شو اخباركم عرااايس ان شاء الله تكونو بخير
مااعرف احط مقدماات عشان كذا راح ابدء ع طول
بس حابه اقول لكم ع سر استمريت عليه لمده شهر وبسبب صارت افرازات جسمي طيبه يعني مافيها اي ريحه مو حلوة حتى الاندروير مافيه ريحه مو كويسه
وهو مشروب الشاي الاخضر
مع ملعقتين عسل
وقطعة صغيره من الزنجبيل مبشورة
انا لأني مااحب الزنجبيل كثير احط حبه صغير مرة وابشرها واتحمل الطعم شوي شوي تعودت عليه
طبعا نشرب المشروب ساخن كل يوم رووعه كثير يطيب افرازات الجسم
طيب الأن نجي لعنايتي بنفسي من الشعر الى اخمص القدم
شعري ماارهقه كثير بالعناية استخدم في الاسبوع مرتين زيت السمسم الطبيعي اسخنه وادلك فروة راسي فيه ويضل بالكثير ساعه واغسله عادي بأي شاامبوو بس استخدم اكثر شي بانتين للشعر العادي ورووعه كثير شعري
فيه لمعه ومنظره صحي الحمدلله والكل لما يشوفني يظنو صابغة شعري جديد لأن فيه لمعه رهيبه والاكل اللي اكله له دوور ,,
بشرة وجهي
ايضا وجهي ماارهقه كثيير
استخدم نوعين من الغواسيل واحد للتنظيف اليوم وهو كلين اند كلير
للتقشير اليومي منظف ناعم وخفيف ورووعه من لما كان عمري 16 سنه وانا استخدمه والحين عمري 23 سنه فديتني
واستخدم مرتين في الاسبوع المنظف من نيتروجينا اسمه فيزيبلي كلير
مراات استخدمه وانا اخذ شاور لأنه مع بخار الماي ياخذ مفعوله واوقات استخدمه عادي
بس ترى رووعه يعطني شعور بالنظاافه للبشره وخصوصا لمعان الانف
اما ترطيب بشرة وجهي بصراحه تعبت وانا ادور مرطب زي الناس جربت من لوريال 4 انواع حلوين بس مااحسهم يعطوني النتيجه اللي انا ابيها وجربت كثير انواع غير لوريال بس بعد مافاد معي مع ان بشرتي عاديه لاهي دهنيه ولا هي جافه
ولأني ابي كريم يرطب وفي نفس الوقت يعطي اشراقه لأني بصراحه مااحب كريمات تفتيح البشره
وفي النهايه مادري شلون اهتديت لهذا المرطب اللي تقريبا من ابتكاري وهو
كريم جنسون الترطيب الوردي
خلطت معه علبه كريم اولاي لتفتيح البشره
بصراحه عطاني نتيجه رووعه يعني رطب بشرتي وعطاها اشرااقه من غير مايفتح لون البشرة بقوة
وصارت بشرتي روعه حتى احس خدودي ورديه وحلوة
ماسكات البشرة
بصراحه استخدم بس 2
واحد وهو يتكون من
السدر يكون مطحوون نااعم
مع ملعقتين ليمون
مع ماي ورد
اخلطهم مع بعض لين يصير عجينه سائله اتركه دقيقتين وبعدين احطه ع وجهي ورقبتي واخليه لين يجف وبعدين اغسله رووعه رووعه رووعه
يشد البشرة بشكل رووعه ويعطيها نظارة من زمان وانا استخدمه وبشرتي مافيها عيوب وهو معروف عنه انه مطهر
والماسك الثاني
وهو ماي مسلوق الزر ادهن وجهي فيه واسترخي حلو كثير يريح البشره ويعطيها نظارة ويشد ايضا بسبب وجود النشاء فيه
للجسم ,,
استخدم ايضا السدر يكون بكميه كبيره جدا اخلطه مع ليمون ماي ورد وبعد مااغسل جسمي بالصابون استخدم صابون دووف وبعدها اجفف جسمي وادهن جسمي بالسدر وانتظره يتماسك ع جسمي وبعدين اغسله رووعه احس جسمي ينتعش ومطهر
ومع الاستمرار جسمي صار لونه افتح واصفى
وحبيت اقول لكم ع طريقه اخذناها كلنا من بنت عذاري ربي يحفظها وهو بيكربونات الصوديوم
انا استخدمته فترة للأبطين والمنطقه بصراحه اخذت تقريبا شهر مع الوقت صارت الاماكن صااافيه جدا ونااعمه اتمنى تستمروا عليه
اسفه انا تعبت في الكتابه لكن اللي تحب تستفر عن اي شي انا حاظره ومستعده افيدها بأشياء فادتني وساعدتني
تحياتي لكم
مرياام
