تجربتي مع جهاز زيرونا للتخسيس (الشفط بالليزر البارد)

ببتدي على طووول بدوون لف ودوران :094:
طبعا صار لي سنييين أعاني من الوزن الزايد واجوووف الاجسام الضعييفة بحسرة واصيح فليل ونفسيتي دايما تعباانة والاشيا الي الكل يعرفها ويعاني منها

أنا وزني زايد 12 كيلو عن المعدل الطبيعي وما في شي ما جربته وصارت عندي خبره من كثر التجاارب ما بقوول ان ما نفع بس ما وصلت للمستوى الي احلم فيه وخصوووووصا لما يكون عندج بطن ما يرووح يا الللللله

واعتقد ان الكل يعرف ان احنا مو النوع الي نواصل على الشي يعني مثلا لو عرفنا عن خلطة اضعف ولا تزيل الكرش نشرب يوم يومين واذا طولنا اسبووع وبعدين نترك ونفس الشس الريجيم نسوي ونيمكن نضعف وبعدين نتركه ونمتن اكثر من قبل

طبعا الكل سمع عن جهاز زيرونا والي ما سمع عنه جهاز زيرونا عبارة عن احدث جهاز في عالم التخسيس وهو جهاز يحتوي على الليزر البارد يركز على الجسم ويقوم هذا الليزر بإذابة الدهون وتصريفها من الجسم وينقص الواحد من 12 الى 20 سنتيمتر وطبعا الجهاز فيه خمسة اقسام متفرعة انتي توزعينهم بكيفج وين ماتبين على المنطقة الي تبين تنحفيها يعني مثلا تبين 2 على البطن و2 على الاذرع و1 على الوجه
طبعا الكورس مدته اسبوعين كل اسبوع 3 جلسات لمدة اربعين دقيقة 20 دقيقة على القسم الامامي و20 دقيقة على القسم الخلفي وهذا الجهاز حطو في اشهر البرامج العالمية وعلى فكرة هوا موجود من خمس سنوات بس توه نازل في الخليج وقبل كانو يستخدمونه في عمليات الشفط كان هذا الجهاز يفتت الدهون وبعدين الدكتور يشفطه بس بعد التطوير صار الجهاز يقوم بجميع العمليات يعني هوا الي يفتت الدهون ويطلعا من الجسم وطبعا يفضل مع الجهاز تسوين حمية ورياضة ولو ما حبيتي عادي بس عشان انتي تحصلين على نتايج أفضل

ادري طولت عليكم بس حبيت اعطييكم فكرة شاملة
وزبدة الحجي اني خلاص قررت وخذت مووعد وبسويها انشاءالله بس موعدي بعد اسبوعين يعني بعرف النتايج بعد شهر وبخبركم بالنتايج انشاءالله مع اني اعرف من بعض الناس والكلام الطبي انه نتااايجة مضموونة وانشاءالله خير