاه واقف على عجل الجسم ده احيانا بيكون فيه بازل او زراير بيتك عليها تطلع اصوات او تتكلم
وفي منها بيبقى ليها وضعين وضع الدراع يترفع زي ماقلتلك ووضع الدراع بينزل لتحت بس مش فاكره بتبقى ايه
عموما متهيالي انت عارفاها وانا ححاول اجيبلك صورتها لو لقيتها هنا
وهي جميله اوي

انا عرفاها وهجبلها صوره بس انا عوزه اسئل هى فعلا بتسند الطفل زى المشايه العاديه


على فكره انا شفتها فى لفلى بس معرفش بكام

crazy ananas;11548785:






ديه حلوه عشان التازر البصرى الحركى ويعرف الاشكال برضو

على فكره يا ام حمزه الحاجات ديه تنفع لسن سنه
وهجبلك تانى :ok:

medowawa;11554882:

الكرفس ده تتبيل كويس هو والبقدونس بس الكرفس بالزات لازم يتسلق مع الخضار وبعدين يتضرب معاهم بعد كدى ناخد بالنا لانه احيانا بيبقى زي الشعره التخينه فنشيلها من معلقة الاكل عشان مش حيعرف يبلعه
انا كنت بضرب الخضار كله في حلته اللي سلقته فيها بدراع الهرس بتاع بروان
وكنت باخد كميه كميه واحطها في علب مخصوص للبيبي على اد الاكله وكل ماييجي وقت الوجبه اطلعها قبلها بفتره تفك وبعدين ااكلهاله
في بنات ممكن تقول الخضار فريش
بس انت مش حتجيبي جزره وبطاطسايه وكدى فرش لا
بيبقى كيلو او نص كيلو وبعدين بيفضل بقى في التلاجه فمش حيبقى فريش بردوا بس لو جبناه وهو لسه فريش وسلقناه علطول وضربناه وبعدين عيناه في الفريزر الفرزي حيحتفظ بلفيتاميانت اللي في الخضار
بس طبعا مايبقاش بتاع الشهر ههههههههههه
يعني كميه اكله لاسبوع عشان مش كل شويه تقومي تسلقي وتضربي لان دي وجبه مهمه وثابته في اليوم
ولازم اول ماتاكلي يبقى مره يكون جعان جدا
وكمان نبدا بالخضار قبل الفاكهه
وبعد كدى صفار البيض في حتة جبنه نستو او معلقتين زبادي عشان يعرف يبلعه ولازم نبدا بالصفار قبل البياض
ربنا يخليك يا جميل على دعواتك والله محتاجاها ربنا يكرمك

ربنا يكرمك ويباركلك فى اولادك وتقومى بالسلامه يارب مش بنشوفك فشات الحوامل ليه اصل برضو الامهات محتلين شات الحوامل خالينا نشوفك :083:
طريقتك فالاكل حلو قوى ماشاء الله وانا معاكى فحكايه تخزين الاكل اريح كمان
بس كنت عوزه اسئل سؤال فنى ملوش علاقه بالموضوع هو انتى جيبى دراع الهرس بكام ومنين :049:

ميرفى50;11551051:

صباح الخير

يا احلى امهات وكل سنه وانتم كلكم طيبين علشان عيد الام المعدل ليوم الاسرة ومتهايلى ده هيبقى احلى عيد ام لانكم جربتم الاحساس ده ادعوا معايا وقولوا يارب يرزق الاطفال لكل الزوجات المحرومات من الانجاب لان الاطفال دى احلى نعمه من رب العالمين

فى حاجه بقى انا عايزة اقولكم عليها انا سالت دكتور جوما على فيروس الروتا قالى هو علشان النزلات المعوية قالى فى مليون الف حاجه تانى بتجيب نزلات معويه مش الروتا بس يعنى التطعيم لمرض الروتا بس دى حاجه

انا بقى عايزة اسال سؤال جوما بتعرق كتير قوى والموضوع مخوفنى من ساعت ما قريت منكم ان العرق عند الاطفال مش حلو ايدها بتعرق ورجليها وهى بترضع بتعرق طب ايه اضرار العرق يا ريت اللى يعرف يقولى وهل يستهال انى اروح اسال الدكتور

وانتى طيبه يا ميرفى وفعلا يارب مايحرم حد من الاحساس ده يارب
ويخليلنا امهاتنا واولادنا يارب
وربنا يكرمك على موضوع التطعيم انا سمعت ان كتر التطعيمات اللى غير الضروريه ممكن يكون غلط عالاطفال وده كلام د هشام حتاته اللى بيجى فقناه الحياه

اما العرق انا برضو نانو ساعا بتعرق من رجلها وايدها وسئلت الدكتور مره قالى خففى اللبس رغم انى مش متقللها اصلا وكله قطن بس هو لو كان فى قلق كان قال
وانتى دلوقتى الجو رخم وحر خففيلها شويه انا دلوقتى ملبسه نانو فانيله بكم وعليها حاجه بنص او العكس المهم انهم حاجتين بس
وكمان حاول تكون نايمه على حاجه نعمه وقطن ومتغظيه برضو بحاجه قطن بلاش اى حاجه تقيله

دموع الملائكه;11553032:
ايه اللعب الجامده دى يا انوس تسلمى ياسكر حلوة اوى

ايوه كدا يا ام جوجو شجعينى دانا سهرانه فيهم والله عشانكم ولفيت عاللعب فى جوجل عشانكم :087:

تسلم ايدكى يا انوس وتعيشى وتجبلنا احلى لعلب وربنا يباركلك فى نانو وتفرحى بيها اللهم امين وتشفيها اقدامك بتجرى وبتلعب وبتفرح وبتفرحك معها اللهم امين

انوووووووووووووووووووووس طول عمرك جامده في معلوماتك بجد ربنا يباركلك يارب
وحاولت اقيمك معرفش ليه منفعش

انوس انتي طعمتي نانو HIP ولا لآ انا عايزة اطعك لومي التطعيم ده لكن الروتا خلاص مش هطعمها

ميرفى50;11557867:
تسلم ايدكى يا انوس وتعيشى وتجبلنا احلى لعلب وربنا يباركلك فى نانو وتفرحى بيها اللهم امين وتشفيها اقدامك بتجرى وبتلعب وبتفرح وبتفرحك معها اللهم امين

:087: امين يا ميرفى وربنا يكرمك عالدعوه الحلوه ديه وتشوفى جومانا احسن واحده فالدنيا وتكون زريه صالحه ليكو :083:

garfeild;11558645:
انوووووووووووووووووووووس طول عمرك جامده في معلوماتك بجد ربنا يباركلك يارب
وحاولت اقيمك معرفش ليه منفعش

انوس انتي طعمتي نانو HIP ولا لآ انا عايزة اطعك لومي التطعيم ده لكن الروتا خلاص مش هطعمها

سيمو فينك بقالى كام يوم مش بشوفك ربنا يكرمك يارب مش مهم تقييم كفايا عليا الكلام الحلو ده :087:وربنا يباركلك فى لومى
بصى يا سيمو انا والله احترت خالص فى الموضوع ده لحد ماقررت خلاص مش هطعمها اى تطعيم خارج الصحه وربنا يحمى نانو لان فى كلام متضارب عن التطعيمات الخارجيه ناس تقول كويسه وناس تقول لا فربنا يحفظها ومش هطعمها
انتى لو عوزه تطعميها ندى طعمت بنتها وبتقول الجرعه ب 100ج :083:

موضوع حلو اوى ما شاء الله
تسلم إيدك يا أنوس وكل الأمهات
جزاكن الله خيرا
إن شاء الله ربنا يرزقني الذرية الصالحة وآجي أشارك معاكم

بنات انا شيفاكم بتتكلمو عن التطعيم
بصو والله اللى بقوله ده حقيقى مش اى كلام ولا بفتى ولا بعمل افلام
بلاش تطعيم الاطفال جوا مراكز الصحه
والله العظيم والله العظيم ان فى حالات اطفال ماتت من التطعيمات الفاسده وفى حالات فى الغيبوبه وبلاوى كتيره بسبب تطعيمات الصحه الفاسده
وكان اصلا معمول عليها موضوع كبير من فتره وجابو الكلام ده فى التليفزيون
وكان اللى متابع الحالات دى دكتور صاحب جوزى وقالى اوعى تطعميه فى الصحه طعميه فى المصل واللقاح اللى فى الدقى ده احسن حاجه وهو بيعمل كده مع ولاده
وقالى الروتا مهم جدا وجوزى مشدد عليا على موضوع تطعيم الروتا جامد اوى وانه يتاخد فى معاده صح
ومواعيد التطعيمات تبقى فى معادها صح اوى
وكمان الكبدى الوبائى ب مهم جداااااااا وبيتاخد بكذا طريقه بكذا جرعه يا اما 0 - 1 -5
او 2-4-6
ده يعنى جرعات الشهور يعنى لو بدءتى فى شهر يناير يبقى يناير وفبراير ويونيه
كده يعنى

وبلاش تطعموهم عند الدكاتره فى العيادات الخاصه لان التطعيم بيطلع من التلاجه وبيدخل مليون مره ومش صح كده زى بالظبط بتوع الصحه اللى بيعدو على البيوت بلاششششششششششش بالله عليكم بالذات اللى بيعدو على البيوت دول مش صح خالص

اللهم بلغت اللهم فاشهد
وانا بقولكم والله علشان الموضوع ده عامل قلق كبير وفى حالات اطفال حصلهم بجد مشاكل اللهم احفظنا جميعا يارب

انوسة اللعب حلوة اوي اوي هاعيط بجد نفسي فيها :037:
انا لما كنت في اور كيدز قلت اجيب لعبة تكون صغنونة خالص وسوفت زي خامة الدباديب علشان تناسب نور بس تكون فيها الوانات كتيييير زاهية علشان لاحظت ان الالوان بدأت تلفت انتباهها بس لقيتها غالية للاسف
يعني السعر مش مناسب للحجم خالص :060:
تكون موجودة فين الحاجات دي بأسعار كويسة ؟

دموع الملائكه;11530919:
ازيكم يابنات وحشتونى وواضح انى فاتنى كتير بس انا لاحظت حاجه وحبيت اقولهالكم
بنتى احيان كتيره بتنام بالنهار وبالليل تصحصح معايا فبقوم اخدها ونخرج بعد العصر فاحيانا بتنام بس بتنام نوم قلق نيجى بقى بالليل تاكل وتناااااااااااااااااااااااااااااااااام براحتها بقى وارتاح انا وانام براحتى ههههههههههههه
الحاجه التانيه احيانا بخرج بيها واجى بالليل الاقيها بتعيط جااااااااااااااااااامد وطبعا سريخ متواصل بقولكم الحل مش الرضاعه بالعكس لو رضعتيها وهيا شبعانه هترجع اللبن ده لانه ملى بطنها فى الحاله دى بعمل ايه بقى بشيلها على ايدى ناحية نبضات قلبى كده واقرا قران او رقيه بمعنى اصح ورب الكعبه الحمدلله بفضل الله بتهدى وتبدا تنااام بس اصبرى عليها وحاولى تترننى فى القران يعنى ترتلى بصوت حلو ومنها انك بترقيها ومنها ان الطفل بيحب يسمع صوت ..وربنا يهديلنا اولادنا ويبعد عنهم اى شر ...
الحاجه التالته ودى مهمه جدا لازم الحوار مع بنتك حتى ولو لسه مولوده بس حوار ازاى ؟يعنى مثلا بحكيلها كل اللى حصل ف اليوم وتقعد تسمعنى ده مهم جا للبيبى وبرده باباها بييجى يقولها كل اللى حصل ف الشغل وطبعا مش بيحكيلى انا هههههههههههههههه اهم حاجه جوجو بس بجد صدقونى ده بينمى عندها حاجات كتير
وبس كده لو لاحظت حاجه تانيه مش هبخل عليكم

رورو كلامك صح انا بردو ساعات اقعد أقرأ لنور قران في ودنها بالراحة وهي بتعيط وبتسكت وتنام فعلا سبحان الله

doaaes;11541230:
بجد موضوع روعة ما شاء الله
انا هقولكوا كل نصايحى من اول ا ولدت لحد دلوقتى
اول نصيحة للحامل انها تهتم بالنيبلز بجد يا جماعة محدش يستهتر بالموضوع ده لانى استهترت بيه وتعبت شهر كامل لان حصل فيه تشققات واتعور وكان بينزل دم وكان حوار يعنى
تانى حاحة انا فى سبوع جودى لاقيت الحمام بتاعها لونه اخضر وبتعمل حمام كتير قولت دى عندها اسهال بقى وبرد فى المعده لانها مولوده فى اخر واحد يعنى عز الشتا روحت للدكتور اسمه اسلام امين فى تبارك قالى لا ده مش اسهال قالى عادى ان الطفل يعمل حمام بعد كل رضعه والحمام بتاعها لونه اخضر لانى كنت باخد مضاد حيوى بعد الولاده علشان الجرح فقالى كان فى فيتامينات مش بتوصلها وادانى فيتامين فوار ليها وقالى لمده اربع ايام وفعلا لونه الحمام اتغير وبعد لما بطلت الفوار رجع تانى اخضر قالى اصبرى وهيرجع لونه الطبيعى تانى
وفعلا رجع للونه الطبيعى
تانى حاجه لاقى عند جودى ان السرة موقعتش كلها وادانى ليها ماس ازرق والحمد لله وقعت
وقالى بقى نصايح ان عادى ان الطفل يجيله زغطه وعطس وخنفره وانه يرجع ويكشت وممكن يرجع من مناخيره
وكتبلى على اكوافيرا للمغص
بعد كدا لاقيت جودى نومها قليل جداا وكل شويه عايزه ترضع ولاقتها خست قولت دى مش بتشبع وقولت اوديها لدكتور علشان يكتبلى على لبن صناعى وكمان لون لسانها كان ابيض اوى من اللبن فقولت اروح اسال الدكتور ودتها عند دكتور كنت بروحله انا وجوزى واحنا صغيرين
بصوا هوقالى كلام هتستغربوه جداااااااااا بس بجد لولا اننا مجربينه واحنا صغيرين حتى لينا ملفات هناك لسه انا وجوزى حتى ضم ملف جودى معانا وكمان كل بتوع المنطة بيروحولوا وبيشكروا فيه جدااااااا وبيبقى زحمه مووت عنده لولا كدا مكنتش روحتله تانى وقولت دكتور مش بيفهم
اول حاجه قالى بنتك بتشبع قالى انا بعرف ان الطفل بيشبع ولا لا من جلده ودى بتشبع قولتله بس دى خست 200 جرام فى اسبوع قالى الميزان ميفرقش لان بقى لو عايزه تحسبيها صح تبقى توزنى بنتك قبل الرضاعه وبعد الرضاعة لانه بيفرق وزنها قبل الرضاعة عن بعد الرضاعه وتوزنى نفسك بعد الرضاعه وقبل الرضاعه وتوزنى الحمام بتاعها وتشوفى بقى زادت ولا لا قولتله بس دى رفيعه اوى قالى الطفل الاصح هو اللى بيبقى رفيع لكن الطخين هو ده اللى صحته ضعيفة
وقالى ابدأئ من الاربعين اديها عصاير طبيعية زى البرتقال الطماطم وغيره يعنى
وقالى رضعيها فى اى وقت تعوز ترضع فيه وقالى متسمعيش الكلام اللى هو تنظيم الرضاعه كل ساعتين والكلام ده رضعيها وقت ما تحب ترضع حتى لو عايزه تاخده على انه حاجه تتمص ومتكلش
قالى امنعى التتينه والببرونه واديها بالمعلقة او القطارة لان الببرونه ممكن تستسهلها وتسيب الرضاعه والتتينه ممكن تتلوث وتتعبها او تعمل مشاكل فى سنانهالقدر اللة انها تبقى معوجة او حاجه
وقالى ابدأى شربيها ميه
وقولتله على النوم قالى براحتها تنام وقت ما تحب وتصحى وقت ما تحت قالى نظمى حياتك عليها مش هى اللى تنظم حياتها عليكى قولتله بس ده نومها قليل جدا قالى عادى ممكن يوم متنمش كتير ويوم تانى تنام اليوم كله وقالى لو نايمه متصحيهاش علشان تاكل حتى لو نامت اليوم كله متصحيهاش (بنت عمتى قالتلى ان سمعت من دكتور فى التلفزيون ان الطفل بينمو وهو نايم).
وادانى لللسانها نقط ونصيحة اللى ابنها او بنتها عنده حاجات بيضة على لسانه تروح للدكتور علشان يكتبها على دوا لانى سمعت ان الحاجات البيضة دى بتبقى زى الشوك على لسان الطفل وانها بضايق الطفل وان ده بكتريا اللبن والله اعلم لان الموضوع ده لاقيته دارج عند اطفال كتيرة اوى.
بس ده كان ملخص اللى حصل عند الدكاترة
ملحوظة ناس قالتلى ان عصيرالطماطم والفراولة والمانجة تقيل على الاطفال الصغيرين
معلش طولت عليكوا ودوشتكوا

جزاكي الله خير كلامك مفيد

hoobie;11542943:
كل دكتور ليه طريقه فعلا ..بس غريبه موضوع وزنها ده المفروض اهم حاجه وزنها على الميزان وانها تزيد كل شهر من 600 لكيلو ..وموضوع جلدها اللي اعرفه ان الطفل لو مش بيرتوي بس بيبان على جلده اما الاكل وضع تاني ..وكمان موضوع العصاير غريب اوي خصوصا البرتقان والطماطم ممكن يعملوا اسهال والطماطم ممكن تعمل حساسيه ..هو اه ممكن تديلها اعشاب انما عصاير دي غريبه شويه ..عموما مادام هو شاطر وانتوا واثقين فيه يبقى خلاص ده اهم حاجه

المهم اليومين اللي فاتو دول محمد ابني كان عيان وسخن وحرارته عالية اوي وصلت 39 ونص بس الحمدلله بدأ يتحسن ..انا نصيحتي بقى لما البيبي يسخن لا قدر الله لازم حمام ميه ساقعه انا قعدته في البانيو بتاعه نص ساعه وقلبي كان بيتقطع عليه وهو بيصرخ من السقعه والخوف بس كان لازم والحمدلله نزلتها ل38 وشرطتين كده

الف سلامة عليه
خلي بالك انا سمعت من الدكتور اللي بييجي في راديو مصر دة ان كمادات المية الساقعة غلط والافضل كمادات مية فاترة وقال كمان بالمرة ان افضل وادق انواع الترمومتر كمان هو الزئبقي وبعدين الديجيتال

دموع الملائكه;11542991:
الحاجه الطريفه بقى اللى لاحظتها على جوجو بقى الحمدلله بقيت اخليها تكركر من الضحك كان نفسى اسمع صوتها فى الضحك مش ابتسامه بس اقولكم بقى اشيلها مثلا واحنا خارجين وباباها ورايا وانا شيلاها على ايدى ارفعها لفوق شويه وباباها يضحكها باى حاجه من ورا ماشاء الله اللهم بارك ضحكتهم جميله اوى بس يارب تكونو فهمتونى وبس انا عارفه انه مش ف محل الموضوع ههههه بس انا عارفه ان كل ام بتتمنى تشوف طفلها بيكركر ودى حاجه بتشرحها اوى

هههههههه ربنا يخليهالك يا رورو يارب ويفرحك بيها
نورين بقي من يوم ماتولدت وهي بتضحك في الحلم وهي نايمة (الملايكة بتضحكها) فعلا بيبقي احلي منظر
بتبقي نايمة وكلنا متجمعين فوق راسها وقاعدين نبص عليها :085::085:

وبالنسبة لموضوع النوم بقي ساعات افضل واخداها في حضني وقاعدة وهي نايمة مستغرقة في النوم خالص وأول ماجي احطها علي السرير تصحي مش عارفة اعمل اي حاجة منها خالص ايه الحل في الموضوع دة

هوبى الف سلامة على دودو يارب يكون بقى كويس دلوقتى

انا بس عايزة اعلق على كلام سوسى بخصوص الترمومتر
الترمومتر الزئبقى ده اتمنع فى دول اوروبا لانه خطر وانا شخصيا كنت هتسمم منه .. كنت لسة شارية ترمومتر جديد ويادوب حطيته فى بقى بقيس بيه وطبعا انا كبيرة لا هقعد اعض عليه ولا العب بيه .. الترمومتر اتكسر وستر ربنا ان الزئبق ماوقعش فى بقى وطبعا الزئبق مادة سامة .. ربنا يستر علينا كلنا
فخلينا فى الديجيتال احسن وانضف

Eng. BoB;11565400:
هوبى الف سلامة على دودو يارب يكون بقى كويس دلوقتى

انا بس عايزة اعلق على كلام سوسى بخصوص الترمومتر
الترمومتر الزئبقى ده اتمنع فى دول اوروبا لانه خطر وانا شخصيا كنت هتسمم منه .. كنت لسة شارية ترمومتر جديد ويادوب حطيته فى بقى بقيس بيه وطبعا انا كبيرة لا هقعد اعض عليه ولا العب بيه .. الترمومتر اتكسر وستر ربنا ان الزئبق ماوقعش فى بقى وطبعا الزئبق مادة سامة .. ربنا يستر علينا كلنا
فخلينا فى الديجيتال احسن وانضف

سلامتك يا بيبو ربنا ستر
بس دة مش كلامي دة كلام الدكتور محمد رفعت اللي بييجي علي راديو مصر انا سمعته بيقول كدة ونقلت المعلومة بالمرة
لكن انا بستخدم الديجيتال بردو

mashimaro16;11563849:
بنات انا شيفاكم بتتكلمو عن التطعيم
بصو والله اللى بقوله ده حقيقى مش اى كلام ولا بفتى ولا بعمل افلام
بلاش تطعيم الاطفال جوا مراكز الصحه
والله العظيم والله العظيم ان فى حالات اطفال ماتت من التطعيمات الفاسده وفى حالات فى الغيبوبه وبلاوى كتيره بسبب تطعيمات الصحه الفاسده
وكان اصلا معمول عليها موضوع كبير من فتره وجابو الكلام ده فى التليفزيون
وكان اللى متابع الحالات دى دكتور صاحب جوزى وقالى اوعى تطعميه فى الصحه طعميه فى المصل واللقاح اللى فى الدقى ده احسن حاجه وهو بيعمل كده مع ولاده
وقالى الروتا مهم جدا وجوزى مشدد عليا على موضوع تطعيم الروتا جامد اوى وانه يتاخد فى معاده صح
ومواعيد التطعيمات تبقى فى معادها صح اوى
وكمان الكبدى الوبائى ب مهم جداااااااا وبيتاخد بكذا طريقه بكذا جرعه يا اما 0 - 1 -5
او 2-4-6
ده يعنى جرعات الشهور يعنى لو بدءتى فى شهر يناير يبقى يناير وفبراير ويونيه
كده يعنى

وبلاش تطعموهم عند الدكاتره فى العيادات الخاصه لان التطعيم بيطلع من التلاجه وبيدخل مليون مره ومش صح كده زى بالظبط بتوع الصحه اللى بيعدو على البيوت بلاششششششششششش بالله عليكم بالذات اللى بيعدو على البيوت دول مش صح خالص

اللهم بلغت اللهم فاشهد
وانا بقولكم والله علشان الموضوع ده عامل قلق كبير وفى حالات اطفال حصلهم بجد مشاكل اللهم احفظنا جميعا يارب

منار انتي قلقتيني والله بخصوص مكاتب الصحه خصوصا اني فعلا كنت شفت حالات مرعبه زي البنتين اللي اتطعموا وبعد ساعه من التطعيم الاتنين اتوفوا ربنا يحمي عيالنا بس قلت يمكن دي حالات استثنائيه يعني .. طيب ليه منطعمش عند الدكتور انا اللي اعرفه ان التطعيم بيتنقل في ايس باج يعني امان وللا الدكتور بتاعك قالك ايه ..ومعلش ياقمر ايه موضوع تطعيم الكبد الوبائي مش فاهمه الارقام اللي انتي كاتباها دي اللي اعرفه انه لما يتم سنه ياخد جرعه كبدي وبائي ل

وبالنسبه للروتا انا بصراحه اديته لمحمد ولو حتى هيحميه 50% بس لان بنت خالي ابنها جاله الفيرس ده وكنا بنشوفه بيموت والله وجاله اثار جانبيه لحد دلوقتي بتعالجه منها

medowawa;11555095:
ميرسى يااناناسه بس انا عايزه لعب لسن سنه عشان ابن اخو جوزى هيكمل سنه وعايزه اجيبله هديه تفيده
بصي يا جميل اي لعبه بتطلع صوت او بتتكلم بتبقى ملفته بالنسبه له بالزات لسنه اللي عاوز يستعمل فيها حواسه كلها
بصي في مشايه ,,هي مش مشايه هي دراع بيمسكوا ويسندوا وهو بيمشي انا عارفه انه لسه صغير بس حتنفعوا اوي وقتها
وهي بتبقى دراع ليه جسم معاه واقف على عجل الجسم ده احيانا بيكون فيه بازل او زراير بيتك عليها تطلع اصوات او تتكلم
وفي منها بيبقى ليها وضعين وضع الدراع يترفع زي ماقلتلك ووضع الدراع بينزل لتحت بس مش فاكره بتبقى ايه
عموما متهيالي انت عارفاها وانا ححاول اجيبلك صورتها لو لقيتها هنا
وهي جميله اوي

اه عرفتها ياجميله ميرسي خالص

mashimaro16;11563849:
بنات انا شيفاكم بتتكلمو عن التطعيم
بصو والله اللى بقوله ده حقيقى مش اى كلام ولا بفتى ولا بعمل افلام
بلاش تطعيم الاطفال جوا مراكز الصحه
والله العظيم والله العظيم ان فى حالات اطفال ماتت من التطعيمات الفاسده وفى حالات فى الغيبوبه وبلاوى كتيره بسبب تطعيمات الصحه الفاسده
وكان اصلا معمول عليها موضوع كبير من فتره وجابو الكلام ده فى التليفزيون
وكان اللى متابع الحالات دى دكتور صاحب جوزى وقالى اوعى تطعميه فى الصحه طعميه فى المصل واللقاح اللى فى الدقى ده احسن حاجه وهو بيعمل كده مع ولاده
وقالى الروتا مهم جدا وجوزى مشدد عليا على موضوع تطعيم الروتا جامد اوى وانه يتاخد فى معاده صح
ومواعيد التطعيمات تبقى فى معادها صح اوى
وكمان الكبدى الوبائى ب مهم جداااااااا وبيتاخد بكذا طريقه بكذا جرعه يا اما 0 - 1 -5
او 2-4-6
ده يعنى جرعات الشهور يعنى لو بدءتى فى شهر يناير يبقى يناير وفبراير ويونيه
كده يعنى

وبلاش تطعموهم عند الدكاتره فى العيادات الخاصه لان التطعيم بيطلع من التلاجه وبيدخل مليون مره ومش صح كده زى بالظبط بتوع الصحه اللى بيعدو على البيوت بلاششششششششششش بالله عليكم بالذات اللى بيعدو على البيوت دول مش صح خالص

اللهم بلغت اللهم فاشهد
وانا بقولكم والله علشان الموضوع ده عامل قلق كبير وفى حالات اطفال حصلهم بجد مشاكل اللهم احفظنا جميعا يارب

ليه القلق ده يامنار ده الكل بيقول ان اضمن حاجه مراكز الصحه عشان بتكون تحت اشراف هما صحيح مقرفين ومعاملتهم تقرف بس ياللا يعني هي كام مره يعني الواحد هيروح لهم والحالات دي انا عمري ما سمعت عنها انتي سمعتي عنها ممنين
طب وهي التطعيمات في المصل واللقاح بكام بقي علي كده انا اقصد التطعيمات الاجباريه بتاعة الصحه
وليا سؤال انا طعمت حمزه من يومين الثالاثي وشلل الاطفال المهم وانا مروحه يعن بعد ما اطعم ب10 دقايق مثلا قشط فقلت لازم اعيد التطعيم تاني المهم رحت قعدو يقولولي ملوش علاقه والتطعيم بيلزق في اللسان المهم اديتله نقطه واحده كده عشان خاطري ومكنوش راضيين انا قلقانه لتكون كده الجرعه ناقصه

ام نانو
حمزه طبعا بيصحي يرضع ولا اربع خمس مرات بالليل برضعه واحطه في سريره تاني طبعا الموضوع مش سهل يعني ممكن يقوم وانا بنيمه واعيد اللي عملته تاني عشان ينام بس لازم اعوده على النوم في سريره من بدري

انا عايزه اعرف المشايه بستخدمها من امتي وهل لازم الطفل يحبي الاول عشان استخدمها

مش عارفه يابنات ايه القلق من التطعيمات ده,,,ده انا جوز واحده صاحبتي دكتور في الجامعه ومع ذلك بيودي ولاده مراكز الصحه وقال لها ان الدكتور التطعيمات مش بيبقى عليها جر زي مراكز الصحه وان التطعيم ممكن يفسد عنده او يكون قديم

وحالات الوفاه دي على فكره ممكن تحصل لان في اطفال مابيستحملوش التطعيمات وبره اصلا في جزء من الناس معارض التطعيمات لانهم متخيلين ان ليهم علاقه بالتوحد
فالتطعيمات دي اثارها الجانبيه لسه مش واضحه ميه في الميه للدكاتره
بس احنا نعمل اللي علينا
وبعدين احنا لو مشينا ورا التليفزيون مش حنخلص ده الواحد جاله اكتئاب من اللي بنشوفه معكنننين علينا علطول
نفسي يجيبه مره نماذج كويسه ويدوا امل للناس كان الدنيا خربت مع ان الكويسين لسه موجودين
بس لو جابوهم ماحدش حيتفرج الناس عاوزه التهويل والاثاره

ربنا يكرمك بجد ويكملك على خير
بس شكلها ايه البقع المرضيه والبقع بتاعت الرضاعه

ماهو مابيبقاش الفرق باين اوي بس البقع بتاعة الهربس بتبقى ابيض اوي
بس لو انت لاسمح الله شكيت لاي سبب روحي للدكتور يتاكد

طريقتك فالاكل حلو قوى ماشاء الله وانا معاكى فحكايه تخزين الاكل اريح كمان
بس كنت عوزه اسئل سؤال فنى ملوش علاقه بالموضوع هو انتى جيبى دراع الهرس بكام ومنين
ربنا يخليك يا عسل بصي ده دراع مولينكس وكينوود وفي منه براون
وده ممكن ييجي لوحده ولو انت عندك المالتي كويك هو ده الدراع اللي فيها وفيه بيبقى الدراع ومعاه مضرب بيض وشفشق صغير
لو البنات عندهم صور ياريت يحطوها عشان الكل يستفيد

Jumanaa;11567706:
اه عرفتها ياجميله ميرسي خالص



ليه القلق ده يامنار ده الكل بيقول ان اضمن حاجه مراكز الصحه عشان بتكون تحت اشراف هما صحيح مقرفين ومعاملتهم تقرف بس ياللا يعني هي كام مره يعني الواحد هيروح لهم والحالات دي انا عمري ما سمعت عنها انتي سمعتي عنها ممنين
طب وهي التطعيمات في المصل واللقاح بكام بقي علي كده انا اقصد التطعيمات الاجباريه بتاعة الصحه
وليا سؤال انا طعمت حمزه من يومين الثالاثي وشلل الاطفال المهم وانا مروحه يعن بعد ما اطعم ب10 دقايق مثلا قشط فقلت لازم اعيد التطعيم تاني المهم رحت قعدو يقولولي ملوش علاقه والتطعيم بيلزق في اللسان المهم اديتله نقطه واحده كده عشان خاطري ومكنوش راضيين انا قلقانه لتكون كده الجرعه ناقصه

متقلقيش يا جمانه تطعيم شلل الاطفال بالذات بيتاخد كذا جرعه منشطه وبيتعمله حملات على طول واتعملت من اسبوع كده حمله وهيتعمل تاني الشهر الجاي تقدري تطعميه ..على فكره المفروض ان البيبي بياخد جرعة شلل اطفال في الشهر التاسع مع فيتامين الف واتلغى تطعيم الحصبه فاغلب الناس مبتروحش تطعم الاتنين التانيين بيفتكروا ان التطعيم بتاع التاسع كله ملغي ورغم كده مبيبقاش غلط وجرعة شلل الاطفال بتتعوض بعد كده

انا عرفاها وهجبلها صوره بس انا عوزه اسئل هى فعلا بتسند الطفل زى المشايه العاديه

لا مش بتغني عن المشايه بس وهو بيزحف حيروحلها يلعب بيها وبعدين لما يبدا يمشي بيسند على حاجه دي بقى بتسنده ويفضل ماشي حواليك وبتساعده يصلب طوله
وبيقويلي عضلاته بس لازم يكون هو بدا يمشي بس بيسند على حاجه ومابيقدرش يمشي لوحده

انا عايزه اعرف المشايه بستخدمها من امتي وهل لازم الطفل يحبي الاول عشان استخدمها
المشايه ممكن في الاول يقعد فيها تسليه بس رجليه ماتلمسش الارض ويلعب في الالعاب
وبعد كدى بالتدريج يبدا يلمس الارض وحبه حبه يمشي بيها
من سن كام من 9 شهور يقعد فيها وبردوا مش فترات طويله اوي
وبعد كدى تنزل عل الارض من سنه كدى
ومش لازم يزحف لان في اطفال بتمشي علطول ومابيزحفوش اصلا

في ناس بتحذر منها ومابتحبهاش بس انا جبتها وحجيبها لابني ان شاء الله
لان حاسه انها حلوه بس بردوا مش لازم يعتمد عليها 100 في الميه هي بتساعدوا انه مايفضلش ثابت في مكانه ويبقى معاك ويتسلى لانه بيزهق
بس لازم ينزل عل الارض فتره عشان عضلات رجليه تقوى
يعني غلط ان الام تريح نفسها ويفضل قاعد فيها 24 ساعه ده غلط








شات الحوامل والله لي واحد صاحبتي هناك وقالتلي بس المشكله انكم ماشاء الله عارفين بعض من زمان وتقبل الجديد ببقى صعب شويه
انا والله قديمه جدا جدا بس ببعد وارجع لان الولاد بيلبخوا جامد ,,وعندي الكبير في مدرسه
يارب تفرحوا بيهم كدى وهم رايحين المدرسه هههههههههه

hoobie;11567595:
منار انتي قلقتيني والله بخصوص مكاتب الصحه خصوصا اني فعلا كنت شفت حالات مرعبه زي البنتين اللي اتطعموا وبعد ساعه من التطعيم الاتنين اتوفوا ربنا يحمي عيالنا بس قلت يمكن دي حالات استثنائيه يعني .. طيب ليه منطعمش عند الدكتور انا اللي اعرفه ان التطعيم بيتنقل في ايس باج يعني امان وللا الدكتور بتاعك قالك ايه ..ومعلش ياقمر ايه موضوع تطعيم الكبد الوبائي مش فاهمه الارقام اللي انتي كاتباها دي اللي اعرفه انه لما يتم سنه ياخد جرعه كبدي وبائي ل

وبالنسبه للروتا انا بصراحه اديته لمحمد ولو حتى هيحميه 50% بس لان بنت خالي ابنها جاله الفيرس ده وكنا بنشوفه بيموت والله وجاله اثار جانبيه لحد دلوقتي بتعالجه منها

والله يا هوبى ده اللى كل اصحاب جوزى الدكاتره الى فى مصر يعنى كلهم حذرونى من الموضوع ده من اول يوم وكل واحد فيهم يكلمنى ساعه لما يكون فى تطعيم ويقولى اوعى تروحى الصحه
والتطعيم بتاع الدكتور مش تمام علشان بيطلع التطعيم من التلاجه ويرجع يدخله وهكذا فمش صح
يعنى انا كنت بطعم ياسين فى المصل واللقاح الكبد الوبائى بتبقى حقنه اوك وكان ساعتها الجرعه المنشطه بتاعت شلل الاطفال الدكتوره هناك ادتله نقطتين وقالتلى لو رجع ولا طلع من بقه اى سائل فى خلال نص ساعه اديله نقطتين تانيين وادتنى بقيت التطعيم واخدت من الصيدليه كيس فيه تلج وقد كان فعلا طلعهم من بقه وادناله تانى وبعد كده بترمى التطعيم

موضوع الكبد الوبائى فى مدرستين فى طريقه التطعيم : انك تاخدى التطعيم على جرعات
هوا بيبقى 3 جرعات
ياما تاخديه النهارده جرعه وبعد شهر من النهارده الجرعه التانيه وبعد خمس شهور من الجرعه التانيه تاخدى التالته
او انك تاخديه النهارده وبعد شهرين وبعد اربع شهور
مش عارفه اوصلهالك اوى :(

الروتا والله فعلا هوا فيرس خطر جدا ومش عارفه ازاى فى دكتور يقول ميتاخدش برده بنت خالتى مدتهوش لبنتها والدكتور قالها مش مهم مع انه مهم جدا وحتى بقالهم بتاع سنه واكتر بيعملو عنه اعلانات فى الراديو وانه مهم ولازم يتاخد

Jumanaa;11567706:
اه عرفتها ياجميله ميرسي خالص



ليه القلق ده يامنار ده الكل بيقول ان اضمن حاجه مراكز الصحه عشان بتكون تحت اشراف هما صحيح مقرفين ومعاملتهم تقرف بس ياللا يعني هي كام مره يعني الواحد هيروح لهم والحالات دي انا عمري ما سمعت عنها انتي سمعتي عنها ممنين
طب وهي التطعيمات في المصل واللقاح بكام بقي علي كده انا اقصد التطعيمات الاجباريه بتاعة الصحه
وليا سؤال انا طعمت حمزه من يومين الثالاثي وشلل الاطفال المهم وانا مروحه يعن بعد ما اطعم ب10 دقايق مثلا قشط فقلت لازم اعيد التطعيم تاني المهم رحت قعدو يقولولي ملوش علاقه والتطعيم بيلزق في اللسان المهم اديتله نقطه واحده كده عشان خاطري ومكنوش راضيين انا قلقانه لتكون كده الجرعه ناقصه

التطعيم لا بيلزق فى البق ولا اى حاجه ده اى كلام سورى يعنى
يعنى ايه تطعيم يلزق فى البق ده بيتبلع مع الريق وبينزل المعده علشان كده المفروض ميرضعش بعد التعطيم الا بساعه
مش عارفه هيا التطعيمات بكام فى المصل واللقاح لان المره الى فاتت جوزى هوا اللى دفع فمش عارفه بس ممكن تسألى بالتليفون
ومتقلقيش من موضوع الجرعه الناقصه دى علشان مش دى الجرعه الاساسيه دى جرعه منشطه فقط وكل شويه بيعملوها مش تقلقى خالص