بنات البحرين مساج رجالي؟؟

للأسف ما اعرف
بس ما حبيت ادخل ولا ارد فرديت لعيونج خخخخخخخخ

بصراحة حبيبتي مافي احلى من ليلة انتي تتعبين
فيها بنفسج و جهزين ليلة رومنسية مب بس ليلة مساج عندج في البيت و بحركاتج و لمساتج اناعمة تسوين لة احلى
مساج بحياتة بدون برة و خرابيط برة
انا عطيتج رايي فقط لا اكثر ام اني ادل اماكن لا ما عرف بس حبيت انصحج فقط صج التغير حلو لكن
من ايدينج المساج احلى
و ربي يوفقك و سوري اذا ازعجتك بردي

أخاف بعدين تندمين كثير ازواجهم يروحون لمساج رجالي وبعدين عند نساااء
ومثل ما قلت اخت روعة شعور أحلى مساج من ايدك ..

ماعليش حبيبتي طولت بالرد بس مجرد نصيحه

مشكورين بنات نصيحتكم عجبتني بس انا قلت كتغيير

ما فكرت انه يمكن يتعود ويروح اماكن..:)

انه حاجزة حق ريلي هاي الشهر حق مساج بالصخور مع حمام مغربي بكج كامل 40دينار
واذا بس مساج 25 دينار وفي خيارين حق المساج في مساج فتوزا الصيني ومساج بالصخور البركانيه .. وكله على ساعتين ..( على يد خبراء متخصصين رجال فقط ) بس للامانه انه ماجفت هالمكان واسمه شياتسو البحرين مركز المساج المحترف

واي استفسار انه حاظرة والرقم اذا بقيتيه على الخاص :014:

توني ادري انه في مساج رجالي في البحرين
والاسعار زينة
موفقة اختي
بصراحة مافي على المساج التايلندي صج شغل عدل

انا ما ايد فكره المساج بره

الرياييل مايعين مووول .. الي يسوون مساج ..

واحلى شي مساج من يدج صدقيني بيموت عليج وما بيترك البيت وبيتعود لاااااااازم تسوين له ..

واذا تبين تتعلمين المساج جيكي بالنت وايد فيه اشيا واشتري زيوت واغراض للمساج وربي يوفقج ..

كنت افكر بنفس الفكرة
بس خوفتونى بصراحه

انا مع البنات مساج من يدينك احلي بكثير من بره
شيكي على النت وتلاقي اشياء كثيره مره حلوه على المساج وبالتوفيق

اختي انا سمعت ان في مكان عجييب وتعامل ولا احلى وعن تجربة واحد من العايلة بس هو حمام مغربي اسمه لاكووب في الزنج وبعد الاماكن الي دكروها البنات معروفه انها اوكي

فديتكم بنات تسلمون وما قصرتو والله

هالاماكن اول مرة اسمع فيها

بجيكهم والله يعطيكم العافية

ليش تتخوفون من هالاماكن بس رجااااااااال ولا مخلوقه تدخله مستحيل انه قبل لااحجز اول سؤال سالته اذا كان اللي يسون بنات ولارياييل ... وانه معتاده اسوي حق ريلي مساج في البيت بس غير اذا راح عند خبير مساج وأيديه ثقيله يطلع تعب الشغل اللي فيهم ....هاي رايي عن تجربه

أنا بعد أرشح شياتسو
هذا مثل العيادة الرجالية (رجال مش أشباه رجال هههههه)

إحجزي له وآمني

وعندج لاكوب بعد بالقرب من صيدلية ناصر في الزنج شغل عدل وعندهم حمام مغربي خليه يروح يتدلع

ومهما سويتي المساج يبغي له ناس محترفين وإنتي مساجج ما بيكون بهالقوة

مع إحترامي لآراء الجميع

المساج اللي يخوف هو التايلندي والمحلات الصغيرة المنتشرة في كل مكان هذي مش مأمونه.

صح السانج حبيبتي ..

صج خليتوني ما خاف بنات كنت وايد احاتي هالسالفة
وانا اصلا واعدة ريلي بشي حلو بس ما قلت له شنو للحين
ولانه ولا مرة سوى مساج والاسبوع اللي طاف تعب وااااااايد
فابيه يسوي مساج صح بايدي ثقيلة لان يدي مهما بسوي بتكون بس دلع ههههه

انزين انا راح اتصل بشياتسو مادري حسيتكم مادحينه اكثر من لاكوب
بس ابي مساج وتنصحوني متى اخليه يسوي المساج فليل احسن صح؟
ويصير انا اروح ادفع لان ابي ريلي بس يروح يمسجونه ويطلع وهو مرتاح

باغربلكم وياي استحملوني اسالتي وايد بس عشان اعرف شلون اتصرف وعشان افاجئ ريلي
وابي انا اوديه واقوله روح هالمكان وقول لهم في حجز باسم فلان جي احسن ؟؟يعني اوصله وارجعله عقب ما يخلص
والا في طريقة ثانية ؟؟

بسرعة فديتكم ردو ابي اتصل فيهم اليوم واخذ موعد بكرة او بعده

وجزاكم الله خير والله ايسر اموركم كلها

بنات انا اتصلت من شوي في شياتسو وخذت موعد بكرة لزوجي الساعة 7 على ما ايي من الدوام ويريح شوي عقب باوديه
بس شكلي باعطيه لفلوس وهو يدفع لهم لان كله رياييل شلون باروح ادفع شكلي غلط ههههه
طلبت مساج بالصخور البركانية وقلت له اكيد رياييل استغربت قالي انتي تبين بنات والا رياييل مادري شيقصد
قلت له اكييييييييييد رياييل بس مكانهم حلو يعني اقصد رااقي والا عادي ؟؟

مكانهم في مجمع الخليج هالمجمع عادي بس مادري شلون من داخل انتو شرايكم؟

انه عن نفسي حبيبتي ماجفته تقدرين اتروحين واتخلين احد من الموظفين يطلع لج ودفعي المبلغ وخلي الكرت عندهم واهم يتصلون له ويقولون له في حجز باسمك حق مساج او انج تاخذين الكرت مالهم وتحطينه مع وردة وتعطينه اياه واهو بيستانس .... بس خليها قبل بوقت لان زحمة هالاوقات الطريج ...GOOD LUCK
:034: لاتتهورين وتدخلين داخل كله رياييل ماتدرين شيصير

مشكورين بنات ما قصرتو
ريلي اليوم راح واستانس على الاخر وارتاح من شغلهم
وما ذمهم في ايييي شي والاهم من ذي كله اني فاجأته بهالحركة وانه اول مرة يسوي مساج

جزاكم الله خير ويعطيكم العافية