تعبت نفسيتي بسبب؟؟

FARAH 2009;11319675:

هلا بحبيبتي زهرة زوجها وزهرة اولادها قريبا اميييييييييييييييييييييييييييييييييين بهالليلة المباركة

حبيبتي لا تنكدين روحك عسى خير باذن الله , مدام زوجك 21 يعني انت اصغر يعني توك , حبيبتي نصيحة الزمي الاستغفار ليلك ونهارك وانت تنظفين بيتك وانت تطبخين وانت تطالعين التلفزيون استغفري وثقي بقدرة الله وكرمة ونصيحة تصدقي لله ولو صدقة بسيطة ليتيسر لك هذا الموضوع , وان شاء الله باذن الله بتحملين وتصيرين ام قريبا باذن الكريم , واذا قدرتي قومي قبل الفجر بساعة او نصف ساعة وصلي ركعتين لله وادعي وانت ساجدة وباذن الله بتفرج , قولي عسى خير ان شاء الله وثقي بالله , اعرف كثيرات جلسن سنوات مو حملن بس من داومن ع الاستغفار رزقهن الله من حيث لا يعلمن , لعل الله يمنع عنا شي ما بسبب ذنب نرتكبة واحنا مو حاسين , عموما الزمي الاستغفار وخبري زوجك بعد يستغفر كثير , ولا تجلسي تفكرين وتحاتين كل ساعة وكلي امرك ورزقك على الله , لا تنكدين بزوجك بالعكس لا تحسسية بالشي هذا وتلفتي انتباهه ترا الرجال راضي ,

وان شاء الله تجي تبشرينا قريب بحملك

موفقه يا عسل

دموع العراق10;11319829:
يارب لا تذر الاخت * زهرة زوجها * فردا وانت خير الوارثين
يارب تفرح قلبها بالولد الصالح

حنين للقاء;11319874:
هلا حبيبتي
وش فيج ؟؟؟ قوي ايمانج شوي و ربج شنو قال؟؟ ( لا تمدن عينيك الى ما متعنا به ازواجا منهم زهرة الحياة الدنيا لنفتنهم فيه و رزق ربك خير و أبقى ) اذكري الله حبيبتي اولا انتي صغيرة ثانيا اتوقع انج توج متزوجة ثالثا لا تكبرينها حياتي و تنقلين العدوى لزوجج ثالثا هذي ارزاق و اذا قعدتين تطالعين فيها الاولي و التالي اكيد بتتعبين. الله مو رايد لج الحمل الحين عشان حكمة، يعني اذا زوجج عمره 21 سنة انتي كم عمرج ؟؟ و الطفل اللي بيجي مو فرحة و خلاص هذي مسئولية عووووووووودة. الحين انتي عروس استهني بهالفترة يا حبيبتي و البيبي بيجي في وقته و كل ما فكرتي اكثر كل ما اثر القلق عليج و تأخر حملج هدي يا بنت الحلال انا نفسي الحين حامل بالثاني تدرين اليوم اللي اكتشفت فيه اني حامل كنت حاجزة فيه حق دكتورة نسائية عشان اشوف ليش تأخر الحمل؟؟ طبعا الشي كان فرحة على صدمة بس بصراحة الفترة اللي حملت فيها كنت مو مهتمة احمل او لا قلت كل شي بيد رب العالمين و انا من النوع اللي ما يحمل بسرعة و كا الحمد لله الله رزقني بالثاني لا علاج و لا يحزنون

razo0on;11319920:
حبيبتي انه صح توني صغيرة وماعرف هالسوالف عدل ،،

بس اهم شي انش رحتي المستشفى وطلع مافيش شي ،، وهذا اهم شي ،،

فيه ناس يروحون المستشفى والدكاترة كلهم يقولون لهم مافي أمل ،، و بعد ما يفقدون الامل ،، شلون انتي ،، انتي مافيج شي ولا زوجش والحمدلله ،،

وماصار لش واجد ترى كلها سنة ،، ودام انتي وزوجش توكم صغار مو مشكلة لو تأخرتو ،، خاصة ان زوجج ما اشتكى لش ،، بس انتي بتفتحين عينه على هالشي ،، اذا قعدتي متضايقة علطول ،، ويمكن حتى اهو يتضايق وانشاء الله يااااااااااااااااارب يرزقج ويرزق كل محروم بالي يتمناه ،،

بس ماله داعي تتعبين نفسيتج ،، يعني اذا صحتي بيتغير شي ؟ لو البجي بغير شي جان احنا دايماً نبجي ونصيح ،، الي يغير الاشياء اهو الدعاء ،، ادعي ربج مثل ماقالو لج الاخوات ،، والله كريم انشاء الله ،،

دعواتي لج ،، =)

حلم السعادة;11319959:

السلام عليكم ورحمه الله وبركاته
خيوه انا حاسه فيج وخصوصا اني مجربه هالشي
بقولج لا تتحسسين من كلام احد خلي في بالج
متى ما الله كتب لج راح تحملين ولا تفكيرن في هالشي لانه مب بيدج
ولا بيد اي احد متى مالله كتب بصير انا صار لي 5 سنوات متزوجه والحمدالله
ماخليت هالشي ياثر على حياتنا لا انا ولا زوجي عادي عايشين حياتنا
وحاطه في بالي متى ما الله كتب لي بصير ليش احزن نفسي واكتأب وهالشي مب بيدي
علاج وتعالجنا وكل شي سوينا وماالله كتب لنا معناتها انه ندفن روحنا ونعيش في هم وغم ؟
اذا قعدتين في الشقه شغلي لج قران وقعدي اقري قران واستغفري وخلي الوقت يطوف
انا اذا احس اني راح افكر في هالشي على طول اطلع لي شغله بشقه انظف وحتى لو توني منظفه ارد انظف واشغل لي سوره البقره اسمعها وانا انظف والحمدالله انه هالموضوع انساه
ومااخليه يسيطر عليي
خلي ايمانج بالله قوي ولا تخلين الشيطان يوسوس لج