ابغى كريم اساس مناسب للبشرة البرونزيه

ابتسامه نور;11351454:

صباح الخير ..

الموضوع في وقته .. هالايام ضاربه عليي اسوي برونزاج ..

ابي نوع كريم زين و يعطي تان حلو ..

للعلم اني وجهي و يدي اغمق من جسمي و حابه اسوي تان كامل مو بس للوجه ..

شنو تنصحيني فيه M!$$_BLinG << اثق في اختياراتش و تراني من المتابعين لمواضيعج :025:

M!$$_BLinG;11351396:
هلا الغلا
شوفي السر في ان الفاونديشن ما يطلع لونه رمادي هو

حسب نوع بشرتج العروق لي فيها لونهم وردي ولا اخضر فهمتي عليه صح
لان اللي لونهم وردي يناسبهم الفاونديشن اللي على مسحه روديه
لاحظي لما تشترين فاونديشن تلقين نوعين
واحد مايل عالوردي والثاني عالبيج

عموما فالخليج وخص لي لونهم حنطاوي متوسط للسمار ينفعهم المايل للبيج

اختاري من ماك ال NC مش ال NW

انا بشرتي حنطيه متوسطه واستخدم من ماك فاونديشن NC42
واللون هذا اغمق بشوي من لوني لكن لما اوزعه يبين ناتشورال لا ابين فاتحه ولا غامقه وانا احب جذيه ما احب اتح لون بشرتي

السر وهو جدا بسيط
ابدا لا تشترين لون البودره والفاونديشن نفس الدرجه
اذا الفاونديشن اغمق خلي البودره افتح
واذا الفاونديشن افتح خلي البودره اغمق

لان فاتح على فاتح يبين على رمادي اكثر
وغامق على غامق يبين اسمر اكثر

و ان شاء الله اكون افدتج