؛ لدنيا وصل وهذه تفاصيل وصوله ؛

نكمل


و رجعت البيت و امي خبرت اختي اني ولادة شنو تسوي لي ؟؟


>> خبركم امي نست هالسوالف اخر ولادة لها قبل 22 سنة :042:



فقالت لامي على ادوية و جهزت اغراضها و جت لنا قبل صلاة الظهر


طبعا اول ما جافتني .. قالت لي شكلج بعدج و بتاخذين وقت


و السبب اني كنت هادئة و ما اقول حتى اه :040:


بس ادعي في قلبي و كل ما تجي طلق ينعفس وجهي شوي


اذن الظهر و دخلت الحمام و انتو بالكرامة جان اجوف السدادة الرحمية :023:


صليت و خبرت امي و اختي انه ولادتي قربت لانه السدادة طاحت:022:


فاتصلت اختي لاختي الثانية >> كلنا 3 خوات و قلوبنا على بعض


طبعا انا اهني الطلق وصل عندي كل 7 دقايق و ما زال محتمل


صارت الساعة 2 الظهر و انا صار لي 14 ساعة اطلق :096:



لما جت اختي الثانية قالت نفس الشي شكلج بعدج على الولادة


و انا ساكتة عنهم و ابي انام من قلة النوم و التعب :091:



الساعة 3 قرروا يودوني الى المراخة تمرخني


و زوجي قاعد على اعصابه اول شي اني اطلق و يبي يوديني المستشفى و ثاني شي الشوارع مصكوكة و مزحومة و السبب احتفالات العيد الوطني



فخايف اتجي لحظة الولادة و الشوراع مصكوكة و نتوهق بالطريق


المهم وصلنا الى المراخة 3:30 و مرختني في بطني


و توني بقوم ما اجوف الا شي يسوي بق باااااااه و حرارة فظيعة :047:


الا اقول لاختي : انبط كيس الماي :047:


الا اتقول لي : انزين قومي .. نزل منج واجد


قلت لها : اييييي .. سجادة المراة تلعوزت


>> مع اني لابسة كوتكس بس الماي كان واجد و لعوز كل شي :02:



قبل لا نطلع من البيت خواتي كانوا يتطنزون علي و يقولون لو تولدين في السيارة .. يكتبون مسقط راس البيبي السيارة :085:


قلت لهم : خل اولد في اللكزس و العوزها :041:


عاد اختي بعد ما انبط كيس الماي خافت على سيارتها خخخ


و راحت جابت لي كيس اقعد عليه >> محد قال لهم يتطنزون :041:




رجعنا البيت و الالم صار كل 5 دقايق و انا صابرة و متحملة :091:


و زوجي كان على اعصابه و يسال خواتي ها انروح المستشفى


و هم يقولون لا لا بعدهي .. لا تستعجل عليها و انا ساكتة


بس هو مو قادر يصبر و خايف يصير الجد و الشوارع زحمة


فقرروا انصلي المغرب و انروح المستشفى



و لاني مو نايمة و تعبانة قالوا لزوجي اخذها الحجرة ترتاح شوي


كنت قاعدة افتر في الحوش اتمشى و اتمشى


كان هذا الكلام تقريبا الساعة 4:30 العصر


رحت الحجرة و قعدت شوي و حاولت انبطح


لكن ما قدرت كلش لانه الطلق وصل عندي كل دقيقتين :01:


و حزتها ما كان الطلق يذبح زود راس البيبي اللي كان يدفع تحت


قلت لزوجي ناد اختي و المسكين نادها و جت الا اتقول لي ويش فيج :047:


قلت لها خلاص مو قادرة .. شي بيطلع :035:


الا اتقول : هااا


الا اقول لها شي بيطلع :091:>> كل ما اذكر اموت على روحي من الضحك " شي بيطلع " :085:



فقالوا لزوجي خلاص ودها المستشفى و احنا بنلحقكم في السيارة


كانت الساعة 5 الا عشر تقريبا و خوف زوجي كان في محله


لانه ما طلعنا من البيت الا الشوارع مصكوكة + مزدحمة بسبب الاحتفالات :096:


و بيتنا كان بالضبط عند الحدث يعني المرور صاك الشوارع اللي قدامنا


جودتني امي و ركبتني السيارة و زوجي خبر المرور انه عندنا حالة ولادة :039:


عشان يفتح لنا الطريق انطوف و خلنا انطوف بس الازدحام كان بكل مكان


انا كنت اتالم بصمت و كل ما جتني الطلق اقول يا الله و ادعي


و في النفس الوقت اقول لزوجي حاسب حاسب :089:


لانه ما كان يسوق عدل و طلع اشارة حمراء


خايف يصيدني شي او اولد بالسيارة


و الحمد لله وصلنا المستشفى بالسلامة


لانه روحي كانت طالعة هو من دفع الراس و من سياقة زوجي:024:




جاب زوجي الكرسي المتحرك و قال لنرس اني ولادة


قالت لي النرس فصخي ملابسج الداخلية بفحصج كم متوسعة


انبطحت على السرير و فحصتني الا اتقول : فوووووووولي قصدها اني 10 :047:


الا اتقول لي : ليش توج جاية المستشفى >> قهرتني احين اني اطلق و حالتي حالة و هي اتقول لي ليش توج جاية :039:



المهم فصخوني ثياب بسرعة و ركبوني فوق حجرة الولادة


و هناك فحصتني ممرضة ثانية و قالت لي انتي توج 6 لا تدفعين


طبعا الممرضة اللي قالت اني متوسعة كامل كانت ضعيفة و ايدها صغيرة من جدي قالت انا متوسعة 10بينما كنت توني 6 سم:042:


شوية و جت لي قابلة بحرينية اسمها اميرة :032:


و صدق كانت اميرة باخلاقها و تعاملها معاي :ok:


كانت طول الوقت تقرا علي و تلاحظني ما خلتني كلش


انا كنت هادئة بس كل ما حسيت بدفع الراس قلت لهم شي يدفع :01:



و كنت ادفع بس القابلة قالت لي لا تدفعين احين بيصيدج نزيف


فضربتني ابرة ترخيني و بنفس الوقت توسعني بسرعة


و صدق توسعت 8 سم و قلت لها شي يدفع بيطلع :02:


قالت لي انزين دفعي بجوف اذا يطلع الراس


بس كان يطلع دم و قالت لي صبري لا يصيدج نزيف :032:



ما بقى عليج الا شوي و توصلين 10 سم


و الحمد لله وصلت 10 و بديت ادفع و ادفع و ادفع


و الحمد لله ربي طلع ولدي " ابراهيم " بالسلامة :032:الساعة 7:34


و بعد ما طلع طلعوا المشيمة و خيطوني و طلعوني الاستراحة


انا اهني كنت خلاص منتهية من التعب و عدم النوم


بس الحمد لله ولادتي كانت واجد سهلة :032:


و هذه رحمة من ربي




ربي يرزق كل محرومة و يتمم لكل حامل حملها


في النهاية اتمنى انكم تدعوا لولدي ربي يجعله من الذرية الصالحة


و اللي عجبتها قصتي و حابة تقيمني فهذه لها :087:

ما شاء الله تفاصيل دقيقه هههه ..
الله يسهل لك كل امورك والف الحمدلله على سلامتك ..

الحمد لله على سلامتك وسلامت ابراهيم

يتربى في عزكم ان شاء الله

ألف الحمد لله على السلامة و يتربى إبراهيم في عزكم

ما شاء الله سرد القصة بأدق التفاصيل, و ما شاء الله عليش صبورة انبط كيس الماء و ما رحتين على طول المستشفى, لو وحدة غيرش بكرية و يصيدها جدي يبين لي على طول بتروح<< تتكلم عن روحها
لا بس الصدق أني في ولادتي رحت المستشفى و أني متوسعة 7

تحياتي, أم ملاك