كيفكم يا قمرات ان شاء الله الجميع بخير :072:
اليوم عندي الكم كيكه لذيذه جدا وسهله وهي
كيكة التفاح بالمكسرات الرائعه:025:
ونبدي بسم الله
بالمقادير:
1- 4 حبات او 5 تفاح مقطع مكعبات
مع 2/1 كوب سكر وملعقة قرفه
اي مكسرات عندك ويفضل اللوز
مقادير الكيكه:
6 بيض
ملعقة فانيليا
كوب زيت
2الي 2و2/1 كوب دقيق
كوب ونص سكر
كوب ونص حليب
ملعقه بيكنج باودر
سكر باودر للرش على وجه الكيكه
من هالمقادير عملت كيكتين يعني اللي بدها
ممكن تاخد نص المقادير لعمل كيكه
الطريقه:
نقطع التفاح بعد تقشيره بهذا الشكل
وبنحط عليه السكر
والقرفه وبنغمره بالميه وبنخليه يغلي حوالي 3 دقايق فقط
وبعدين بنشيل قطع التفاح على جنب وبنعصر عصرة ليمون
وبنخلي ميته تغلي لحد ما تصير زي العسل-الشيره
نبدي بعمل الكيكه:
بنخلط البيض والسكر والفانيليا
وبعد الخلط بنحط الزيت وبنخلط وبعدها الحليب
وهيك بيصير شكله
هنا اضفنا الطحين شويه شويه
وهنا بنضيف التفاح مع القرفه واللوز المكسر
وبنخلطهم بملعقه
هنا الخليط بالصينيه وعلى الفرن
وهنا بعد خروجها من الفرن
بعد هيك بنغطيها بالعسل- الشيره -
ممكن تزينيها على الوجه التاني
هنا رشينا عليها السكر الباودر
وهنا في طبق التقديم روعه مع كوب من الشاي او القهوه
وهدا الطبق للحبايب
ان شاء الله تكون عجبتكم الطريقه سهله كتير ولذيذه
وصحه وعافيه على الجميع
:072:
