بنات البحرين والسعودية

من خلال تجربتي الشخصية .,

أنصحج بقوة تروحين الدمام ( مجمع المارينا مول ) :ok:

هالمجمع متخصص فقط في فساتين السهرة .. طابقين

وشامل ومتكامل للفساتين

والبضاعة إلي عندهم تشابه بضاعة الفينسيا بنسبة 80%

يعني ربع الفساتين إلي بالفينسيا تشوفينها عندهم وبأسعار أرخص بعد

أسعارهم كلش حلوة

أقل شي عندهم بو 60 .. وأغلى شي يمكن يوصل لج 150 إلى 200 فقط !..

وتلاقين أشياءات وايد كشوخية على 70 , 80 , 90 .. إلخ

يعني بإختصار ميزانيته حلوة ترى ,

المجمع مجكنم وحلو , ويصلح حق إلي يبون يتسوقون للفساتين بس !..

وما راح تاخذون فيه أي وقت

يعني لو رحتوا عقب صلاة الظهر ( العصر )

عرفي إن بعد صلاة العشاء ( الليل ) .. إنتوا كملتوا دوارة .. ويمكن أقل .. وراجعين

*

وعلى فكرة .. محلاتهم 90% فيها غرف تبديل .. بس سرية يا زعم هههههه

خبرج الهيئة عندهم مانعة الغرف .. ف يسونها سرية :085:

وأنا دشيتها وتفقدتها زين ما زين

ما لقينا فيها أي خطر هههههههههههههههههه

و وايد سعوديات يتسوقون بهالمجمع ..,

وإذا ما تبين غرف تبديل المجمع بكبره غرف تبديل وايدة

يعني سهلة عليج

*

الفينسيا مول ,

أهو حلو وكشخة وما عليه كلام بصراحة .. من أرقى المجمعات

بس بضاعتهم مكس .. ما يبعون لج فساتين بس

يعني 40% من المجمع كله قطع فساتين سهرة جاهزة

30% من المجمع بس فساتين سهرة

والبقية محلات جلابيات وأكسسورات وعطورات وهالسوالف

المجمع وايد كبير يعني بتاخذون وقت في الدوارة .. ويغوي شوي ههههههه :041:

وفيه غرف تبديل في المجمع .. بس المحلات ماكو

وأسعارهم نااااار .. يعني للي ميزانيتهم فوق بس

يعني أرخص وأبسط فستان عندهم بو 70 دينار

وإن بغيتي الشي السنع .. الزين

من 100 دينار وما فوق

وعادي توصل لج فساتينهم على 250 .., :01:

*

الراشد .. أسمع يمدحونه , أهو والخبر مول كأنه

بس ما قط مرة رحت !..

*

أنا نصيحتي لج ب ( المارينا ) لأنكم ناوين تاخذون فساتين وترجعون وما تبون تطولونها في الدوارة !..