دخيلكم متكله على الله ثم عليكم بنات....

غزالة بوظبي2 12-02-2010 13 رد 2,102 مشاهدة
غ
السلام عليكم ورحمة الله وبركاته بنات ...

بنات يزاكم الله خير ساعدوني ابي تعطوني أفكاركم اني اسوي اي مشروع ناجح ومن البيت لكن براس مال يكون يا 500 درهم اماراتي او 1000 درهم واللي مجربه تفيدني بليز ادري بتقولون راس المال صغير ومابتقدرين بس لان انا ما اداوم وابا مشروع بالراس مال واللي عندها فكره تساعدني دخيلكم ....


خاطري بوايد مشاريع وبقولكم شو هي لكن ماعرف كيف ابدأ في كل مشروع بخبركم عنه الحين


مشروع البخور ؟ ابا اتعلم اصنع بخور وكيف ابيعه؟ وعلى من ؟ وكم راس مال يباله؟

مشروع ان اشتري جلابيات بالجمله ؟ لكن كيف ابيعه وعلى من ؟ وكم راس مال يبالي ؟

او اي مشروع حلو ويمشي سوقه لكن من البيت دخيلكم ساعدوني

وياريت اي وحده تدخل موضوعي اتجاوب على كل الأسئله قبل لتظهر او تكتب اي شيئ


ابا مشروع ناجح ويمشي سوقه بالامارات انا من الامارات
وياريت مايكون في أي صعوبه

يزاكم الله خير اتريا ردكم
&
وعليكم السلام ورحمة الله وبركاته
ان شاء الله التاجرات يفيدوكي
واللى عندها خبره ما تقصر وياك
بس ياريت كل النقاش يكون في العام
وبتوفيق ان شاء الله
ف
والله يا اختي كلنا ودنا بافكارالله يفتحها بوجهك يارب ويرزقك من اوسع ابوابه بس حبيبتي لوتغيرين اسم الموضوع بدل متكله على الله وعليكم خليها على الله ثم عليكم
و
الله يوفقك
غ
ابا رد .........؟
n
بس حبيبتي لوتغيرين اسم الموضوع بدل متكله على الله وعليكم خليها على الله ثم عليكم

اوافق اختي فريده وياليت تغيرينه باسرع وقت لانه شرك صغر بالله تعالى
وفقك الله لما يحب ويرضى وفتح لك ابواب رزقه
غ
..........
أ
لو تبين اوفر لج انواع من الدخون وعطر الغراش والشبه المعطره بالجمله انا حاضره بحدود 750 درهم

وتعرفين تجارة الدخون مربحه خاصه في الامارات ما نستغنى عن الدخون وعطر الفراش
غ
يزلكم الله خير
b
لوبغيتي ماسك الذهب

حياج غناتي

ترى يربح
ل
هلا اختي غزالة بوظبي

احيي فيج هالروح و هالعزيمة و لا تتراجعين ابدا و ان شاء لله اقدر اساعدج
ا
اعتقد اسهل واربح شىء بيع الحلويات والاكل

انا شايفه الحريم يربحوا من وراااااااااه
والله يرزقك ويرزقنا من حلاله
ه
االله يرزقك بس للاسف ماعندي خلفيه بس إن شالله يفيدونك البنات ..
ا
اهلا اخت غزاله شلونج وكيف حالج :)
انا اقترح عليج اقتراح خفيف وظريف بما انج في ابوظبي فمجمع التنين قريب منج بوجه او باخر
تروحين وتاخذين لك جم غرض على جم صوره من هناك تقدرين توفرينهم للبنات في اي مكان في الخليج طبعا الموضوع يبيله دراسه مثل اي شركه شحن بتستعملين وكم تاخذ على الوزن يقدر احد من هلك يكون مندوب لك في امارات البلد
و شغله تذكرتها ان شفت بنت تبيع ملاحف وشراشف قمه في الروعه وعلى 30 دينار او اكثر وحصلتهم في مجمع التنين على 10 دينار بعد مقوله ام خماس : كم اخر .... اخر كم
وثاني شغله شريت شباصات كرستال ايننون على 35 درهم من مجمع التنين ولقيت كشك ابيعهم في دبي مول 110 درهم يعني سعر مهول بالنسبه حق 35 درهم الي دفعتهم

وثالث شغله شنط السفر الغريبه ابيعونهم في المنتديات على 350 درهم الست وانا شفتهم في مجمع التنين على 200 درهم او اكثر شوي

طبعا انتي ماتقدرين تشترين وتخزنين لان الميزانيه قليله لكن تقدرين تكتبين في اي موضوع كتاجره للامانه التجاريه ( اقدر اوفر من كذا ...... وكذا .....)

اذا حسيتي ان الموضوع كبير انج تروحين وتختارين انتي شتقدرين اتاجرين فيه حبيت احط لك ملاحظاات على المنتجات الي اقترحتيها
البحور : صعب تعرفي ليه لان منتجات البخور غاليه وتبين خلطه مضمونه ومن الي بايع تجارته يعطيك الخلطه المضمونه والفرق في الاذواق يمكن اسبب لك مشكله وحتى الخلطات ممكن اتسبب لك مشكله خصوصا انج لازم تجيدينها محد يرمي مبلغ 100 درهم على عطر صناعه بيت وممكن ازيده ويشتري عطر فرنسي ماركه

الجلابيات : ممكن اذا كانت الخامه ممتااااازه والشك او التطريز غريب واتي معاها شيلتها واقترح انج تصميم كذا نوع بمبلغ محترم معا الشيلات وتشوفين رده فعل اهلك كبدايه او جيرانك

التاجرات بشكل عام يوردون بضاعه من الامارات لان البحر غزير ومنتجات لانهايه لها

تأكدي ان ورى العزيمه تجاره قويه واختيارك لتاجره انتي ترتاحين لها اهم مافي الموضوع انا ماباقولك شنو هوايتك واعمليها لان انا شخصيا ماعندي هوايه لو فكرت اتاجر وكل ما اكبر اشوف الاشياء الي كنت شاطره فيها افقدها معا الوقت

الاستخاره والتوكل على الله اهي النقطه الاولى واول باب تفتحينه ولايهمك اراء الناس لان ارضاء الناس غايه لاتدرك
المبلغ الاي حطيتيه ممتااااااز ولاتعتبرينه قليل رب العالمين يطرح البركه فيه بأذنه

اتركك في امانه الله واتمنى انج ماتتردين للاستفسار عن اي شي
اختك ام ابراهيم
X