حاليا احنا استقرينا على اسم جود للبنوته ، وكنا محتارين بين جنى ، جوان و الجوري :049:
والحين يالله نبتدي مع بعض التجهيزات وعذروني على التصوير بعض الصور طالعه مو واضحه لأنها من تصوير موبايلي ...
أولا: المفارش - مفرش مي تو يو من ريام مع الفستان والمهاد ...
المفرش 25 دينار ، الفستان 3 دينار والمهاد دينارين ...
وهذيله بعد من ريام ...
سليب باق من فارنا ، خذته من المعرض ، سعره 6 دينار ...
وباقي مفرش واحد للمستشفى فصلته في بست موم بس ليحين ماجهز لين جهز بحط لكم صوره ...
ثانيا: مريلات البيبي - 2 من مذركير واللي في الوسط من ليدي بيرد ...
أسعارهم كانت حلوه خذتهم في السيل على 2 و3 دينار ...
ثالثا: بعض الأغراض من مذركير - ستاند ومسبح للبيبي 10 دينار، شنطه فيها جميع مستلزمات الطفل الرضيع من مشط وترمومتر ومقراض وهالسوالف حسيتها وايد مفيده بدل لا اشتري كل شي لحاله تقريبا سعرها 12-16 دينار مو متأكده ، مهاد 12 دينار ، فوط صغار 4 دينار ...
بدي لي وللبيبي عشان نطقم مع بعض من مذركير خذته في التخفيضات بدينارين وشويه :041:
الجواتي الكعب اللي ينيت عليهم وسويت لهم سالفه ليما طلبتهم من سايت Heelarious طلبت 3 الأحمر ، الفوشي والأسود بو لمعه :014: وطلعوا علي مع الشحن 40 دينار ...
وهذي صورتهم وهي بره البوكسات ...
الرجاء عدم الرد ، في صور باقيه ...
