شنو هي نشاطات اولادك بعد المدرسة<<<< شاركونا يا امهات

ا

ام ميريام

عروس مبدعة

06-02-2010 | 10:39 PM

هلا وغلا

عساكم علقوة يارب

فوق العنوان وتحت المضمون

حبيت اشارككم في هالموضوع في حملتي ضد التلفزيون...

نظامي مع الاولاد بعد المدرسه.....

مثل ما تعرفون بعد المدرسه في كثير من الأوقات اولادنا يضيعو هالوقت عالرسوم او كاعدين يلعبون العاب الأكترونيه << بلايستيشن

فكرت بهالفكره بعد ما خل تركيز اولادي بشكل عام من كثر الساعات اللي يقضوها عالتلفزيون...
قام ولدي ما يتحمل يكعد في الحصه من غير حركه او انه يسرح او انه يتملل من الحصه مع انه تدريس في امريكا كثير ممتع للاولاد وما يشكي منها الا اللي عنده مشكله ....

مع انه ما يكعد اكثر من 3 ساعات يوميا عالرسوم

.....وكان لازم احط حد لها الفراغ.....

وقسمت اوقاتهم بها الطريقه

ولدي 5ونص وبنتي 3ونص <<<لا تقولو صغار يفهمون بما فيه الكفايه هههه

يروحو الصبح المدرسه من 7 لين 3 ونص
من الأثنين لين الجمعه
وكل النشاطات تبدأ بعد 4 العصر

يوم الاثنين ويوم الأربعاء
يروح ولدي حصة قران ساعه ونص
يتعلم طريقه قرأة القران وحفظه
وبنتي اخليها تراقبه طول ما هو في الحصه
تتعود هي بعد وتعرف انه في قران في حياتنا
ما تكعد تعاند يوم تكبر

يوم الثلاثاء ويوم الخميس
دروس السباحه ساعه ونص
للولد والبنت
مسابح داخليه لأنه ما اريد اقطع شو ما كان الجو بارد المسابح الداخليه تكون دافيه
وكفايه انه الرسول عليه الصلاة والسلام اوصى فيه

علموا أولادكم السباحة و الرماية وركوب الخيل"

ويوم الجمعه شطرنج
للولد ساعه ونص

لعبة الشطرنج تنمي عقول الأطفال وترفع من مستوى ذكائهم :ok:

بعد هالبرنامج اولادي صار التلفزيون اخر همهم
ويوم نرجع البيت ترجع هلكانين لافي وقت نضيعه
ولاملل
وان شاء الله بعد مايخلصو الرياضتين اريد احطهم بالتايكوندو و التنس

وطوال ايام الدراسه ممنوع التلفزيون
مسموح لهم يوم السبت والاحد فقط

شاركوني ياامهات نفيد ونستفيد من بعض

ان شاء الله عجبكم موضوعي

أ

أناجيك ياموجودا في كل مكان

عروس جديدة

06-02-2010 | 10:45 PM

ماشاء الله عليش اختي مسوية برنامج رائع لاطفالك ربنا يحميهم ويخليهم ...ان بصراحة ما سويت شي بس فكرت في السباحة ويمكن اسجلها

ر

رابنزول

عروس ماسية

07-02-2010 | 12:01 AM

تسلمي افكارش حلوة مرة بس مو كل مكان متوفرة نشاطات حلوة بهالشكل اكيد بره غير بس حبيت اسال متى تذاكري للاولاد وتحلي معاهم واجباتهم اذا مسجلتهم في نشاطات بعد المدرسة

ا

ام ميريام

عروس مبدعة

07-02-2010 | 09:31 PM

أم غدير وأبرار;11273535:
ماشاء الله عليش اختي مسوية برنامج رائع لاطفالك ربنا يحميهم ويخليهم ...ان بصراحة ما سويت شي بس فكرت في السباحة ويمكن اسجلها

شاكره لج مرورج خويتي ويخليلج بنتج واحسن شيء تبدين فيه هو السباحه لأنه اساسا الأطفال متعودين عالماء في ارحامنا اللي يخلي كل طفل لأمه:025::025:

م

مناهل78

مشرفة سابقة

07-02-2010 | 09:37 PM

ماشاء الله ربي يحفظ لج عيالج.. ماشاء الله مالية وقتهم زين.. والله أنا اليوم أشكي لزوجي من ولدي من تعلم يفتح اللاب توب بنفسه خلاص صار من ندخل البيت ماله هم الا النت.. والله هلكني واليوم مات من الصياح عشان قلت له دام اليوم مادرست بكرة بندرس زيادة... فقررنا نشيل الللاب توب من أمامه...

بالصيف سجلته بالسباحة مع عيال خالي بس ولدي خواف لأن بنت خالي كانت مغرقته وهو له ثلاث سنين ومن يومها تعقد... وطبعا دفعنا على الفاضي..

قلت له اسجلك بالقرآن قال لازم ماما معاي وأنا المشكلة بنتي صغيرة الشهر الجاي بتكمل سنة فصعبة أني أتركها وأروح معاه بس...

لازم ارتب له برنامج مرتب لكل يوم عشان نبعد عن هالنت والشبكة العنكبوتية بكبرها عاد شاقدر آقول غير ولد الوز عوام...

ا

ام ميريام

عروس مبدعة

07-02-2010 | 09:40 PM

رابنزول;11274223:
تسلمي افكارش حلوة مرة بس مو كل مكان متوفرة نشاطات حلوة بهالشكل اكيد بره غير بس حبيت اسال متى تذاكري للاولاد وتحلي معاهم واجباتهم اذا مسجلتهم في نشاطات بعد المدرسة

الله يسلمج معاج حق بس لا تتمللين دوري وان شاء الله تلاقين .....
وعن مذاكرة اولادي بنت في الروضه والولد في التمهيدي يعني ما في واجبات لين الحين خخخ
بس ربعاتي اللي اولادهم في الابتدائي والاعدادي جداولهم نفس الشيء يسوون الواجب وفوقه هالنشاطات بعضهم يسوون والواجب بعد ما يردون وبعضهم قبل

شاكره لج مرورج

ا

ام ميريام

عروس مبدعة

07-02-2010 | 09:55 PM

رانيا البحرينية;11283231:
ماشاء الله ربي يحفظ لج عيالج.. ماشاء الله مالية وقتهم زين.. والله أنا اليوم أشكي لزوجي من ولدي من تعلم يفتح اللاب توب بنفسه خلاص صار من ندخل البيت ماله هم الا النت.. والله هلكني واليوم مات من الصياح عشان قلت له دام اليوم مادرست بكرة بندرس زيادة... فقررنا نشيل الللاب توب من أمامه...

بالصيف سجلته بالسباحة مع عيال خالي بس ولدي خواف لأن بنت خالي كانت مغرقته وهو له ثلاث سنين ومن يومها تعقد... وطبعا دفعنا على الفاضي..

قلت له اسجلك بالقرآن قال لازم ماما معاي وأنا المشكلة بنتي صغيرة الشهر الجاي بتكمل سنة فصعبة أني أتركها وأروح معاه بس...

لازم ارتب له برنامج مرتب لكل يوم عشان نبعد عن هالنت والشبكة العنكبوتية بكبرها عاد شاقدر آقول غير ولد الوز عوام...

تسلمين خويتي عالمشاركه
تعرفين عندج نفس مشاكلي اول الشيء الكمبيوتر ولدي مينون فيه وانا اسمح له اذا سوااا كل اللي عليه حفظ قران ودرس وعلاماته زينه في المدرسه
يعني استخدمه كمكافئه لشغله وهذا جاب نتيجه معاه...
وحتى يوم يكعد ما يكدر يفتح الى اللي مسموح له في مواقع مشتركه فيه ادفع شهريا مبلغ بسيط يعلم ويدرس في نفس الوقت
تخيلي ولدي عمره5 سنوات ويقرأ قصص القصيره من ورا هالمواقع .....

والسباحه يوم ولدي كان عمره 3 عمه كان يلعب معاه في حوض السباحه والولد كان عادي يسبح بس عمه فاجئه ورفعه ونزله مره وحده عالماي و الولد من يومها صار خواف ما يحب يسبح بس انا ما ضغط عليه جمعت ربعه واتفقت مع امهاتهم انه نحطهم في السباحه مع بعض وكان يشوف اخته وربعه

يسبحون وتشجع والحمد لله الحين اول واحد ينط في الماي .....

الله يخلي لج عيالج ان شاء الله

واذا تبين مواقع لعب وتعليم خبريني اجيب لج المفيد.....

ر

روح همس

عروس رائعة

07-02-2010 | 11:40 PM

يعطيك العافيه وبرنامج رائع وان شاء الله بس تكبر بنتي راح اعودها على النشاطات اما التلفزيون انا اشوف قناة براعم حلوه وتعليميه فيها يتعلم الطفل الحروف والرسم والألوان وكثير مفاهيم تناسب الصغار

واذا تبين مواقع لعب وتعليم خبريني اجيب لج المفيد.....

ياليت تساعدينا بهالمواقع

l

love lamar

عروس مبدعة

08-02-2010 | 12:27 AM

ماشاء الله عليك اختي نظمتي اوقات اطفالك صح وخصوصا وانت في الغربة
عن جد كنت ارشحك افضل ام اذا مسوين مسابقة بالمنتدى
تسلمي كثير

ا

ام ميريام

عروس مبدعة

10-02-2010 | 06:55 AM

روح همس;11284448:
يعطيك العافيه وبرنامج رائع وان شاء الله بس تكبر بنتي راح اعودها على النشاطات اما التلفزيون انا اشوف قناة براعم حلوه وتعليميه فيها يتعلم الطفل الحروف والرسم والألوان وكثير مفاهيم تناسب الصغار

ياليت تساعدينا بهالمواقع

تسلمي غاليتي عالمرور وعالتعليق ربي يحفظ لج بنتج

واهم المواقع هي هذي تعليميه تعلم القراءه وتهجيء

http://go.3roos.com/6PAis0iYl4o

وابدأي بالترتيب من abc من رقم 1 لأنها مراحل تبدأ من 1 ل 4

وهذا موقع من اهم قناة كرتونيه في امريكا في كل شخصيات كرتونيه تعليم ولعب بنفس الوقت وكل شخصيه كرتونيه لها العاب خاص فيه وتشتركي فيه اذا تردين بس انا ما اشتركت

http://go.3roos.com/ctcgQnIgbOy

وهذا موقع كرتوني تعليم ولعب نفس اللي فوق

تختار شخصيتها وتبدأ تلعب وكل لعبه تعلم شغله خاصه

ان شاء الله افدتج في كثير من مواقع بس هذوله اهمهم

ب

بسمة أطفالي

عروس ماسية

10-02-2010 | 07:00 AM

ماشاء الله عليش صومالية مالية وقته بكل ماهوه مفيد

بس احس وقت دراستهم واجد ( للساعة ثلاث!!))

ياريت احصل برنامج حاو لكتاكيتي !!!

بس حاليا بنتي تروح يومين في الاسبوع لجنة اهلية لتعليم الوضوء والصلاة

سجلتهم في دورة قرآن حفظته جزء ( الثلاثون) بس القت طويييييييييل وقعدتها احسها تتعب واجد

سجلتهم الحلوين بتجويد القرآن يوم الجمعة من الصبح للظهر بس احسهم ماتقبوا يوم اجازة ومن الصبح يقعدون ويتعبون ،، وكل اسبوع بصياح ! لما قعدتهم ! ومتحسفة قد شعر راسي

يا ريت احصل مكان ثاني ليهم

ا

ام ميريام

عروس مبدعة

10-02-2010 | 07:10 AM

عذب الحنان;11285035:
ماشاء الله عليك اختي نظمتي اوقات اطفالك صح وخصوصا وانت في الغربة
عن جد كنت ارشحك افضل ام اذا مسوين مسابقة بالمنتدى
تسلمي كثير

تسلمين غاليتي والله خجلتيني بكلامج الحلو
تعرفين الأولاد وطاقاتهم اذا وجهنا طاقاتهم وهم صغار للمكان المفيد لهم والصح ......
بيكون سهل تربيتهم في اصعب سن وهو سن المراهقه الله يكدرنا على تربيتهم تربيه صالحه يارب:083::083: شاكره لج مرورج