صارلي زمان مو منزلة موضوع بركن المطبخ :01:
واليوم قررت انزللكم اللزانيا اللي سويتها والكباب العراقي ماما مسويته :091:
طبعا يمكن الكل يعرف طريقة صنع اللزانيا بس انا غيرت شوي فيها واستبدلت اللحم بالدجاج المفروم والنتيجه يمي يمي
مقادير اللزانيا بطريقة الشيف نونو :085:
لزانيا وبصلة وثوم وطماطم وجبن موزريلا
450 غرام دجاج مفروم + لتر حليب
معجون طماطم + جزرة+ فلفل
الطريقة
نبدي نسوي الصوص وهو نقلي البصل ونضيف الجزر المبروش والفلفل المقطع ناااعم والطماطم الناعم بس يذبلون كلهم نخلي الدجاج
بس يتحمر الدجاج نخلي فلفل اسود وريحان واوريغانو رشة لا تكثرون بعدين نضيف معجون الطماطم ومكعب ماجي وشوي ذرة نسيت اصورهم :091: اذا تحبون ضيفوا شوي زيت زيتون للنكهه انا ماضفت
الحين الصوص كمل عدنا :ok:الحين نجي للبشاميل اذا تحبون استخدموا جاهز او تسوونه
وهو تخلون 3 ملاعق طحين كبيره مع ملعقتين زبدة وحليب لتر كاامل وتحركونه زين لين مايسمك وترشون فلفل ابيض وملح هذا شكله :03:
الحين سلقوا اللزانيا مع ملح وزيت وصفوا من الماي بس يستوي وجهزوا بايركس
الحين نبدي بالشغل نخلي طبقة لزانيا وفوقه الصوص الاحمر وبشاميل ورشة جبن
ونستمر لين ماتخلص الكميه ولمن نخلص اخر طبقة لزانيا نخلي كل البشاميل لازم يغطيها ونرش الجبن وندخله للفرن على درجه 250 لحد مايتحمر زين
هذا شكله لمن طلعته من الفرن :032:
وهاي الطبقات :ok:
الحين نجي للكباب العراقي وهو النوع المقلي لان في نوعين
المقادير نص كيلو لحم مفروم ومقدار قبضة يد بقدونس مفرووووم ناعم وبصلة نااااعمه وسن ثوم ناااعم وملعقتين طحين وملح وفلفل اسود وسبع بهارات وكركم هذا شكل المقادير لحقت عليه عالاخير وصورته :091:
تشكلينه على شكل اصابع وتقلينه بزيت عميق وحار
وهذا شكله بعد ما امي خلصته الله يعطيها العافيه زينته ببقدونس ناعم ورشة سماق وليمون
هذي ميني بيتزا سويتها انا :037:
وهذي صورة السفره كاملة
هذا اللي بالنص صينية مكسيكيه اختي ام عموري مسويتها طعمها يمي يميييييي
والحمدلله رب العالمين عشانا عجب ضيوفنا :094:
بالاخير اذا عجبكم موضوعي ادعولي الله يسهلي اموري ان شاء الله
والموضوع تعبني ومن تصويري وتعبي مااحلل اي وحددده تنقله ابدا
