تجمع حوامل مصر القمرات لشهر ربيع الاول

عااااااااااااااااااااااااا هي صعبه يا كتكت؟؟؟ والله انا خايفه سواء قيصري او طبيعي وحاسه اني دخلت في الجد

علي فكرة انا بكتب ببطيء وصعوبة عشان اخوات جوزي نايمين ورايا ومش عايزة اقلهم وطافية النور

طب كملي يا كتكت معاكى عاااااااااااااااااااا

CuTie KaTkOoTa;11447108:
نودي فاكرة اسم القطرة اللي كتبوها لجوجو ساعة الولادة؟

neo-pol

معاكى للصبح يا ايمى
كملى يا حبيبتى

كملي ياايمي

اوكي المهم، هما بقي ابتدوا يلبسوا بعض كمان ويجهزوا كل حاجة، وعمالين يهزروا وكده، وبعدين جت اللي لبستني في الاول في الاوضة هي منتقبة وكويسة اوي، قربت عليا وقلتلي علي الدعاء عشان اقوله واردده كتير بقي عشان الملايكة تبقي حواليا، وبعدين جه بتاع البنج حطلي الكانيولا واداني البنج وهزر بردو وقاللي الدعاء هو كمان ودكتورتي وكلهم سموا بالله طبعا، وانا بصراحة حسيت اني رحت بسرعة عالطول لقيت عيني احولت كده والحاجات زغللت ومش حاسة بحاجة قمت مغمضة وفشششششششششششششششش :085::085::085:

وبعدين بقي لما فوقت شوية نونو كده وابتديت اسمع اللي حواليا في الاوضة كان ساعتها بيقولولي فات ساعة ونص باين من ساعة ما جابوني ليهم يعني ولغاية ما ابتديت افوق بس بردو لسه مش عارفة انطق ولا افتح ، سمعاهم بس.

وشوية شوية ابتديت احاول اتكلم وعيني لسه مقفلة، بفتحها كده ثانية بتقفل تاني، وكلامي واطي وكلمة كل فترة كده وخلاص، بس كنت عايزة اكح ومش قادرة عشان الجرح بيشد.

وكنت متضاقة اوي من الشعور ده، وقالولي انها عيطت كتير ومستنياني اهي لما افوق، وحوها جنبي يحاولوا يوروهالي وانا مش قادرة افتح واشوف، وفضلت كده فترة بردو بس حاسة بكل اللي حواليا وساعات برد عليهم.

كوكيييييييييييي الحمد لله على سلامتك يا جميل نورتينا :087: ... احكي يا شهرزاد يلا :03: ... الله حاسة اني قربت أولد ، يا ترى الدور على ميييييين الدور على ميييييييين :037:

لغاية ما فوق بقي وفتحت عيني بس كنت لسه تعبانة طبعا، شفتها بقي وطبعا مش قادرة اقوم بس كنت عايزة ادخل الحمام اعمل بيبي، وطبعا حاولوا عشان اقوم قعدت اقول لا لا مش قادرة بيوجعني ونمت تاني وطلبت منهم يجيبولي البتاعة دي يحطوها تحتي يمكن اعرف اعمل فيها بس مش عارفة ازاي، وفعلا جت الممرضة حطتها وفضلت احاول ومش عارفة، وتعابة نفسي اعمل، فقالتلي طيب هقومك بالراحة وتدخلي جوا الحمام، نسيت بقي دخلت ساعتها فعلا ولا لأ، بس المهم يعني بعد شوية كده جم اتنين بقي اخدوني الحمام عشان يشطفونيوبلبسوني هدومي لأني كنت لسه بالروب ده، وفعلا خلصوا بسرعة وحسيت براحة شوية بس عيني كانت مدروخة كده وشكلي مسقط نوم خالص.

وطلعت بقي نمت تاني بس صاحية وظبتولي السرير وقالولي بقي لما تعملي غازات او كيكي ساعتها ممكن تشربي ينسون الاول وبعدين تاكلي وطبعا ادوني لبستين جوا صحيح في الحمام عشان يسهلوا الموضوع ده

ها وبعدين اول ماصحيتي تعبتي ولا كان عادي

عروسة نعومة;11447296:
كوكيييييييييييي الحمد لله على سلامتك يا جميل نورتينا :087: ... احكي يا شهرزاد يلا :03: ... الله حاسة اني قربت أولد ، يا ترى الدور على ميييييين الدور على ميييييييين :037:

:087::087::087: ازيك يا بوسي.

الدور علي بطة ونونه ان شاء الله

حسيتي بوجع جامد اول مافوقتي من البنج؟

صحيح لما عرفت انطق في الاول قبل ما افوق كويس، قلتلهم خرموا ودنها وهي كويسة وكده.
ومش فاكرة اطمنت علي ايه تاني كده.

طيب جوزك وقف معاكي وقت العمليه واهلك دخلولك امتي

sweetylolla85;11447314:
حسيتي بوجع جامد اول مافوقتي من البنج؟

لا مش اوي لأنهم بيبقوا مديني مسكن وكانوا معلقنلي الجلوكوز.

بس هي الكحة لما بحاول بيشد ويوجعني.
وطبعا حتي مكنتش ليه عارفة احرك ايدي احطها عليه ولا اي حاجة

sweetylolla85;11447317:
طيب جوزك وقف معاكي وقت العمليه واهلك دخلولك امتي

بس علي باللي بقي متأخر والصبح بدري مفعول المسكن كان راح وتعبت بقي جامد ومكنتش عارفة انام ولا اقعد ولا امشي وهمون وانام لأني مكنتش نايمة اصلا ومكنتش لسه شربت اي حاجة عشان معملتش غازات، هما قالولي اخرجي اتمشي عشان تمشي معدتك واتمشيت فعلا يومها بالليل بس محصلش حاجة.

وبعدين بقي لما شيفت الصبح بدأ قلتلهم عايزة مسكن بسرعة، قالتلي هدهولك حالا بس الجولوكوز ده يخلص بس هو قرب، وفعلا اخدته والحمدلله بعدها اتحسنت كتير.

وبعدين نسيت اقولكم قبل الشيفت ما يبدأ كنت دخلت الحمام وعملت بسيط كده، فلما جت بقي قولتلها قاموا جابولي اليانسون وبعده بشوية فطار.


ووجوزي مدخلش لأ منفعش، هما وصلوني لغاية الباب وبس، ولما الولادة خلصت الممرضة جت بسرعة تقولهم هاتوا لبس البيبي بقي، فراحوا معاها وقفوا عند الباب بردو بس هي جوا وهما بره مش شايفين بردو.

وبعدين ادهتلهم بقي وجابوا سريرها الهزاز، وجابوني انا علي ترولي، وقالولي في الفترة اللي كنتي فيها معانا دي قبل ما تفوقي مقولتيش اي كلام الحمدلله

هما كانوا نضفوها بس طده ولبسوها بس مش حمي، لكن تاني يوم جت دكتورة كده حمتها قدامي بقي وبتعلمني احميها ازاي وكده وغيرتلها وورتني بردو وكتبتلها علي حاجات نجيبها.

وشوية جت الدكتورة اخدتني، عشان يغيرولي علي الجرح ويطهروه ويدوني مضاد حيوي.

كتكوته انا مستمتعه جداااا بالحكايه بتحكى كويس ماشاء الله

حمد الله على سلامتك وسلامة جودى
شبهك جدااااا على فكره

سجلتيها بتاريخ كام بقى؟

semsema_semsemy;11447358:
كتكوته انا مستمتعه جداااا بالحكايه بتحكى كويس ماشاء الله

حمد الله على سلامتك وسلامة جودى
شبهك جدااااا على فكره

سجلتيها بتاريخ كام بقى؟

:085::085::085::085:بجد والله يعني بعرف فعلا اوصل.

تسلمي يا قمر، يعني شبهي انا بفعلا بردو زي ما الاغلبية بيقولوا :03::03::03:

هما راحوا ولسه مرجعوش ان شاء الله بتاريخها 25-2-2010