طفلي , والتقليد ..!!

نفس الحالة ولدي عمره سنتين يقلد في الصح والغلط بس اهو بعد صغير مابفهم انه غلط
احيانا التقليد يكون مفيد
الله يعين الاطفال مسؤلية والتعامل لازم يكون بحذر

عاادي كل الاطفال يحبون يقلدون ومو ذابحنا الا تقليدهم لغيرهم،بس لاتضربينه:034:كلميه بحزم انو هذا الشي غلط حتى لو هو صغير ترى يفهمون،وركزي بس على كلمتين الصح والغلط مادام هو فهالسن وشوي شوي راح يفهم

آه يا أم علاوي جيتين على الجرح

ولدي بعد مأذني من هالسالفه

في البيت يقلد ولد عمه الي أصغر منه و في بيت أبوي يقلد ولد أختي و طبعاً دائماً في الأشياء الغلط و حتى اللبس يبي مثلهم

عجزت ابي افهمه ما في فايده

خلها على الله

شوفي بما انكم فتره مؤقته قاعدين عندهم من يجي ولد أخوش حاولي تشغلينهم بشي يعني مثلاً تلعبين وياهم لعبه تقرأين لهم قصه مصورة أو مجله اهم شي تكونين وياهم ما تتركينه بروحه علشان يقضون وقتهم بدون مشاكل

أدري شي صعب بس تحملي اذا الموضوع مضايقنش واجد و كلها فتره و تعدي

و الله يرجع ابو علي بالسلامه

أم علاوي الولد بعده صغير صح بعض الأحيان تقليدهم ينرفز والحركة إلي سواها ولدش تقهر بس مو اقل شي تضربينه وخصوصا قدام الناس وبالأخص قدام الأطفال حتى لا ينكسر وتهتز شخصيته لا تخلينه يحس بالفشيلة قدام أقرانه

حراااااااام عليش لالالاتضربينة وخصوصا كدام احد موزين الضرب الطفل يفقد الثقة بنفسه بعدين حاولي تفهمينة وصبري عليه التربية يبغى لها صبر

اما الضرب فهو اسوء عقاب بعدين بيتعود انش تضربينة وبصير عنده الامر عادي
انتي بروحش كاتبة موضوع لالالضرب نعم للعقاب !!!
ولدش صغير وتحمليه ترى ها الفترة اصعب فترة امر فيها الطفل من هاي العمر الى 4 سنوات
الله يهديه وخلي ليش وتحملي فيه الاطفال احباب الله!!

هلا ان علي

لا تتوقعين طفل بهالعمر بيستجيب لأمرش و نهيش !

اللي تسوينه ، قللي تواجده مع ولد خاله قدر الامكان .. انا بعد عانيت واااجد .. و مافيه حل الا جذي.

فوح الخزامى;11330401:
نفس الحالة ولدي عمره سنتين يقلد في الصح والغلط بس اهو بعد صغير مابفهم انه غلط
احيانا التقليد يكون مفيد
الله يعين الاطفال مسؤلية والتعامل لازم يكون بحذر

مشكووره حبيبتي :032:..!!

وتقليد مفي في الاشياء العدله مو بكل حركه مو زينه ..
غصب الواحد يتنرفزز ..!!

الله يعيننا ..

ميثاق;11331023:
عاادي كل الاطفال يحبون يقلدون ومو ذابحنا الا تقليدهم لغيرهم،بس لاتضربينه:034:كلميه بحزم انو هذا الشي غلط حتى لو هو صغير ترى يفهمون،وركزي بس على كلمتين الصح والغلط مادام هو فهالسن وشوي شوي راح يفهم

حاولت اكلمه مره ومرتين انو هذا غلط وهذا عيب ..!!
بس لا من مجييب ..!
والمشكله بعدها خلاص افقد اعصاابي ....

وان شاء الله بحاول اكرر له..
وعسى يترك عنه هالتقليد :057:..!!

مشكووره خيتو ميثااق :f:

مسز عادل;11331139:
آه يا أم علاوي جيتين على الجرح

ولدي بعد مأذني من هالسالفه

في البيت يقلد ولد عمه الي أصغر منه و في بيت أبوي يقلد ولد أختي و طبعاً دائماً في الأشياء الغلط و حتى اللبس يبي مثلهم

عجزت ابي افهمه ما في فايده

خلها على الله

شوفي بما انكم فتره مؤقته قاعدين عندهم من يجي ولد أخوش حاولي تشغلينهم بشي يعني مثلاً تلعبين وياهم لعبه تقرأين لهم قصه مصورة أو مجله اهم شي تكونين وياهم ما تتركينه بروحه علشان يقضون وقتهم بدون مشاكل

أدري شي صعب بس تحملي اذا الموضوع مضايقنش واجد و كلها فتره و تعدي

و الله يرجع ابو علي بالسلامه

هلا مسووزه :032: وحشتيني ..!!

بييه يعني تطول السالفه لعمر اكبر بعد ..
الحمد لله انها فتره وبتعدي وبروح شقتي ..!!

عن جد صعبه تواجد طفلين بنفس السن مع بعض ..
تحسينه يقلد ووبس وباشياء تقههر ..!!

الله يعدي هالفتره على خير ..
ويعينش على تقليد حسووني مع ولد حميش ..
خصوصا لانه يلافيه بشكل يومي :057:..!!

والله يسمع منش ويرجع ابونا بالسلامه ..

Um Noor;11331958:
أم علاوي الولد بعده صغير صح بعض الأحيان تقليدهم ينرفز والحركة إلي سواها ولدش تقهر بس مو اقل شي تضربينه وخصوصا قدام الناس وبالأخص قدام الأطفال حتى لا ينكسر وتهتز شخصيته لا تخلينه يحس بالفشيلة قدام أقرانه

:091: شسوي حزتها كلش كلش فقدت اعصاابي ..
وما كنت اشوف شي غير الا سوواها ونتيجة تقلييده الغلط ..!!

ان شاء الله تعدي هاليومين..
وترجع الامور الى سابق عهدهاا ..!!

مشكووره خيتوو :032:

محمديه الهوى;11332385:
حراااااااام عليش لالالاتضربينة وخصوصا كدام احد موزين الضرب الطفل يفقد الثقة بنفسه بعدين حاولي تفهمينة وصبري عليه التربية يبغى لها صبر

اما الضرب فهو اسوء عقاب بعدين بيتعود انش تضربينة وبصير عنده الامر عادي
انتي بروحش كاتبة موضوع لالالضرب نعم للعقاب !!!
ولدش صغير وتحمليه ترى ها الفترة اصعب فترة امر فيها الطفل من هاي العمر الى 4 سنوات
الله يهديه وخلي ليش وتحملي فيه الاطفال احباب الله!!

عاارفه انو انا :091: غلطاانه ..
بس انا داايم لما افقد اعصابي اضرب ,
وعلشان جذي فتحت موضوع لا للضرب..!!!
علشان استفيد من خبرات الامهات في ايجاد العقاب بدل اني اضرب ..

بس وقتها كلش عصبت من الموقف ومن تقلييده الله يهدديه بس ..!!
وان شاء الله يومين وبيعدوون على خير ..!!

مشكووره خيتوو :f:

! أنــثــى !;11332398:
هلا ان علي

لا تتوقعين طفل بهالعمر بيستجيب لأمرش و نهيش !

اللي تسوينه ، قللي تواجده مع ولد خاله قدر الامكان .. انا بعد عانيت واااجد .. و مافيه حل الا جذي.

اي صعب انه يستجيب :057: لانه محاولاتي كلها فشلت ..!!!

المشكله انو من يقعد ولد اخوي من النوم تنزله امه تحت ,
على اساس علاوي تحت ويجي يلعب ويااه ..!!!
وهكذا عن جد ضغط اعصااب ..

و قبل ما كان يقلد جذي غير الحين اي حركه يقلدهاا !!!
حتى لما ولد اخوي يصيح من شي , هو يسوي روحه يصيح ويقلده :047: ..!!!

الحمد لله الحمدلله انها فتره مؤقته ..
بس عن جد صعبه ..!!

ام علاوووي;11332928:
:091: شسوي حزتها كلش كلش فقدت اعصاابي ..
وما كنت اشوف شي غير الا سوواها ونتيجة تقلييده الغلط ..!!

ان شاء الله تعدي هاليومين..
وترجع الامور الى سابق عهدهاا ..!!

مشكووره خيتوو :032:

أم علاوي الحركة إلي سواها ولدش بعد ما كتبت ردي بنتي سوتها في العشىاء أو قلبت السفرة بس مو من باب التقليد لا بنتي هالطبع فيها بس أمسك أعصابي لأني أدري إن الضرب ما وراه إلا العناد حاولي قد ما تقدرين إنش تمسكين أعصابش أو حطي في بالش إنش بتحسين بتأنيب الضمير وشوي شوي إن شاء الله تتعودين على عدم ضربه لأن كل شي عادة وانتين تضربين ولدش لأن من البداية عودتين إيدش على ضربه دائما تذكري إن ولدش إنسان وله كرامة فلا تهينين كرامته ولا تجرحين مشاعره
اسمحي لي أم علاوي على كلامي أخذت عليش واجد بس أني متأكدة إنش ما كتبتين الموضوع إلا لأنش حاسة بتأنيب الضمير من ضربش حق ولدش وتبين حل وأني كتبت ليش وحهة نظري يمكن تذكرنه ويجيب وياش 1% من النتيجة المطلوبة في عدم ضربش حق ولدش أو ترى ولدش في مرحلة التقليد الأعمى أو هالمرحلة كل الأطفال يمرون بها

كل الجهال يقلدون خيوو شي طبيعي
حتى اني عبادي يقلد على اولاد عمه على انه مايقعد معاهم واجد
بس لازم يلقط الليه كم حركة
يعني مثلا لقط من ولد عمة حركة ان وهو واقف على الدرج يقعد يناطط ويضرب بيدة على راسة
وكل يسويها اذا وقف على الدرج
بس الحمد الله الله حافظنه

الله يكون بعونج ام علاوي..
اولاً اسلوب الضرب ممنووووع.. هذا ما يفهم ان هالشي اللي يسويه غلط ان ضربتيه او زجرتيه او شنو سويتي!
حرام عليج تضربينه وتطلعين حرتج فيه وهو مايدري وش السالفة!!

انا بنتي ما شاء الله عليها من النوع الهادئ وطيبة واااايد.. لكن بحكم اني ساكنة في شقة فوق بيت اهلي وجاري اخوي شقته يمي لازم يومياً تطب عليهم وولدهم مثل ولد اخوج اكبر منها بشهر.. وهذاك تقولين ابليس ملبس ثياب.. وهي تشوفه وتسوي نفسه.. احاول اني اتغاضى عنها او الهيها بشي ثاني لأني ماقدر أمنعها خير شر انها تحتك فيه.. مردها بتروح الروضة وبتشوف اشكال وانواع خيرات من الشطانة.. لكن الشي اللي اقدر اسويه اني لين عادت الحركات في شقتي أعطيها خزة تفهم ان الوضع مو عاجبني.. تتفشل فديتها وتسكت.. مرة ومرتين وثلاث وتعرف ان هالشي ماحبها تسويه..

عموماً هي فترة وتعدي.. لكن حطي في بالج ان الاطفال ما شاء الله ما ينسون بسرعة.. يعني لين رد بو علي بالسلامة ان شاء الله ورجعتي بيتج لا تتوقعين بينسى اللي تعلمه بسرعة.. لكن يبيلج شوي تصبرين لين يتعود على نظامه الأولي ويرد له..

هذا توج اول بيبي.. لين جاج الثاني والثالث ان شاء الله.. ما راح تقدرين تسيطرين عليهم كلهم هههه

الله يخلي لج علاوي..