ممكن مساعده

الاطعمة اخذي المعلبات سيريلاك قمح وتمر او نوعين من الا يحبهم طفلك وخضار مهروسة وفواكه وهناك اذا تحبي اشتري موز واهرسيه بخلاط خاص لطفلك احمليه معاك ولاتنسي ملاعق الطفل وحافظة خاصة للطعام من سنتر بوينت تجي مع غطاء وخفيفة للسفر على الاقل تضمني نظافة الاكل المقدم للطفل وحتى وانتي برا تحملي معاك وخذي اكياس بلاستيك الشفافة علشان تخلي الملعقة والحافظة فيهم وكوب للماء لان الجو هناك حار وخذي قبعة عن الشمس وعربة فيها شمسية وملابس قطنية ومريحة ولو رحتي جنتنج لبسيه مكمم لان هناك برودة بسبب المرتفعات وبعد خذوا الواقي للعربة من المطر لان جوهم ممطر وبطانية خفيفة للمجمعات وادوية خافض وقطرات للمغص و مضاد وان شاء الله ماتحتاجيهم بس الطائرة في برودة دفي طفلك وخلي عندك مسكن علشان يخفف الم ضغط الاذن وبطانيته الخاصة واطلبي له سرير في الطائرة واختاروا مكان واسع وخبروهم ان عندكم طفل وقت الحجز وتبغون له سرير علشان ترتاحي ولبسيه قبعة علشان برودة الطائرة والعاب هذا اللي في بالي حاليا واي سؤال حاضرة

ان شاء الله البنات يفيدونش

حبيبتي اول شي تروحين وترجعين بالسلامه..:014:
الملابس خذي قطنيات بكم طويل |((ربيعيه)) جاكيت وقبعه لانه ممكن يجي برد
لا تنسين خذي الرضاعات بلاستك عشان ما تنكسر وتبهذلك
خذي معك كميه كافيه من حليبه لانه اكيد ماراح تلقينه هناك
سيريلاك النوع اللي يحبه
اكلات جاهزه للاطفال خضار وفواكه معلبه
عصيرات جاهزه النوع اللي يحب
ولاتنسين شاي الاعشاب الجاهز مهم
علب بلاستك وملاعق
وممكن تشترين من هناك خضار وفواكه وتهرسينها له وتعبينها في العلبه تاخذينها معك كل يوم
وممكن تسلقين له بيضه وتعطينه الصفار بس لانه صغير مع زبادي
مهم ..
لاتنسين تاخذين فيفادول شراب وتحاميل تيلينول للحراره لاقدر الله
دوا الزكام فينيستيل
ومرهم الحفاض اللي تحبين ممكن سودو كريم
دوا للاسهال كابكت

وانشا الله البنات مابيقصرون معك

حبيبتي عندك موضوع الاخت الدمشقية بالمواضيع المميزة كلش مفيد اسمه مستلزمات البيبي عند السفر

و بالنسبة للاكل اخذ سيريلاك كذا نكهة و اذا منتي مطولة اخذيله خضار و فواكه معلبة بس اذا مطولة اخذيله خلاط و طبخيله و هرسيلة و خليه بعلب بالثلاجة مال يومين


بالتوفيق

ماليزيا جوها مايتغير طوال العام جوها حار يميل الى الاعتدال لانها استوائية ماعدا بعض المرتفعات برودة خفيفة
اسألي عن الفندق اذا فيه هيتر اسلقي خضار واهرسيها او خذي جهاز طبخ الطعام بالبخار ولاتنسي وعاء للطبخ لو فيه هيتر

اول شي اخذي احتياطاتش حطي لش فواكهة وخضره وانشاء الله البنات يفيدونش

سفرة امنة وسعيدة يارب
والبنات ماقصروا يعطيهم العافية يارب

الله يرجعك بالسلامة واتوقع البنات ما قصرووا

تروحون وترجعون بالسلامة والبنات ماقصروا بمساعدتهم...

مشكورين خواتي ما قصرتوا ...