واليوم مسويه لكم بتي فور وايد حلو وخفيف ولذيذ جدا مع الشاي :C:
خل نبتدي بالمقادير :
- 225 غرام زبدة يعني 2 وربع قالب زبدة
- 225 غرام طحين تقريبا 10 ملاعق كبيره
- 50 غرام نشا يعني 3 ملاعق كبيره
- 150 غرام سكر ناعم يعني 7 ملاعق كبيره
- ربع ملعقه فانيليا
- ملعقة حليب سائل او حسب العجينه ( اذا حسيتي انه العجينه قاسية زيدي الحليب شوي شوي لين تصير العجينه لينه )
هذي صورة المقادير :_
الطريقة :
لازم نخلي الزبدة تسيح بحراره الجو اول
الحين نخلط السكر والزبدة لين يصير لونه ابيض والخليط يصير هش
بعدها نضيف الفانيليا ونخلط شوي
بعدها ننخل الطحين والنشا ونضيفة للسكر والزبدة ونضيف لهم الحليب ونخلط لين تصير
ونغطي العجينه نص ساعه
نحط العجينه بمكينه الصب ما اعرف اسمها بس اللي تسوي اشكال نسيت اصورها
ونصب العجين بصينيه وقبلها ندهين الصينيه الزيت
وتدخل الفرن المدة مو طويله على حسب الفرن وحرارته تقريبا 10 دقايق تقريبا شوفيها من تحت اذا تحمرت ولالا
وهني طلعت الصينيه
صورة اقرب
وقبل ما نشيلها من الصينيه ونقدمها بصحون نخليها شوي تبرد
وتقدم مع الشاي :C:
وبالعافيه ...
F:
ملاحظة
اذا تحبين تضيفين المربة ممكن
او تحطين مع العجينه ككاو بودر