السلام عليكم ورحمة الله وبركاته
الصلاة والسلام على اشرف المرسلين النبي محمد وعلى واله الطيبين الطاهرين
اليوم تفرغت وقررت اكتب قصى ولادتي بخلف جبدي وروحي زهراء الله يحفظها:087:
ابتدت عندي المعاناة من الشهر الثامن لان اشتد علي الالتهاب وكان الرحم مفتوح واحد ونص سانتي وقالو لي احتمال اولد مبكر بسبب الالتهاب واخذت العلاج ولله الحمد خف الالتهاب بس الرحم ظل مثل ماهو مفتوح واحد سانتي ونص ومنها احس بالام طلق بس خفيفة واشتدت الالام في اخر اسبوع من شهري التاسع وكان الالم اعظم يوم السبت ويصادف تاريخ 23/1/2010 وكنت في عند امي الله يخليها وحسيت روحي العصر بموت من الالم بس ماحبيت اخبر زوجي ولا اروح المستشفى عشان ما يلعبون بحسبتي طلعت اتمشى ومن كثر ماكنت فاضية ماعندي شغل رحت جم محل في ديرتنا اشتري اغراض:056::056: وشريت لي ذرة وورق عنب وخرابيط وكليت لين ماقلت بس والحمدلله بعدها المغرب قلت لزوجي يمرني وياخذني ورجعت البيت قضيت اشغالنا وغسلت الثياب وتعشيت خفيف وكنت ناوية اسهر اطالع الفلم بس كان احد يقول لي اول لازم اكمل ختم القران قبل رقادي والحمدلله ختمت القران وقرات بعد كم سورة ودعاء وحاولت ارقد ماقدرت كان الطلق يجيني بوقت متقارب كل 12 دقيقه وبعدها كل 7 او 6 دقايق وكنت اقدر استحمله لين جت الساعه 3 الفجر ماقدرت اتحمل ومسوية روحي سوبروومان ما صحت قدام زوجي:035: قعدته من رقاده وهو مزهوق على عمري وخليته يوديني المستشفى وبسرعه رحت وجيكوني وطلع الرحم مفتوح3 سانتي بصراحه انقهرت كل هالالم و3 سانتي بس؟!!! وقالو لي بدلي على طول ولادة وسالوني اذا نزل ماي او طاح دم قلت لهم لا ومنها ابتدت المعاناة كل شوي يجون يطلون عليي ويسولفون معاي عشان يهدوني لان ارتفع ضغطي و حرارتي وبعدها عطوني 3 ابر لتليين الرحم وتوسيعه والحمدلله ادخرت طاقتي كلها للدفع لا صرخت ولاهم يحزنون الا لما انفتحت 8 سانتي نوبة اصارخ ونوبة اتنفس مثل ماعلموني وطول الوقت استغفر واقول الادعية والايات اللي تسهل الولادة وطبعا مانسيت ادعي للمؤمنين والمؤمنات بالذرية الصالحه ومرة وحدة حسيت ان في شي بيطلع ناديت على النرس وجت هي ووحدة ثانيه وقالو لي سوي بوش كلما اسوي الغالية مو راضية تطلع سويت بوش مرة ومرتين وثلاث عاد في الدفعه الرابعه او الخامسة طلعت للدنيا حبيبة قلبي ام حسين زهور :074:ع الساعه 12:46 الظهر وخلوها على صدري يبون ياخذونها عشان ينظفونها واني مو راضيه ابيها وبعد ما خذوها جت الدكتورةالله يسامحها :031:اللي خيطتني بدون بنج وكان يالم خصوصا ان صارت عندي تمزقات داخلية قلت لها اني احس بالالم وهي مطنشة وبعدها كسرت خاطر الهندية اللي هناك وهي اللي بنجتني بس بعد ويش؟! ومسكين زوجي كلما سال قالو له هي 3 سانتي ليلحين ماتغير ووقت مارجع البيت عشان يتسبح ويصلي اتصلو له وقالو له اني ولدت:call:
والحين نرجع للفلم الهندي من جديد ارتفع الضغط عليي اكثر وماكنت اقدر اتنفس وما اوتعيت الا وجهي كله بقع حمره وحرارتي ارتفعت اكثر والاكثر صادني حصار وانتون بكرامة خلوني تحت الملاحظة للمغرب وبعدها اطلقو سراحي وودني غرفتي ولله الحمد على كل حال
والحين نرجع للفلم الهندي من جديد ارتفع الضغط عليي اكثر وماكنت اقدر اتنفس وما اوتعيت الا وجهي كله بقع حمره وحرارتي ارتفعت اكثر والاكثر صادني حصار وانتون بكرامة خلوني تحت الملاحظة للمغرب وبعدها اطلقو سراحي وودني غرفتي ولله الحمد على كل حال
اتمنى تعجبكم القصه
و دعواتكم لي ولزوجي وبنتي بالتوفيق وتيسيير الامور والهداية
و دعواتكم لي ولزوجي وبنتي بالتوفيق وتيسيير الامور والهداية
الله يرزق كل محررومة بالذرية الصالحة عاجلا غير اجل