اليوم يايبه لكم توزيعات سويتهم حق عمتي لعرس ولدها
قبل كل شي لازم نذكركم في بداية كل موضوع
الموضوع مجهود شخصي ما احلل اي وحده تنقله سواء بذكر المصدر او بدونه
عمتي طلبت انهم يكونون ناعمين بثلاث الوان ذهبي واحمر واخضر
التوزيعات عباره عن اكياس اورغنزا حطيت داخلها ورد مجفف و غرشة ماء ورد صغيره وغرشة ماء لقاح صغيره وبيض الصعو
وزينتها تزيين بسيط كلش بفيونكه صغيره و ورده
والسله بعد زينتها بشكل بسيط بتشوفونه فالصور
انا هني استخدمت السله اللي في ولادة اختي جان تتذكرونها
وغيرت تزينها عشان تتناسب مع حفله زواج
وجذي صارت
وهذي التوزيعات
صورة ثانيه عقب ما لصقت البطاقات
هني عقب ما حطيتهم فالسله والسله صارت شوي صغيره ماعرفت شلون اصف التوزيعات فيها
صوره ثانيه
صوره اقرب
في هالصوره بتشوفون غراش الماء ورد واللقاح واضحه
اتمنى ان الموضوع يعجبكم