حياتي والنبتة

صباح الخير
اشتقت لكم بس ظروفي واشغالي احرمتني منكم
اليوم جاية لكم بشوق كبير
وحابة اعرض عليكم بهذه الصفحة كلمات واتمنى انكم تستفيدون منها قبل لا ابدي بقولكم شي اي شي الانسان يسوي يحتسب الاجر من الله انا كتبت هذه الكلمات اطلب من الله الاجر واني افيدكم وما ابي منكم تودعون لي مبلغ بحسابي او اي شي الي ابيه منكم دعوة طيبة لي وبيرد عليج ملك وبيقول ولج مثلها واتمنى من الله التوفيق لي ولكم اجمعين

حياتي والنبتة

اخترت هذا العنوان لان ذكرت كل شي مر بحياتي من ايجابيات ومن سلبيات ومريت على الايجابيات وقلت الحمدلله واستانست بس لمن شفت السلبيات قلت بنفسي ليش ما سويت جذي من قبل ولو سويت جذي ما صار كل هذا ((واحنا نعرف كلمة لو شنو من مداخل الشياطين ))
في بداية زواجي امي ما علمتني شي غير كوني طيبة معا هل زوجج واحترميهم وسوي كيت وكيت وكيت بالمقابل كنت اشوف اشياء تضايقني منهم قعدت بيني وبين نفسي قلت يما شلون تقولين كوني طيبة معاهم وهم يعاملوني بجذي
قعدت اقلب هالتفكير في راسي ويلعب فيني الشيطان لافكار توديني وتجيبني
وبعد المشاكل كلها قلت خلاااااااااااااااااااص انا ماراح اخلي علاقتي فيهم غير السلام وصرت ادخل واسلم واطلع واسلم واذا بقعد اقعد معاهم 10 دقايق واصعد لغرفتي
بس الي عرفته ان المفروض تكون حياتي معاهم من البداية اكون دارسة لها
ترى العلاقات والتعامل معا لناس مو بسهل نفس ماا حنا معتقدين لا
تخيلت ان علاقتي معا هل زوجي نفس النبتة كل ما سقيتيها بتكبر وبتحلى شكلها صح
خلاص فقلت من اليوم وطالع علاقتي مع اهل زوجي ومع الناس ومع حياتي كلها واموري كلها بتكون نفس النبتة
اسقيها وارعاها عالشان يكون شكلها حلو بالمقبال ما نزرعه اليوم هو حصاد الغد
يعني الشي الي ازرعه اليوم نبته صغيرة باجر بتكون شنو شجرة مثمرة
اسوي اشياء صغيرة وانطر النتايج مو بظروري لباجر لا ممكن لسنة او سنتين او للمستقبل
بتكلم عن نفسي ((لا يروح فكركم بعيد اني ابي امدح بنفسي لا بس ابي اعطيكم امثال عالشان تفهمون علي ))
علاقتي مع اهل زوجي شنو الي سويته
النبتة جم مرة اسقيها ؟؟ هل هي 24 ساعه في وجهي ؟؟
بجاوب عليكم النبته اسقيها مرة وحدة باليوم والا بتغرق << من هذا الي فهمته ان اتصل على ام زوجي واستفسر واطمن عليها مرة باليوم
هل هي 24 ساعه في وجهي جوابي بيكون لا وانا افضل من تسكن في سكن خاص فيها
لان كثر ما اقعد معاها اول شي بيكون كثرة المشاكل وراح يعرفون كل شي عني وفي مثثل يقول روح بعيد وارجع سالم اخلي طلتي تكون خفيفه عليهم ترى مهما كان اهل الزوج في بينهم خصوصية ما يحبون الجنة تسمعهم هذا الا اذا كان اهل الزوج غير عن جذي الله العالم
واتوقع ان لازم تكون لي خصوصية وما اضيع وقتي بمجاملة الناس ومن راقب الناس مات هما
من البداية اسقي نبتتي عدل واعتني فيها عالشان باجر اشوفها تكبر
حياتي جذي نفس النبتة اسقيه على الراحه
اما اذا سقيتها باليوم اكثر من مرة ممكن شنو يصير فيها ؟؟؟
وكل ما شي زاد عن حده انقلب ضده ؟؟
ابدئي بحياتج باشياء بسيطة بتفيدج لمستقبلج
والي عندها اي تجربة حابة تطرحها حياها الله
بنات الي حابة اي استفسار لا يردها الا السانها
وابي منكم الدعاء نفس ماا نا دخلت دورات وصارت لي ظروفي علمتني واستفدت حابه افيدكم معاي وان شاءالله راح اكتب لكم موضوعات بتفيدكم واتمنى تاخذون منها الي تستفيدون منه
والله ولي التوفيق