تجمع حوامل مصر القمرات لشهر ربيع الاول

صباح الخير يا بنات

عاملين ايه ؟؟

معلش انا مش قادره ادخل عشان انا فى مشاكل كبيره اوى اوى اوى اوى

والله يا جماعه عمرى ماتخيلت ان اللى حصلى دا يحصل ابدا

انا داخله بس اقلكم بالله عليكم تدعولى جامد اوى ان ربنا يفك همى وكربى

ويبعد عنى اى شر واذى وعين عشان بجد انا نفسيتى زى الزفت وياسين مظلوم معايا اوى ومش عارفه ارضعه ولا عارفه افرح بيه

بالله عليكم تدعولى

مالك يابسبس بس
ابوكي برضه ولا حماتك واخت جوزك ؟
معلش يابنوته :((( ربنا معاكي يارب اللهم امين

لا يا لولا جوزى كمان

بابا جالى يوم الخميس هو واخواتى

اختى اتخانقت مع جوزى بدون سبب وبابا دخل فى الموضع حمايا سمع الزعيق طلع اتخانق مع بابا

واتفقوا على الطلاق مع جوزى

وانا فى الوسط ولا حد حاسس ولا حد واخد باله

وجوزى مصمم على الطلاق وسايبلى البيت من يوم الخميس اللى فات

ولا اعرف عنه حاجه

واختى تقولى انا كان فى قلبى كلمتين من ناحيه جوزك وغايظنى كان لازم اقولهم

وبقول لبابا هى كانت اتعاملت معاه فى ايه عشان تتغاظ منه

يقولى هى زعلانه عشانك وبتاخدلك حقك

قولتله حقى ايه هو انا اشتكيتلكم من حاجه يقولى لا مشتكيتيش بس هو خانقك ومضايقك وانتى اللى مش عايزه تشتكى عشان محدش يحس بيكى

قولتله حرام عليكو انا مبسوطه ليه بتعملوا كدا

يقولى نصيبك بقى ان دى اختك وان دا جوزك

حاولى بقى توفقى بينهم

طلاق؟؟؟؟؟؟
اعوذ بالله هما الاهل بيجو عشان يخربو البيت
ياساتر استر يارب
لا يابسبس كلمي جوزك وحنني قلبه وخديه في صفك وحلفيه بياسين يرضي ان ياسين يعيش مع جوز ام ولا مرات اب
ده وخليه يلايمها مع ابوكي
ياساتر يارب ابوكي وابوه بدل مايفرحو بالبيبي عاوزين يشردوه
استغفر الله العظيم
عيطيله واتحنحني كدهوحافظي علي بيتك اختك دي اول واحده هاتضايقك ل رجعتي مطلقه

ايه ده وهي مالها اصلا معلش يابسبس بس انا دمي محروق هي فاضيه يعني وجايه تخرب البيت وتشرد المسكين الصغير ده وترجع هي تعيش حياتها
!!!!!!!!!!!!!!!!!!!!!!!!!!!!!!!!!!!
بسبس لايمي الموضوع مع جوزك

لاحول و لا قوة الا بالله العلى العظيم
ربنا يفك كربك يا بسبس ياااااااااااااااااااااااااارب
اللهم فك كربها و يسر لها احوالها ياااااااااارب و احفظ بيتها و زوجها و ابنها ياااااااااااااارب
معلش يابسبس عليكى بالاستغفار عالطوووووووووول
و شغلى قران باستمرار و عليكى بالدعاء
ربنا قادر على كل شئ يا حبيبتى
معلش انا حاسه بيكى و الله لا حول و لا قوه الا بالله
و حاولى يا بسبس تشوفى حد يكون كبير و له قدره كده عندكم يدخل و يهدى الامور
و متخفيش اكيد جوزك عاقل هو بس بعيد علشان يهدى اعصابه لكنه عمره ما هيسيبك و لا يسيب ابنه ابدااا يا حبيبتى
روقى كده و ادعى ربنا الظهر بيأذن اهوه
اللهم فك كربك ياااااااااارب

يا بنتى اختى اصلا متقصدش مكنتش تتوقع ان الموضوع هيكبر كدا

وبعدين هو شايف حالى وشايف اللى انا فيه

انا بعد ما كنت برضع ياسين طبيعى
فجأه بعد الخناقه داخله ارضعه لقيت صدرى بيجيب دم ومش بيجيب لبن

روحت للدكتور ادانى ادويه وحاجات وقال لجوزى ان دى حاله نفسيه

هعمل ايه يعنى

وبعدين هو بيكلمنى مره فى اليوم لمده 30 ثانيه يقولى كلمتين

ياسين عامل ايه
اقوله الحمدلله يقولى الحمدلله مع السلامه ويروح رازع السكه

مفيش بينا اكتر من كدا

و ماما كلمته وبابا كلمنى وقالى اللى انتى عايزاه انا اعملهولك بس متبقاش نفسيتك كدا

بس مش عارفه اعمل ايه

وخصوصا ان ابوه مقوى قلبه جداااااااااااااااا ويقوله هما فاكرينك لسه خطيبها
لا دانت جوزها وحقك تأخد بتارك دلوقتى منهم

وهو جوزى قالى انه قاله كدا

وكلمنى يوم الخناقه بليل بعد ما ساب البيت

وقالى بصى انا عارف ان ملكيش ذنب وانك مغلطيش فيا فى حاجه بس انا زهقت من اهلك وكرهتك من تصرفات اهلك وبصراحه مش هطيق اعيش معاكى تانى

تفتكرى بعد ما يقولى كدا انا هقدر اتنحنح ولا اتكلم اصلا

دانا لما قالى كدا بلمت

ربنا يسمع منك يا ميرو يارب والله ربنا وحده اللى اعلم بحالى

والله انا فتحت الكمبيوتر بس عشان اشغل القرأن وبعدين قولت ادخل اقلكم تدعولى

انا والله صعبان عليا ياسين جداااااااااااا وكل ما ادخل الاقيه بيمص صوابعه من الجوع والله قلبى بيوجعنى وبقعد اعيط جمبه ومش عارفه اعمله حاجه

لا حول ولا قوه الا بالله
ربنا يعديها علي خير يارب اللهم امين

يارب يا لولا

بالله عليكى اللى يدخل تقوليله يدعيلى وتقوليله يقول للباقى يدعيلى

انا همشى بقى عشان معنديش نفس ولا اقعد ولا اتلكم عايزه اقعد لوحدى

سلام

ماشي يابسبس بس بالله عليكي طمنينا عليكي

لا حول و لا قوة الا بالله العلى العظيم
حرام كده و الله ده يرضى مين اللى بيحصل للطفل الصغير ده
ليه الناس بتزعل و تعكنن على بعض كده
والله ما فى حاجه مستاهله فى الدنيا دى علشاننعمل فى بعض كده
والله انا هعيط بجد

لا حول الله يارب الله يصبرك يابسبس ويهديلك الحال ويفرج همك وكربك يارب

بنات عاوزين ندعي كلنا لبسبس ربنا يصلحلها الحال يارب اللهم امين
ويهدي جوزها ياااااااااااااااااااااااااااااااااااااااااااااااااااااااااااااااااارب
ويبعد عنها الشياطين يارب

بنات عاوزين ندعي كلنا لبسبس ربنا يصلحلها الحال يارب اللهم امين
ويهدي جوزها ياااااااااااااااااااااااااااااااااااااااااااااااااااااااااااااااااارب
ويبعد عنها الشياطين يارب

rabna yefok karbk ya bsbs...we yehdilk gozk

يارب يا سويتى
اللهم امين يارب العالمين

اللهم اميـــــــــــــــــن

انا جيت تانى لانى كلمت جوزى وحاولت اهدى الموقف معاه

لقيته بيزعق جاااااااامد وبيقولى انا مفيش بينى وبينك غير الولد دا وبس وكل حاجه بينا اتكسرت خلاص

وانا مش عايز اعرف اهلك ولا عايز حد فيهم يدخل بيتى ولا عايز اشوف حد فيهم تانى

وقعد يقول كلام صعب جداااااااااااا

قوللتله وانا ذنبى ايه قالى انتى منهم انتى زيهم وانا ولا عايزك ولا عايز اهلك

قولتله دا بابا كلمنى امنبارح وقالى انه يكلمك ويراضيك قالى اه يكلمنى عشان انا اتفضحت فى البيت فضيحه عمرى ما كنت اتخيلها

وطول مانتى معاهم وبتنصريهم عليا وبتقوليلى اراضيهم واجى على نفسى عشانهم انا هبقى معاكى كدا مش عايزك

انا مش هاجى على نفسى عشان حد بعد كدا واى حد يكمنى هدخل فيه شمال وهو دا اللى عندى