كيف حالكم بنات عروس :02:
بطول عليكم بالكلام شوي بس عشان اشرح لكم حالة شعري
قبل وبعد ..
شعري كان الحمدلله كثيف و زوي بس بعد فترة الحمل والولادة صار يتساقط
بس بشكل خفيف بعدها سويت عمليه وكانت اكيد مع البنج فاثر على شعري اكثر
ومن الفهاوة رحت اغير لوك وصبغت شعري في البيت :057:
بعدها الله لايوريكم شعري صار يتساقط بشكل مو طبيعي
والكل يسألني شفي شعري خف كذا ..حتى الكوافيرة قالت لي روحي دكتورة جلدية
ورحت والحمدلله ماطلع فيي لاثعلبة و لاخلل في الهرمونات ونصحتني الدكتورة
بالفيتامينات
وطبعاً من صار لي هالشئ وان طول الوقت بحث في المنتديات عن خلطات تكثر
الشعر :094:
ومافي مواضيع الصراحة فادتني اكثر من مواضيع بنات عروس :032:
وكان اول موضوع جربته للاخت اسيرة قلبه
.jpg)
هنا
الخلطة حلوة وفعلاً تنبت الشعر بس ريحتها مستحييييييييلة
لكن ريحة الثوم تروح لما تنغسل بنسكافية وبعدها نبخر الشعر
بس ماكنت اسويها كل اسبوع
صرت اسويها تقريباً بفترات متباعده كثييير
لكنها فادتني
وكنت قبلها امسح فراغات الشعر بمسحة طبية
بعدها شفت موضوع الاخت يارجائي
هنا
عطتني الصراحة فيه نصيحة بجمل بذكرها كريم بالمرز
لنمو الشعر فظيييييييع
ومفعوله يبان بسرعه و صرت استخدمه اول شئ يومياً
لكن لقيت شعري يدهن فصرت استخدمه
اسبوعياً كحمام زيت :032::032:
بعدها لقيت كريم استخدمها يومياً قبل مااسوي شعري
وشفت نتايجه بعيوني على شعر خدامتنا
اللي جاتنا باربع شعرات وربطة :041:
وبعدها صار شعرها كثييييييف وغليط
فقالت لي انها كل يوم تحط من كريم دابر املا
ومن يومها وانا وبنتي وخدامتنا مسوين اشتراك مع دابر :094:
وماانسى اعز زيت على قلبي واللي فادني بشكل مو طبيعي
استخدمه كل يومين لما يكون شعري رطب حبتين واستخدم معاه شوية زيت جرجير و
زيت صبار واخليه للمدة اللي اقدر اتحملها ولما اغسله بالشامبو مالاقي ريحة :095:
وطبعاَ مع كل هذا واهم شئ اني كنت استخدم فيتامين زيت السمك و اكل موز كثييير
و شئ استخدمته عشان افتك من ريحة الصبار و الثوم
اني كنت اغلي ماي الحنا واحط فيه قشور بصل + صبار <<<يعطي لون وكثافة :032:+ ميرمية+
بابونج + نسكافيه + شاي + قشر رمان + دارسين + كركديه + راس ثوم
+سنامكي +
واعجنه مع الحنا واتركه يرتاح يوم واليوم الثاني ازيده زبادي واحطه لمدة نص يوم على شعري
واخر شئ واحلى شئ :032::032:
مع غسيل شعرك اخلط السدر مع الشامبو لغسيل الشعر
واستخدم شامبو طبي مرة في الاسبوع عشان مايدهن شعري
واهم شئ ذكر الله
دايماً قولوا ماشاء الله لاحول ولاقوة الا بالله
على شعوركم
وإن شاء الله بتلاقوون تحسن كبير مثل اللي لقيته في شعري
اللي الحمدلله بدا يرجع لي بشكل كبير
وجدولي بشكل سريع
يومياً
السدر مع الشامبو او شامبو طبي + كريم دابر + فيتامينات
اسبوعياً
زيت انوب والخلطة اللي معاه + كريم بالمرز
شهرياً
حنا + خلطة البدوية
و اهم شئ الصبر وعرفوا ان مافي طريقة سحرية
الامر مثل المرض ومحتاج علاج طوييييل
وعلى فكرة هالخلطات تساعد على تطويل الشعر بعد :02:
اتمنى اني افدتكم
واذا عجبكم الموضوع
لاتنسوني بدعوة حلوة
ماشاء الله ولاحول ولاقوة الا بالله
