الحل الأفضل لحب لشباب مجربة ومضمونة

السلام عليكم ورحمة الله وبركاته

ف البداية هذه أول مشاركة لي ف هالمنتدى إللي أكثر من رائع :ok:

حبيت كل الصبايا الحلويين يستفيدوا لأن بصرااحة أعتقد كلنا تعبنا من الخلطات ويمكن خزانتك مترووسة بالمستحضرات :057:

هذه تجربة من بنت خالتي كبرت وأنا أشوفها تعاني من الحبوب في وجهها وصدرها وكامل ظهرها لأنها مسكينة تعاني من لما كان عمرها 11 سنة.. من صغرها تحس بالإحراج لكثرة الحبوب غير الألم والنفسية كل إللي يشوفها ينصح بوصفة أو خلطة وما في نتيجة تعبت من كثر ماتشتري الكريمات والمنظفات والصابونات حتى العسل ما جاب معاها نتيجة بالعكس حصلت صرصور يلحس العسل ف وجهها وهي نايمة:085:

وإذا حتى تذكرن كان في إعلان ف أوربت عن منتج اسمه (برو أكتف) إذا ما خانتني الذاكرة لحب الشباب استعملته وما جاب نتيجة..

مابطول عليكن كان واضح ان مشكلتها من الداخل فراحت المستشفى والطبيب قال بيعطيها ف البداية مراهم وما فادها ف عاد سوالها فحوصات شاملة وحتى وقعت على أوراق تضمن انها خلال فترة سنة ماتتزوج لأن لو صار حمل يمكن تأثر الأدوية ع الجنين..
وعالجت وصارلها تقشر واشتد وجهها ونصحها الطبيب بزيت اللوز عشان التقشر وأولاي وكانت الأدوية تسبب لها الإسهال بس فترة بسيطة والحمدلله صبرها ماراح ع الفاضي صارت بشرتها بياض ما شاء الله وحتى شفايفها صار لونهن أحمر وكل إللي يشوفها يسأل شو إللي تستعمل وخلصت فترة العلاج والحبوب كلها راحت من وجهها وصدرها وظهرها وحتى المسامات قال لها الطبيب مع مرور الوقت بتختفي.. وعاد العرسان ع باب البيت :025:ومنهم أخوي والحين متزوجة من 3 سنين من أخوي:094: وعندها بنت ما شاء الله قمر وحامل بالثاني ..

حابة أوضح نقطة يمكن البعض جربن خلطات وأعشاب وجاب معاهن نتيجة بس إللي تلاحظ نفسها مامستفيدة تحاول تتعالج ف مستشفى أو عيادة ماتتعب نفسها تدور ع الخلطات وتحاول تعالج نفسها بنفسها..يعني الحل الأفضل لمشاكل البشرة هي ((( اللجوء للمختصين والخبراء))


وأتمنى للجميع الصحة والعافية ..

رجاااااااءآ إللي حبت تنشر الموضوع تكتب عليه ( منقوووول ) وهذه أمانة..