كيفيه تنظيم طلعة للبر مع الزوج من بعد غياب وشوق

وعليكم السلام
مافهمت قصدك يعني طلعة للبر كيف وهو جاي من السفر والا قصدك في فناء البيت او في الحوش الخاص بكم

هلا أختي طلعت البر,مع الزوج تحتاج مخيم صغيرون مثل اللي ياخذونه بالحج فيه منه مقاسات خوذي المقاس اللي يناسبك,واللبس ما ينفع إلا بنطلون وبلوزة,والأكل شوي أو مشويات هي أحلا شي بطلعات البر,وعصيرات وماي,وإذا خايفة من الريحة بعد الأكل تقدرون تاخذون عشا خفيف(نواشف جبن مخللات قشطة زيتون..)
وينفع بعد تاخذين معك كراسي الطلعات,وشموع عشان الظلام هذا إذا كانت طلعتكم بالليل,وإن كانت بالنهار ما يحتاج,ولا تنسين المعقم(معقم الأيدي أفض شي في الطلعات) ومناشف وعطر ومناديل أكياس زبالة صغيرة(وإنت بكرامة) جواين ماي,وبالنسبة للمخيم الصغيرون تقدرين إذا كنتم بتنامون عاد بالبر,تاخذي قميص نوم ناعم,ولحاف ومخدات صغيرة,وفواحة,وفوانيس صغيرة موجودة تنباع بالمحلات تشتغل بالبطاريات,وتنور يكفيكم اثنين,بس هذا إذا كنتم في مكان بعيد منزوي عن الناس,لأن المخيم خفيف شوي بس ما يبين اللي بداخله زين,وأهم شي أهم شي لا تغفلين عنه
(أول ما تنزلون البر:قولوا:أعوذ بكلمات الله التامات من شر ما خلق3مرات هذي السنة)وإن كنتم بتسوون شي لا تنسون الدعاء: (بسم الله اللهم جنبنا الشيطان,وجنب الشيطان ما رزقتنا) وحصنوا أنفسكم قبل لا تجون البر,وبعد ما تجون للبر,وإن كنتم بتقضون الحاجة لا تنسين(بسم الله اللهم إني أعوذ بك من الخبث والخبائث) لأن هذا مكانهم بالبر بالذات..

وحلوة طلعات البرررر مررررررررة
الله ييسر لك
هذا اللي في خاطري
واعذريني على عدم الترتيب.

اشكركم خوااتي وايد فدتوني ربي يسعدكم

جهزي فرشه ماهو لازم خيمه جهزي اكلات طبعا من عمل يدك علشان تنبسطي هويمدحك طبعا اتكلامي عنه كثير وامدحيه جيبي معاك ابريق شاي علشان تشبون الحطب تسون شاي حطب سوي كبسه لحم ع الحطب الله يسعدكم ويبصدكم

لى عودة

الله يبسطكم يا رب ويهنيكم ويحفظكم