ضيقــوو صدر العبايه

العبايه عولموها وانفثو فيها السموم
من ملاهي الرقص جابوا فكر تخصير العباة


ضيقوا صدر العباة ووسعوا اطراف الكموم
ونزلوها لين وصلت آخر أكتاف الفــــــــتاة


بانت نحور الصبايا وانكشف شكل الهدوم
والغبية تحسبنها زايده زين وحــــــــــــلاة


والبراقع دلعوها لين عام الخد عوم
لازم القرضه توسع والكحل يلقى الحـياة


طوروا شكل النقاب وصارت الدعوه علوم
صار شفاف(ن)يوضح خدها وايا الشـــفاة


وآخر الصرعه لثام(ن)يفتن الرجل العزوم
والفتن قالوا ضلاله للقلوب المؤمنـــــات


وش علامك بنت حوا تستبيحين السلوم ؟؟
والا مع خيلك ياشقراء بعضكم جنس البنـــات


قاهرتهم هالعبايه مايبون الستر دوم
جدهم (علمان) يعني لاصيام ولاصــلاة


حطوا إن البنت سلعه وغلفوها بالهموم
وارفعوا شعار(ن) ينادي للحقوق الضايعــات


من ظلمها والبدو لاصاحت الحرمه تقوم
قايمه تحت المعادي لجل عين الشامخـات


من ظلمها يوم قام المعتصم من عز نوم
قال وين الكافر اللي يستبيح المسلمــات


ثم ذبح لجل شعرتها من العدو كثر النجوم
قال هذا حق منهو يستذل الطـــــــــــاهرات


نكسوا ذاك الشعار ولملموا باقي السهوم
يكسر الخاطر سهمكم لاضرب في مدرعـات


بيتكم لاصار مبني داخل البيت مهدوم
وبيتنا صوم وصلاة وحج وأشهد والزكـــاة


إتركيهم ياالطاهره وخلي اللايم يلوم
وسعي خصر العبايه واكرمي بالمكرمــات


وإن رفعتيها لراسك أصبح الراس محشوم
العبايه فوق راسك حشمه وطيب وثبـــــــات


وماعليك من اللئيمه تحاول تقلدك يوم
لبست البرقع ولكن حن عرق الماجـــــــدات


بحنكها ألفين دقه مدري ألف من الوشوم
أو تراه ألفين هكري يكتبون الذكريــــــــــات


ولابغت تكتب قصيده قافها هو قاف يوم
(يوم يابا)(يوم يابا)جاك عرق الراقصــات


جت تقول إني أصيله قلت أنتي وجه بوم
إعقبي منتي أصيله أنتي جزء من الحصاة


ياعفيفه لايغرك بعض غربان(ن) تحوم
أنتي فوق الكل أنتي فوق روس النايــفات


أنتي يوم الحرب دارت والمعارك (قوم)(قوم)
عانقت عزوات أخوك صوت ضرب المرهفــــات


إن حدوا من بيننا أو طولوا حد العقوم
ياسعوديه طبعي أرقى فوق كل الطايـلات


إحذري يابنت منهم طبعهم نفث السموم
عولمتهم لو أعرفها طلع معنى الشـــــتات


ضيقوا صدر العباة ووسعوا اطراف الكموم
وبيجي يوم(ن) نشوف شقوق في وسط العبــــاة



وسلامتكم

وربي جاء اليوم الى شققوا هالعباية وحطوا من تحتها الواااااااااان والوان ماقول غير اللهم استرنا دنيا واخره




منقـــــــــــــــــــــــــــ ـــــول