زميلي ومتقدم لي حيرااااانة

ماعرف والله بس موقف صعب ،،، اممم والله اهلج معاهم حق خصوصا انهم مايعرفون اهله ولا انتي حتى
تخيلي طلعوا ناس مب زينين وانتي فبلاد غربة ، شو تسوين حزتها ؟؟؟؟
بس انا لو مكانج بكون محتارة خصوصا اذا هو جذب انتباهي ،، بس فرق السن هذا يمكن يأثر بعدين مع انه بسيط ، الا اذا كان انتي عادي عندج
وان شاء الله البنات يفيدونج وانتي صلي استخارة وخليه يحاول يكسب اهلج اذا هو مصر انه ياخذج

اشكرك عزيزتي عمةحامد عندك حق بكلامك

والموضوع محير جدا وعشان كذا حبيت اني اتشارك معكم وااستشيركم

ولو على اهله انا كلمت امه مرة وكانت مرحبة وفرحانة بالموضوع واحنا سألنا

وحده جارتهم وشكرتهم

بس محد يعرف الطبائع الا بعد العشرة صح؟؟؟

حبيبتي صلي استخاره وسالفة انه البلد بعيد واضطهاد هذي نادر

لأنه مادام مقتنع بك وشايف اخلاقك واهلك ان وافقوا أكيد بيعزك ان كان على خلق ودين كذلك

لكن الصعوبه في الأمر شيئين

1- إن كان من دولة خليجية صعبه الموافقه من الدوله على بنت مش من نفس البلد وذلك لااعتبارات كثيرة أهمها ان بنت بلده أولى

2_ انك بتعيشين مع مجتمع كامل وأهله وقرايبه ( مش القصد في نفس البيت) فلذلك الله أعلم بكيفية تقبلهم لك

وهذا أمر مهم جدا جدا

أختي أنصحك بالاستخاره

وان وافق أهلك عليه لازم يسألون عنه بأي بطريقة ممكنة

عموما نصيحه لله:

لازم موافقة الأهل أولا وأخيرا لأن الزوج موجود لكن الأهل مايتعوضون

والله يسوي لك الخير

تسلمي اختي الجوهرة بس اهله مرحبين فيا جدا

بس المشكلة اهلي وبقية الاختلافات بيننا واختي موضوع الاستفراد وارد جدا لاني بكون اضعف غير الوحدة بديرتها وبين اهلها

شوفي اختي داليا

من رأيي ان كانت هناك صعوبات وهموم ورفض من البداية وخاصة البعد عن اهلك وارد جدا أكيد

اصرفي نظر والله يعوضك خير

ووقفيه عند حده عشان مايطاردك ويضايقك

انا أدري زين ان هالأمر قاسي عليك

لكن شوفي الأمر بعقلانيه جدا

والله يعوضك اللي أحسن منه

والله صدقيني ان مادام الأمر بعقد جذي وانتِ خايفه من العيشه بعيد الأفضل الابتعاد عن الموضوع بأكمله

معليش حكمي عقلك قبل قلبك وان كان هناك من بيتقدم لك ومواصفاته زينه اقبلي والله يوفقك

صلي أستخاره واللي كاتبه لج ربج بيصير وكلي أمرج لله واذا كان انسان على خلق وصلاح اكيد ربج بيسره لج وبالتوفيق

اشكرك على تفاعلك اختي والمسألة اني موْمنة انه محد كامل وماراح يجي واحد فيه كل اللي اتمناه اكيد كل واحد فيه نقائص ولازم التضحية من الطرفين والتنازل عن بعض الاشياء عشان ينجح الزواج

بس اكيد في حدود للتنازل.......

وانا اتقدموا لي قبله كتير بس رفضتهم لاني ما لاقيت فيهم الكامل وكنت رافضة اتنازل عن ابسط شي!!!

عشان كذا دحين افكر فيه

هلا حبيبتي

اولا فرق العمر مو مشكلة لانه بسيط وانت تقولي عقليته كبيرة

ثانيا اذا كنتي خليجية وهو من الخليج فما اعتقد بيه مشكلة لان احنا تبع الخليج عاداتنا وتقاليدنا متشابهة تقريبا , بس لو كان من دولة عاداتها وتقاليدها غير عنكم فالموضوع يحتاج تأني كثير في الموافقه


ثم حبيبتي انت قلتي انك رفضتي كثيرين قبل لانهم مو كاملين ؟؟؟؟؟؟؟ شو جالسة تدوري يجيك واحد كامل !!!!!!!!!!!!!!!!!!! الكمال لله وحدة وبصراحة في زمانا هذا بالذات من النادر جدا انك تلاقي رجل فيه كل مواصفاتك الي تريديها


وفي الاول والنهاية لازم تستخيري وتوكلي امرك لله والله فيه الخير بيصير ان شاء الله

اختي ممكن تقولين لنا انتي من اي جنسية و اهو من اي جنسية ؟؟ لأان ساعات في جنسيات انا اشوفها تركب على بعض و بعضها صعبة

اختتتتي لا تعصيين اهللج ولا تكلميينه حق يتحوول لحب وتتعلقيييين فييه ..ونتي ما تعرفيين الغربة صعبة وبعديين الحياة تتغير وما تصيير كلا حب ودللع ورومانسيية بتصير ماكل واشياااء ونتبي بعييد وايد صعععب وربيب يوفققج وعوضضج اميين

الله يوفقك لما فيه الخير

شكرا
soft touch female

واختي نورالهدى و تاله ولكل من ردت

واخواتي االموضوع مايحتاج مجازفة و العوض من ربنا والله كريم

والله ارتحت بتفاعلكم معي وانا ماكنت مرتاحة بس كان بقلبي ذرة شك ودحين راااااااااااااااااااااااح

اشكركم من قلبي

اختي كل الي قلتيه حلو ...

لكن انا لفت نظري اشياء اهلك معاهم حق فيها واضيف عليها .. ومن وين له تكاليف العرس وكيف بعيشك وشنو المستوى الي بتعيشين فيه .. ووين !! بتتركين اهلج.. وديرتج .. على الاقل عشان شي احسن .. ووضع افضل او مساوي .. مو العكس .. يعني مثلا بتعيشين في غرفته في بيت اهله .؟

طيب هو ما يشتغل من وين بيصرف... حتى توه ما كون نفسه ... امور كثيره . اختي ..لازم تحطينها في الحسبان .. هالاشياء ما تكفي والحب اعيد وازيد واقول ما يكفي ... راجعي وجهه نظر اهلك اختي... ولا تسوي شي بدون رضا اهلك تراك والله ما تتوفقين وتقولين ياليت الي جرا ماكان

وبعدين يا اختي .. بنات يتزوجون ويروحون مناطق بعيده ,,, ويتمنون يشفون اهلهم من كثر البعد وانت يالله بتروحين ديره ثانيه .. وبتتمنين .. ان تشوفين اهلج ولو صار شي ..يا سمح الله وينهم عنج... وشدراج عنه اهله وطبايعهم .. وشلون بتسألون عنه ...

يااختي ان كان عن الشكل امره سهل لكن انتي تدرين ان هلامور كلها ممكن تزول ويبقى العشره والاحترام....

الزواج مو سهل ولا لعبه .. فياليت اختي تعيدين التفكير...
تحياتي
ام جنى

انا اول ما قريت انك معتبرة مستواه الأجتماعي اقل منك

جا ببالي ان هالزواج احسن انه ما يتم

لأنك من الحين شايفة ان هاذ عيب فيه

بعدين شبتسوين؟؟

وغير انك اكبر منه..

الأفضل ان الزوج يكون اكبر

بهالطريقة انتي يمكن تستصغريه بالعمر والمستوى الأجتماعي

بالنهاية هالشي راجع لك

اذا حاسة انه مزاياه تطغي ع عيوبه استخيري

والله يكتب اللي فيه خير

وبعدين عمر 25 بعده مو كبير ومو سبب يخليك توافقي عليه مجرد انك واصلة 25

بالتوفيق ياحلوة

حبيبتي صلي استخاره والله يسعدك