*
*(يلوموني بحبك )*
عروس مشرقة
18-02-2010 | 12:01 AM
السلام عليكم ورحمة الله وبركاته
ابدي سالفتي من يوم ملكت على زوجي
عندنا حفلت الملكه على اهل البنت طبعا
يوم جو خوات رجلي ثنتين كانوا طايرين فيني ومو مصدقين نفسهم من الفرحه اللي هم الكبار وثنتين لا كان باين غيرتهم على وجيههم وتصرفاتهم
لدرجة ان وحده منهم يوم جاء زوجي يلبسني الشبكة قامت تصارخ بعالي صوتها وسوت نفسها اغمى عليها
وما اكتشفت هالحركة الا بعد فترة من الزواج يعني انها كانت تمثل
المهم زوجي هو اخر العنقود والمدلل عند ابوه وامه وبحكم اني زوجته طالني الدلال والدلع من عمي وعمتي ويوم حملت وجبت اول ولد وسماه عمي على ابوه شسوالي خلاني احس اني ملكه
وسوى ذيك الحفله اللي كل العائلة قاموا يسولفون فيها
وبعد هذي الحفله طلعت اخت زوجي اللي ما تحبني
عني اشاعات بالعائلة اني وحده ما عندي اخلاق وان ولدي مو من زوجي وان زوجي على نياته ما يدري عن شي
واني كنت على علاقة بزوجها هي قبل الزواج من اخوها
والثانية ادعت اني مسويتلها سحر وانها بتطلق من ورى هذا السحر
طبعا زوجي عنده لربع خوات ثنتين ما فيه احسن منهم وثنتين الله لا يوريكم الحقارة واللؤم واللعانه يعطون ابليس دروس
بالشر واللعانه
واخر حركاتهم يوم يأسوا من امهم وابوهم وزوجي انهم يطلقوني
صاروا يرسلون رسايل على جوالي
بان زوجي يخوني وانهم عندهم الدليل على الخيانه وصاروا يصوفون زوجي وشكله وجسمه اللي يعرفونه زين بحكم انهم خواته اكبر منه
بكثير يعني فرق 12 سنه بينه وبينهم
ولقيت ببيتي صور بنات بالمجلس ورى الكنب
حاطينها لأنهم يعرفون اني كل جمعه اسوي تعزيل للبيت كامل
وما اكتفوا ويوم شرى زوجي بيت جديد كبير وجوا ام زوجي وابوه
يزورونا حلف عليهم زوجي انهم يسكنون معنا
وفرحت فيهم يعلم الله لأني احبهم
قالوا لأم زوجي اني ما ابيها معاي بالبيت
واني راح احاول اموتها
وهي كبيرة بالعمر يعني عمرها 77 سنه وهم بناتها وانا مرت ولدها
صدقتهم وللأسف
والحين حياتي خربت وكثرت مشاكلي
قال زوجي اذا امه وابوه يبون يروحون بيتهم ما راح امنعهم
وخصوصا اخوه الثاني ساكن معهم بنفس البيت هو وحرمته بس طبعا فرق بيني وبينها بمعاملتهم
وما ودي اخسر الاجر
وطردت اخواته الثنتين الملاعين من بيتي
وصارت جمعتهم مع امهم
في بيت اخوهم الثاني
اللي متوافقين مع زوجته بشكل عجيب
مع انها سيئة معهم ومع اهلهم
وما سلمت منهم والله شوهوا سمعتي عند اهل زوجي عمامه وخواله
والكل صار ينظر لي باحتقار مصدقهم وهم ما يتكلمون الا بالشرف والعياذ بالله
واهلي لو يدرون والا يشمون ريحت هالكلام ما راح يخلوني على ذمة زوجي دقيقه وانا صابره ما قلتلهم عشانه لأنه من جد انسان بكل معنى الكلمة
انصحوني شاسوي
ابي ارد اعتباري
واخذ حقي بس شلون
انصحوني جزاكم الله خير
ه
هارد لك ياقلبي
عروس جديدة
18-02-2010 | 12:16 AM
الله يعينك اختي
سبحان الله الاشكال هذي تلقااء من يصدقها
مرت علي نفس حالتك بس من بنات عمي
شككو بشررفي وانا توني بزر عمري 15 سنه كنت صغيره ولاافهم شي
والعالم كرهتني ومنعت بناتهم يمااشوني
وسبحان الله اشوف لهم حظ عندالنااس
بس الله حسيبهم
مدري كيف الناس هذي تقدر تحط راسها على المخده وتنام
مالك الا الدعاء اخر الليل
وخلي علاقتك بااهله رسميه
سلمي عليهم ولاتطيرين بامه وابوه حيل عشان مايغارون اكثر
الله يكشفهم قدام اخوهم واهله على حقيقتهم
السلام عليكم
اختي .. اي رد اعتبار مع هالاشكال هذي ... عيشي حياتج واهم شي في هذه الدنيا زوجج
لاتسمعين كلامهم ولا تحترين من سوالفهم .. لان هالاشكال ماراح تخلصين منهم
سمعي من اهني وطلعي من اهني ... واللي يوصل لج الحجي قطعيه ... لان اللي قاعد يوصل لج
معاهم ويبي يضايقج ويكدر خاطرج
والباب اللي ايي منه الريح صكه واستريح
وديري بالج على زوجج وعيالج
دمتم سالمين
اختكم شريفة
هلا حبيبتي
حسبك الله ونعم الوكيل , الي انا مستغربة كثير منه كيف كيف كيف يطعنوك بشرفك لهذه الدرجة ويتهموك في ابنك وبعلاقات مع ازواجهم وزوجك يسكت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!
كيف ما دافعتي عن نفسك واثبتي الحقيقة وكتمتي افواه الحاقدين , هذه المسأله كان مفروض تنحسم من البداية ؟؟؟؟؟؟ كان لازم يكون لافتراءهم حد عشان تنطم لسانهم عنك , اعوذ بالله ناس ما تخاف ربها ,استغفر الله
حبيبتي حسبك الله ونعم الوكيل اولا الزمي الاستغفار وقومي الليل واطلبي من الله ياخذ حقك من الي ظلموك , حاولي تكسبي الناس وتثبتي للي حوالينك انك انسانه طيبه وعلى خلق ودين والافعال ابلغ من الاقوال
وبكذا اديتي الي عليك عيشي حياتك مع زوجك وربك وهم طلعيهم من راسك واذا ذكرتيهم قولي حسبي الله ونعم الوكيل , الله بياخذلك حقك فثقي به وبعدله ونصرة
والله يفرج عنك
*
*(يلوموني بحبك )*
عروس مشرقة
18-02-2010 | 12:26 AM
المشكلة هم يتهموني عيني عينك وقالوا انهم بيفضحوني
قدام زوجي واهله واخوهم عارف سوالفهم
بس يقول ان نزلناها باللحية وان رفعناها بالشنب وهذولي خواتي غصب طيب خواتي
بس مليت منهم من جد
S
Soft Touch female
عروس ماسية
18-02-2010 | 02:15 AM
اختتتي ذولا قلبببهم اسوود بس لي ما تخليين زوجك يوقففهم عند حدهم وانتي خلللج قويية وزفييييهم ووقفي لهم وقفة عدلة وربي ينصررج
ياروحي انتي والله والله انو توني جالسه ابكي عشان اخت زوجي ارسلت لي رساله الله لا يوريك وليه لاني قلت لها اذا بتروحون المكان الفلاني بروح معاكم
والله والله يالغلا لو شفتي الرساله لتبكين والله لاكن زوجي طيب ايش اسوي
فتحت هالقسم ابغا اكتب السالفه حقتي بس شوي ارتحت يوم قريت ردود البنات
وليش اخوج ساكت ليكون السالفة بسيطة عباله؟؟؟هذا شرف ومافي رجال يرضى على شرف زوجته لو مين يكون
*
*(يلوموني بحبك )*
عروس مشرقة
18-02-2010 | 02:30 AM
شاهي نعناع;11364679:
ياروحي انتي والله والله انو توني جالسه ابكي عشان اخت زوجي ارسلت لي رساله الله لا يوريك وليه لاني قلت لها اذا بتروحون المكان الفلاني بروح معاكم
والله والله يالغلا لو شفتي الرساله لتبكين والله لاكن زوجي طيب ايش اسوي
فتحت هالقسم ابغا اكتب السالفه حقتي بس شوي ارتحت يوم قريت ردود البنات
الله يسلمك ياحبيبتي
صحيح اللي قال الزين مايكمل
والله لو الرجال ينشرون لأشري رجلي بمال الدنيا
لكن حرت قلب وتدرون حنا القبايل كل شي عندنا الا الشرف ينجاب
طاريه و كل الناس فيهم الخير والبركة من هالناحية
واخاف اشتكي لأهلي وتكبر السالفة
وما تترقع
وتوصل للطلاق من نور عيني
ولا ادري شلون اوقفهم عند حدهم
كل ما تكلمت تخنقني العبرة واسكت
وهذا مو من ضعفي لا بس كلامهم كلام ما ينقال
لدرجة هددتهم بالشكوى بالمحكمة ورفع دعوى قذف المحصنات بس هونت عشان خاطر ابو زوجي اللي ترجاني عشان اهون
والله حسافه انه ابوهم
شوفي لايصح الا الصحيح ومهما لفو وداروا راح تبان الحقايق للناس
وانتى باين عليك عاقله مشاء الله عليك
كبري عقلك واسفهيهم ترى الخسران يقطع المسران ارفعي نفسك عنهم وراح يموتون
اماالناس صدقيني راح تطلع ان السبب غيرتهم
انا تقريبا صارلى كذا بس الناس ظهرلها الحقيقه لانهم يعرفون خوات زوجي ويعرفون انهم يخربون البيوت انامارديت عليهم وسفهتم
انتى ماعليك الا من بيتك وزوجك حافظي عليه
وبالتوفيق والله يكفيك شرهم
ان الله لا يرد دعوة المظلوم وبعزتي وجلالي لأنصرنك ولو بعد حين
لاتسكتين عن حقكك ياقلبي
اقلك كيف اهله ماتطيحين من عيونهم باخلاقك ياقلبي وباينة اخلاقك من ماشاء الله تبارك الرحمن مافي منها
بطيبتك وبكلامك الحلو وتصرفاتك الي مافي منها صدقيني رح تكسبي قلوبهم واحد واحد واولهم اخواته الثنتين
وذا تكلموا عليكي من قدامك وقدام الاهل لاتسكتي
ردي عليهم بس بادب واحترام وتعابير وجهك تكون باردة >>>يعني متاكدة من نفسك ورافعة الراس فوق
وخلي ردك يصدمهم بس مو تطاولين عليهم خخخخ بتنقلب الطاولة عليكي بعدين ههههه
الموهيم ويومهم يطفشوا ويحسوا بغلطهم باذن الله بيجوكي وهم يعتذروا والله يهدي الجميع
واذا كبروا الموضوع خليهم يحلفوا ع المصحف
بجد يقهررررررررررررررررررون >>>محتره
او اقلك
اقري توقيعي واعملي به جيدا هههههههههههههههههههاي
فلها وربك يحلها واللي يدفني بهم
ادفنه بتراب واكتب على قبره
GAME OVAR
u
umjana79
عروس ركن قضايا و حلول
18-02-2010 | 10:03 PM
وزوجك وين موقعه من الاعراب؟
نونه الشعنونة;11364723:
الله يسلمك ياحبيبتي
صحيح اللي قال الزين مايكمل
والله لو الرجال ينشرون لأشري رجلي بمال الدنيا
لكن حرت قلب وتدرون حنا القبايل كل شي عندنا الا الشرف ينجاب
طاريه و كل الناس فيهم الخير والبركة من هالناحية
واخاف اشتكي لأهلي وتكبر السالفة
وما تترقع
وتوصل للطلاق من نور عيني
ولا ادري شلون اوقفهم عند حدهم
كل ما تكلمت تخنقني العبرة واسكت
وهذا مو من ضعفي لا بس كلامهم كلام ما ينقال
لدرجة هددتهم بالشكوى بالمحكمة ورفع دعوى قذف المحصنات بس هونت عشان خاطر ابو زوجي اللي ترجاني عشان اهون
والله حسافه انه ابوهم
ياقلبي انتي كويس انو عندك اهل ينشد فيهم الضهر وميرضو عليك لاكن انا والله لالالااهل ولالاغيره الله المستعان مني عارفه ايش اقولك
الله يسخرهم لك ويكفيك شرهم
السلام عليكم اختي
انا شفت الويل من اخوات طليقي
والله لو ابدا احكيلك ماراح تصدقين من طعن في شرف لما كنت حاملة
قالو لطليقي هذا مو ابنك والله كثير كثير
انت احمد ربك زوجك ما يصدقهم :: انا طليقي كان يصدق اخواته ويكذبني
انت اتمسك بالله
ان الله يمهل ولا يهمل
اختي الكريمة انت نامي مرتاحة لان الواحد القهار لا ينام
عقوبة قذف المحصنات الجلد
لا حول ولا قوة الا بالله العلي العضيم
اللهم رد كيدهم الى نحورهم
انت لا تنتقمي ولكت اتفرجي لان كما تدين تدان والدنيا دوارة
راح يخلفوا بنات ويعيشوا نفس الالم اللي عشتيه
احمدي ربك على كل حال
انصحك اهتمي ولا تخليهم يخذونه منك لان بذلك تكون خسرتي كل شي
الله يحفظك وينور ايامك
أ
أريج الأقحوان
مشرفة سابقة
19-02-2010 | 10:56 PM
لا حول ولا قوة إلا بالله..
سبحان الله..أمس جارتي كانت تحكيني عن أخوات زوجها,وسوا لها حركة تخرب بيت اللي ما عندها صبر!!
اتصلت عليها وحدة منهم,وغبرت صوتها وقالت لها:أنا حبيبة زوجك,إنت بس للعيال!!
أنا حبيبته اللي يسافر معايا وياخذني للدلع!!
وإنت فيك وفيك...زكلام ما ينقال..
المهم جارتي استدرجتها بالكلام,إلين ما عرفت صوتها,وخبرت زوجها,قامت أخته خافت من الفظيحة واتصلت وقالت بس كنت بسوي مقلب!!وهي كذابة..
أختي:
ما لك إلا بيتك وزوجك,والله مثل هذولي الناس(شياطين الإنس)ما ينفع معهم إلا التطنيش وتحصين النفس منهم,ادعي دايما أن يجعل الله كيدهم في نحرهم,وأن يجعل تدبيرهم تدميرا لهم..
حافظي على زوجك,وخبريه دايما بأنه يتجاهل كل اللي يصدر منهم,ولو كان بالفعل مشكك!! خليه يثق فيك ثقة تامة,وانه مهما ورد من المواقف ما يخرب الود اللي بينكم.
وأخوات زوجك,طنشيهم,وخلي علاقتك معهم رسمية للغاية,وإذا دخلوا بيتك راقبيهم بطريقة غير مباشرة,لا تخلينهم نهائيا يدخلون غرفة نومك,ولا يجلسون لحالهم ببيتك,مثل هذولي ما ينأمنون ع البيت!!
كلميهم بالصراحة:أيش السبب اللي يخليكم تعاملوني كذا؟؟
ذكريهم بالله,وبالعقوبة,وقولي لهم:كما تدين تدان,اللي تسوونه فيني بالظلم,ترى الله قادر يعاقبكم ببنات ياخذون أزواجكم من بين ايدينكم,والله قادر يبتليكم بسبب ظلمكم لي بأن يغير حياتكم ويخليكم ترتكبون إثم وتخرجون مع رجال غير أزواجكم بسبب ظلمكم!!
وإن ما فاد معهم الكلام,طنشيهم,وداااااااااااائما حصني نفسك,وبيتك,وما عليك منهم.
أما أهلك لا تعلمينهم نهائيا,عليك بزوجك,وحياتك معه,وهم كأنهم جماد..
الله يوفقك.