هل وياي حق ولا ؟؟؟؟؟

السلام عليكم ورحمة الله وبركاته
شخبااااركم حبيباتي ؟؟؟
صارلي زماااان ما دخلت ولا تصفحت المنتدى لانشغالي ...
المهم حبيت أطرح عليكم مشكلتي ...
هي صح مشكله ... لكنها مش مشكله عويصه أو مسألة حياة أو موت ...
لا ..
بس لتكرارها الدائم صرت واااااايد أتضايج ...
المهم
مشكلتي ..
عيال حميتي .. اخت زوجي ...
أنا متزوجه وعايشه مع زوجي في بيت أهله ... ولي في البيت غرفتين وتكرمون حمام ....
غرفة نوم والثانيه واااايد صغيره فمخليتنها مخزن ومطبخ ....

المهم المشكله ان أنا مب ماخذه راحتي في البيت ...
يعني راس مالي هذي الغرفه وبعد ما آخذ راحتي فيها ... من عيال حميتي ...
عندها بنت و ولد ...
و واااايد يحبون زوجي اللي هو خالهم ... خصوصا ولدها ... يعني ما يحبون أبوهم كثر ما يحبون زوجي ...
وأنا الصراحه مليت ... هم مش ساكنين عندنا بس زياراتهم كثيره ... وساعات ينامون عندنا فالبيت ... لا وساعات زوجي يقولهم شو رايكم تنامون معانا :047: ....

كل ما بينفتح الباب على طول يدخلون بدون استئذان ... ويبدون يلعبون بالالعاب ويخربون الغرفه و أنا واااايد أتضايق من وجودهم ..
يمكن بتقولولي كبري عقلج هذيل إلا ياهال ... بس ريلي له النصيب الاكبر من الضيج اللي فيني ..
يعني هو أكثر واحد يضايقني فهالموضوع ...
لان هو دايما يدخلهم ... يعني ياريت مثلا يسألني أدخلهم ولا ... تخيلوا ساعات يدخلهم وأنا بثياب النوم .. أو قمصان النوم ... وواااااااااايد أتضااااايق ... أنا جدام بنتي ما ألبس لان الطفل من يبدا يفهم خلاص ممكن ينقل الكلام برا ... وهم ماشاء الله عليهم كبار ... البنت عمرها تقريبا 6 سنوات .. و الولد تقريبا 4 ... الله يحفظهم ..
يعني يفهمون ... وياما وياما قلت لزوجي انهم يفهمون وممكن ينقلون الكلام لامهم أو أبوهم أو أي حد ... بس زوجي لا حياة لمن تنادي !!!!!!!
وحتى في الطلعات ... أنا نادرا ما أطلع مع زوجي .... وساعات أكون مب مصدقه انه بيطلعني .. وبعدها أنصدم انه بياخذهم ويانا ... ويحرجني جدام أمهم .. يعني ما في مجال أقول لا ...
يعني بقولكم موقف .. مره قلت لزوجي أبغي آيسكريم شو رايك نروح نشتريلنا من باسكن روبنز .. وبصراحه كنت ناويه انها تكون طلعه رومانسيه إلنا احنا بس ... إلا تفاجئت يقولهم يالله كلنا نروح نشتري ايسكريم :039: :039: :039:...
مب موضوع يقهر ؟؟؟؟
وحزتها خذته فوق ... وقلتله بصراحه انا أبغي أطلع معاك بروحنا ... انا ما أحب كل ما نطلع يكونون ويانا ... وقالي أوكي ...
لكن الله يسامحه يعرف اني ما أحب يتدخلون في حياتي .. ومع ذلك يدخلهم ...

يعني والله لو هم ما يتدخلون في حياتنا لهالدرجه جان بيكون الموضوع عادي عندي .. حتى اذا بيطلعون معانا ... لان بيكون لي الخيار اذا أبغيهم معانا أو لا ...
لكن زوجي ما يسألني أبدا ...
ساعات أحصلهم في السياره قبلي ...
ومره بعد كان زوجي ياي ياخذني من بيت أهلي ... وكان يايب ولد اخته معاه ...
فتحت باب السياره عشان أيلس مكاني ... وكان هو واقف على كرسي السياره يعني في مكاني فقلتله بابا روح ورا ...
تخيلوا زوجي شو قال ...
قالي ليش ... خليه يالس عدالج :047: :047: :047: :047: ....
يعني انصدمت وماعرفت شو أقول ... أنا بنتي أحطها ورا ... وين هذا كبير ما شاء الله عليه ..
يعني المكان ما بيكفي ...

أنا أعرف انها مب مشكله كبيره وممكن البعض منكم يشوفها تافهه ....
لكن والله لاعت جبدي ... ما أخذ راحتي أبدا أبدا أبدا ...
صرت أدعي الليل والنهار ان نطلع من البيت ونسكن بروحنا وفي مكان بعيد عن البيت عشان ما نكون قراب منهم ...

ولا تقولولي كلمي زوجج .. لان مافي فايده ... زوجي لو تنطبق السما على الارض ما ياخذ بكلامي ولا يسمعني ...
ولا تقولولي كلمي أمهم .. لان مافي مجال اني أتكلم .. لان لا سمح الله لو زوجي عرف اني كلمتها ماعرف شو بيصير ... وبعدين هي انسانه وااايد حبوبه ومحترمه وخلوقه ..
ويمكن هي أكثر وحده من أهل زوجي آخذ راحتي معاها ... لكن مستحيل أكلمها ...
هم من النوع اللي منفتحين أي حد يدخل عادي .. والحياه عندهم سبهلله ..
أنا ما عندي جذيه ... أنا بنتي لازم أعلمها ان كل شي له حدود ...

طولت عليكم سامحوني ... لكن والله ابتلشت بعيال حميتي ... أبوهم وأمهم ينزلونهم البيت ويطلعون ... هم مب متعودين يطلعون مع أبوهم .. وأنا أبتلش ... انزين أنا بعد انسانه وأبغي آخذ راحتي مع زوجي وبنتي في غرفتنا ...

قولولي هل الحق وياي ولا ؟؟؟
وأي وحده قبل لا ترد تتخيل نفسها في مكاني ... وحياة مافيها خصوصيه أبدا ....

بانتظااااااااااااااااااااااااااركم
أم مريم ..