((بسم الله الرحمن الرحيم ))
السلام عليكم ورحمة الله وبركاته ,,,
انا متزوجه وزوجي يصير ولد عمي وولد خالتي كنا قبل مانتزوج عايشين كلنا ببيت واحد الى الآن وعندي زوجة اخو عايشه فوق معانا بنفس البيت ,, انا متزوجه من 6 سنين الا شهرين يعني بعد شهرين اكمل ال6 سنين وادخل السبع وزوجة اخوي تزوجت قبلي بسنه ولما جات فترة زواجي كانت هي حامل بالثامن ,,
المهم انا الى الآن ربي مارزقني بعيال أنا أجهضت 3 مرات ,,
زوجة اخوي فيها نوع من الهدوء وفيها بعد جرأه كبيره لدرجة انها تسولف مع ابوي واحنا اللي عمرنا ما طقيناها سوالف معاه مع ان ابوي احيانا يحقرها ويسكتها بس هي ترادد احيانا مثل مره ابوي قال لها اذا عاند ولدج زياده عن اللزوم اضربيه قالت لا يبا يتعقد الولد بعدين مايصير اضربه والله شاهد ولدها يرادد الكبير والصغير ويسب ويلعن لدرجة ان مره قالي انا عمته بضربج بالنعال (( عزكم الله )) يعني الولد في هالحاله اذا مصخها وزودها لازم تضربيه عشان يتأدب وما يتمادى ,,
المهم زوجة اخوي طيبه وصبوره كانت في بداية زواجها كتومه وصبوره ومره وحده تغيّرت 180 درجه ,, صارت تقول أسرارها وهمومها لأمها وامها تقول لأبوها وتصير مشاكل مالها اول من تالي ,, تقول لأمها كل شي كل شي ,, احيانا في اشياء معها حق فيها بس بعد حتى لو اصبر على زوجي مو اسوي له سالفه مو بيده يحلها ,, المهم طوّلت على ما حملت بالثاني يعني ولدها صار عمره اربع سنين وكانت تتعالج واحيانا حتى قبل ما تجيها الدوره تروح بيت اهلها اسبوع اسبوعين عشان تريح حالها من الشغل عشان انها يمكن تكون حامل ,,
كانت مره جاها الم قوي في ظهرها في نص الليل تخيلوا نزلت من شقتها لأمي تصيح وتقول لها
قولي لحماي يوديني المستشفى امي قالت هو توه نايم وتعبان ومايقدر يسوق قالت لها قولي لزوج حماتي اللي هي انا قالت لها في الدوام (( انا زوجي يدوام من الساعه 11 الليل الى الساعه 7 الصباح )) قالت لها اتصلي عليه وخليه يجي يوديني تخيلواا :047: قالت لها امي في الدوام شلون يجي يوديج اتصلي بأهلج يجي اخوج ويوديج ,, قالت انتوا تبوا تموتوني وراحت اتصلت بامها وقالت لها قولي لرجلك يجي يوديني وجا ابوها وودها المستشفى ونامت هناك بحجة انوا احتمال في حمل ,, وتخيلوا كنا اذا رحنا نزورها اذا بتجلس فوق السرير شوي شوي كأنها والد يعني من صج تنرفز ألحين هي ماتأكدت انها حامل وكذا اجل شلون لو حملت ,,
قولي لحماي يوديني المستشفى امي قالت هو توه نايم وتعبان ومايقدر يسوق قالت لها قولي لزوج حماتي اللي هي انا قالت لها في الدوام (( انا زوجي يدوام من الساعه 11 الليل الى الساعه 7 الصباح )) قالت لها اتصلي عليه وخليه يجي يوديني تخيلواا :047: قالت لها امي في الدوام شلون يجي يوديج اتصلي بأهلج يجي اخوج ويوديج ,, قالت انتوا تبوا تموتوني وراحت اتصلت بامها وقالت لها قولي لرجلك يجي يوديني وجا ابوها وودها المستشفى ونامت هناك بحجة انوا احتمال في حمل ,, وتخيلوا كنا اذا رحنا نزورها اذا بتجلس فوق السرير شوي شوي كأنها والد يعني من صج تنرفز ألحين هي ماتأكدت انها حامل وكذا اجل شلون لو حملت ,,
المهم بعدين راحت بيت اهلها الى ان تتأكد ان في حمل وفي الاخير طلع مافي حمل ,, ومره تأخرت عليها الدوره 5 ايام وراحت تحلل وجات وهي تقولي مقهوره تمنيت اني اصير حامل قلت لها عادي انا تتأخر علي 3 شهور ومافي حمل قالت آسفه ماكان قصدي ,,
المهم اول اجهاض ماكنت ادري اني حامل كنت افكر ان هالدم دم دوره لأنها هي عادي تتأخر عندي
المهم جاني الم ثاني يوم من الدوره فضيـــــع لدرجه اني ما اقدر اجلس ورحت المستشفى وقالوا
لي حمل ولازم تنويم قلت شلون حمل ونزلت لي الدوره قالوا في حمل المهم رفضت التنويم لأن باقي اربع ايام على عيد الفطر ,,
المهم جاني الم ثاني يوم من الدوره فضيـــــع لدرجه اني ما اقدر اجلس ورحت المستشفى وقالوا
لي حمل ولازم تنويم قلت شلون حمل ونزلت لي الدوره قالوا في حمل المهم رفضت التنويم لأن باقي اربع ايام على عيد الفطر ,,
ورجعت البيت وكانت دورتي متعبه لأني كان رمضان وشغل كثيـــــــــــــــــــــــــــــر وزوجة اخوي اسبوع عندنا واسبوعين في بيت اهلها المهم احنا قلنا مابنقول لأحد بس هي طلبت مني احف لها جسمها بالحلاوه عاد اضطرينا نقول لها تخيلوا قالت لي مبروك من دوووون نفس بعدين جات وضمتني وقالت ماباركت لج عدل مبروك قلت لها الله يبارك فيج ,,
المهم ربي ماكتب وحصل لي اجهاض ,, تخيلوا امي وخالتي قالوا ما ندري هو صدق صار حمل والا لا تخيلواااا :047: يعني امي كانت معي لما قالت لي الدكتوره في حمل ومع كذا تكذبني ليش لأن مر على زواجي 3 سنوات وعشان كذا مو مصدقه حطموني بكلامهم وكان اليوم اللي عرفت فيه ان خلاص حصل اجهاض ملكة خالتي اصغر خالاتي تخيلوا قبل ما يدروا اني اجهضت كانوا رافضين اني احضر الملكه وبعد مارحت وتأكدت قالوا لي ليش تقعدي في البيت قومي روحي معنا :047: وكأنه العيد معهم وجات زوجة اخوي تواسيني يعني وقبل ماتطلع من غرفتي تخيلوا قالت لي عطيني عباءة الكتف عشان الملكه يعني انا وين وهي وين قلت لها اخذيها ,,
المهم بعدين مرت سنتين وزوجة اخوي تتعالج وقال لها الدكتور مافيج شي وقالت له انا زوجي
مايجي الا نهاية الشهر يعني مسافر على طول عشان عمله رمى الدكتور الملف في وجهها وقال لها زوجك بعيد وتبي تحملي وانتي مافيج شي اذا مرّت عليج 6 شهور بدون حمل راجعينا بعدين ,, المهم في الشهر السادس حملت وانا شي طبيعي بينكسر شي بداخلي بالذات انها معي بنفس البيت يعني كل شي بيصير قدام عيني ,, انا ماباركت لها لأنها من الاساس ما قالت لي اتصلت على الكل الا انا وهي كانت في ذيك الفتره في بيت اهلها المهم لما رجعت انا ماباركت لها الا بعد مانزلت لي هي بنفسها بحجة انها بتروح بيت اهلها وهي ماشافتني وانا كنت مريضه اول ما عرفت انها حامل وهي مااتصلت حتى تتطمن علي ,,
مايجي الا نهاية الشهر يعني مسافر على طول عشان عمله رمى الدكتور الملف في وجهها وقال لها زوجك بعيد وتبي تحملي وانتي مافيج شي اذا مرّت عليج 6 شهور بدون حمل راجعينا بعدين ,, المهم في الشهر السادس حملت وانا شي طبيعي بينكسر شي بداخلي بالذات انها معي بنفس البيت يعني كل شي بيصير قدام عيني ,, انا ماباركت لها لأنها من الاساس ما قالت لي اتصلت على الكل الا انا وهي كانت في ذيك الفتره في بيت اهلها المهم لما رجعت انا ماباركت لها الا بعد مانزلت لي هي بنفسها بحجة انها بتروح بيت اهلها وهي ماشافتني وانا كنت مريضه اول ما عرفت انها حامل وهي مااتصلت حتى تتطمن علي ,,
المهم كانت طوووول الوقت نايمه على ظهرها مع ان حملها طبيعي بس دلعها قوي حيل وكانت تخاف على روحها بشكل فضيـــــع ,, ومرّه صارت معنا مناسبه خطوبة خالي ونزلت هي عشان بتروح معنا وكاااشخه على الآخر قالت لي عطينا نعالك (( عزكم الله )) لأن نعالج مو رفيع قلت
لها وانا بشنو اروح قالت ماعليه دوري لج واحد قلت لها لا والله قالت عاد انا غير يعني وهي تضحك وتأشر على روحها يعني لأنها حامل من قلب قهرتني قلت لها لا حبيبتي ماعندي غيره ,, المهم اخذت لها واحد وراحت مع خواتي وخالتي وزوجي وصلهم ,,
لها وانا بشنو اروح قالت ماعليه دوري لج واحد قلت لها لا والله قالت عاد انا غير يعني وهي تضحك وتأشر على روحها يعني لأنها حامل من قلب قهرتني قلت لها لا حبيبتي ماعندي غيره ,, المهم اخذت لها واحد وراحت مع خواتي وخالتي وزوجي وصلهم ,,
وبعدين رجع لنا انا وامي لأن السياره ما كفّتنا ,, ولما وصلنا اتصلت علي عشان اخلي زوجي ينتظرها بترجع البيت ولما دخلت قلت لها ليش قالت اغاني لأنها ماتسمع اغاني (( يعني حتى احنا مانسمع اغاني بس المعرس خالي يعني مضطرين نروح )) قلت لها اخذي ولدج معاج قالت لا خليه يستانس ,, تخيلوا راحت معاه بروحها هي وزوجي في سياره وحده وبروحهم خلااااااااااااص وصلت عندي ,, بس سكتت ويوم ثاني كان عمي مسوّي عشا عشان عرسه بيكون بعد
يومين وكان في بيت عمتي الكبيره المهم اتصلت بي زوجة اخوي الثانيه عشان تبي احد يروح
معاها هي واخوها ويوصف لها البيت لأنها ماتعرفه انا قلت لها زوجي مايرضى لي اركب مع احد ولما قلت لزوجة اخوي الكبير قالت لا حبيبتي لأن زوجي بعيد يعني بيرضى لا مابيرضى انا سكتت وهي قالت بعد زوجك ماعليه لأنه ساكن معنا بالبيت المهم امي سمعتنا نتكلم وقالت شسالفه وقلت لها عاد امي ردت عليها من كم يوم ركبتي مع واحد غريب هو وامه والحين زوجة ولدي مع اخوها ماترضي قالت لأني كنت مضطره ,,
يومين وكان في بيت عمتي الكبيره المهم اتصلت بي زوجة اخوي الثانيه عشان تبي احد يروح
معاها هي واخوها ويوصف لها البيت لأنها ماتعرفه انا قلت لها زوجي مايرضى لي اركب مع احد ولما قلت لزوجة اخوي الكبير قالت لا حبيبتي لأن زوجي بعيد يعني بيرضى لا مابيرضى انا سكتت وهي قالت بعد زوجك ماعليه لأنه ساكن معنا بالبيت المهم امي سمعتنا نتكلم وقالت شسالفه وقلت لها عاد امي ردت عليها من كم يوم ركبتي مع واحد غريب هو وامه والحين زوجة ولدي مع اخوها ماترضي قالت لأني كنت مضطره ,,
المهم انا جهزت ورحت معاها بيت عمتي مشي لأن مو بعيد حيل من بيتنا وفي الطريق قالت لي انها انقهرت من امي وكلامها قلت لها اجل البارح تروحي مع زوجي لوحدكم مو عدله قال انا قلت انج بتزعلي قلت لها اي مو عدله انا ماقلت لج اخذي ولدج معاج قالت خلاص انا لو ما اعتبره اخوي كان ما قلت له بس خلاص مابركب معه مره ثانيه قلت لها مهما كان يبقى غريب عنج ومايصير تركبي معاه لوحدج وطول الوقت في بيت عمتي مبوزه وبعدين فكتها شوي ,, المهم بعد فتره تخيلوا شنو تقول لخالتي (( ام زوجي )) تفكري اذا فلانه اللي هي انا اذا جابت بنت سمرا باخذها لولدي لا حبيبتي انا باخذ لولدي وحده بيضا (( على قولة خالتي انها تقولها بضحك بمزح يعني بس حتى لو تقهر )) مع العلم اني بيضا وزوجي ابيض وخالتي وامي بيض وابيض منها بعد ,, استغفر الله والله مو غرور بس هي تستفز الواحد قلت لها ربي يرزقها ولد اسمر يعني ولدها الكبير مو ابيض حنطاوي عشان تتكلم علي ,,
المهم قبل خطوبة خالي انا كنت حامل بس كملت اسبوع واجهضت هذا الحمل الثاني وكانت هي شاكه لأنها شافت مع امي تحليل منزلي بس امي قالت لها اني سويته وطلع مافي لأن احنا مانبيها تدري الا بعد ما يثبت وبعد ما اجهضت هي كانت في بيت اهلها تخيلوا متى زارتني في اليوم 8 من الاجهاض بحجة اني ماباركت لها ولا قلت لها عن حملي ,, صدمتني بحركتها الطول طول نخله والعقل عقل صخله ,, وتخيلوا بعد مازارتني تقولي شنو اللي حصل لك انتي الحين ؟؟ تخيلوا بدل ما تواسيني ,, انا قلت لأمي اني مابزورها الا 8 يوم من ولادتها وفعلا كنت مخططه ازورها 8 يوم بس كانت تروح المستشفى لأن ولدها فيه حبوب كبيره في راسه ومازرتها الا يوم 15 من ولادتها ولما اخذت البيبي عشان اشوفه قالت شوف عمتك اللي توها على الفراغه تجي تشوفك انا سكتت والا كان رديتها في وجهها مثل ماهي زارتني على فراغتها انا بعد بزورها على فراغتي ولأن كان وقت رمضان ومشغولين كثير ,, بس سكتت قلت بكبّر عقلي عنها ,, وبعد كم يوم مرض ولدها وجاه اكزيميا قلت لأمي هذي حوبة ربي لأنها كانت تجرحني في فترة حملها وولدها ولدته راسه كبير شوي وبعد العيد بكم يوم اتصلت لأمي تصيح كانت
في فترة الاربعين وتقول لأمي خلي حماي يوديني المستشفى عيالي بيموتوا الكبير اذانه تعوره والصغير انفلونزا ,, قالت لها امي سيارتنا مختربه قالت قولي لزوج حماتي اللي هو زوجي (( صج قوية عين )) قالت لها امي يداوم دوامين ومايرجع الا متأخر في الليل تعبان ينام على طول وفعلا كان كذا بس اللي ماتعرفه امي انه طلع اجازة العيد بس ماكان احد يدري لأن لسى اخذها في نفس اليوم اللي اتصلت فيه ,,
في فترة الاربعين وتقول لأمي خلي حماي يوديني المستشفى عيالي بيموتوا الكبير اذانه تعوره والصغير انفلونزا ,, قالت لها امي سيارتنا مختربه قالت قولي لزوج حماتي اللي هو زوجي (( صج قوية عين )) قالت لها امي يداوم دوامين ومايرجع الا متأخر في الليل تعبان ينام على طول وفعلا كان كذا بس اللي ماتعرفه امي انه طلع اجازة العيد بس ماكان احد يدري لأن لسى اخذها في نفس اليوم اللي اتصلت فيه ,,
المهم ثاني يوم اخوي صلح السياره واخذها للمستشفى هي وعيالها ,, وبعد مارجعوا نزلها في بيتنا لأن السياره انطفت ومارجعت تشتغل تخيلوا هي كانت تقول لأمي ان سيارتهم مختربه هم بعد تخيلوا اتصلت لأخوها وجا اخذها من بيتنا ,, صج حيّاله ,, بس ما بظلمها يمكن بعد صلحوا سيارتهم بس بعد لو إنها لحّت عليهم كان صلحوها لها لما مرضوا عيالها ,, تعبت منها والله المهم ام زوجي توفت من 3 شهور تقريبا وحالة بيتنا يرثى لها الصراحه لأن خالتي هي اللي ربتنا كانت
تطبخ الغدا والعشا لنا كلنا لها ولولدها اللي هو زوجي الوحيد ولامي وابوي واخواني وحتى لزوجة اخوي ,,
تطبخ الغدا والعشا لنا كلنا لها ولولدها اللي هو زوجي الوحيد ولامي وابوي واخواني وحتى لزوجة اخوي ,,
وانا كنت حامل ذيك الفتره واجهضت بعد اسبوع الوفاه ولا عرفت انه حمل الا بعد الاجهاض بفتره ولا احد درى مع انها كانت شاكه من معاملة امي وخالاتي لي لأن الدوره تأخرت علي انا رحت حللت وطلع حمل ضعيف وبعد اربع ايام طلع مافي وماقلت لها بس درت اني حللت وسألتني وقلت لها مافي قالت في ذمتج قلت والله قالت اجل ليش تأخرت قلت ما ادري ,, وبعد فتره رجع دكتوري اللي كان مسافر وحكيت له القصه وقالي هو حصل حمل بس نفسيتك كانت تعبانه واجهضتي يعني ما عرفت الا بعد فتره بس ما قلت لها ,, تخيلوا بعد ايام الوفاه راحت بيت اهلها ورجعت يوم ثاني وانا صار الطبخ للبيت كله علي ومره قلت لها انا تعبت باكر الدور عليج قالت لا بدون زعل انا مابي
يوم علي ويوم عليج يمكن انا اروح بيت اهلي يعني قلت لها ماقلت شي بتطبخي حياج الله ما بتطبخي مايحتاج انا اطبخ ,, المهم بعد ماقلت لها هالكلام طبخت يوم ثاني ونزلت قلت السمك في مطبخي وانا نايمه والمطبخ صااار كله زييت المهم طبخت الغدا وراحت بيت اهلها ,,
يوم علي ويوم عليج يمكن انا اروح بيت اهلي يعني قلت لها ماقلت شي بتطبخي حياج الله ما بتطبخي مايحتاج انا اطبخ ,, المهم بعد ماقلت لها هالكلام طبخت يوم ثاني ونزلت قلت السمك في مطبخي وانا نايمه والمطبخ صااار كله زييت المهم طبخت الغدا وراحت بيت اهلها ,,
وقعدت خمس ايام مع ان المفروض ماتتركنا واحنا لسى محزونين على خالتي ,, المهم اغلب خالاتي من ابو امي يفكروها كل شي تسويه ودائما يقارنوا بينها وبين زوجة اخوي الثانيه وان هي الافضل ,, مايدروا ياما تحت السواهي دواهي ,, والحين بيت اهلي بعد سنه بالكثير بيسكنوا في بيت جديد بعيد عني في قريه ثانيه في نفس القريه اللي فيها بيت اهل زوجة اخوي ,, وبعيش انا وهي في بيت واحد ,, ومو عارفه شلون بتحملها ,, شوروا علي يابنات ,,
مواقف حصلت لي معها :
1- مره قالت لي اقول لزوجي يوصلها عندها موعد المستشفى باكر قلت لها السياره خربانه وبعد ساعات انا وخواتي واخوي رحنا الخبر نتمشى ورجعنا في آخر الليل انا اتصلت بزوجي في العمل
وقلت له اني وصلت وقلت له لا ينسى موعدي بكره قالي بعد زوجة اخوك جاتني وقالت لي اوصلها بكره قلت له انا قلت لها مساعه ان السياره خربانه قالي بعد جات مره ثانيه ,,
وقلت له اني وصلت وقلت له لا ينسى موعدي بكره قالي بعد زوجة اخوك جاتني وقالت لي اوصلها بكره قلت له انا قلت لها مساعه ان السياره خربانه قالي بعد جات مره ثانيه ,,
المهم يوم ثاني جاء زوجي من الدوام تعبان وقالي اقول لها ان السياره خربانه وان هو تعبان وبينام وقالي اصحيه على الموعد حقي ,, وجات هي تسألني قلت لها يقولج السياره خربانه وهو تعبان قالت يوووووووووه شلون كذا كان قالي البارح ابوي اتصل بيوديني بس قلت له حصلت سياره قلت لها انا ماقلت لك امس ان السياره مختربه يعني ليش تجي تسأليه تكذبيني يعني ,, قالت لا بس قلت يمكن صلحها ,, وراحت عني وهي معصبه قلت في خاطري تستاهلي ,,
2- مره كنت نايمه وانا شقتي الارضيه يعني مانقفلها ابد حتى لو زوجي موجود لأن اخواني تقريبا مستقرين فيها ,, تخيلوا مره كنت لسى جالسه من النوم واسمع صوت مويه في الحمام (( عزكم الله )) ودقيت الباب قالت مين تخيلوا قلت لها بسرعه ابي الحمام وكانت تتروش ,,
وطلعت من الحمام وناديتها قلت لها تخيلي وانتي في الحمام زوجي احتاج الحمام شنو بتقولي له ؟؟ قالت عادي اقوله انا في
الحمام قلت لا والله عادي عندج هو اذا اخواني دخلوا الحمام واحتاجه يتضايق قالت خلاص مابندخله مره ثانيه قلت انا ماقلت لك لا تدخليه بس في شي اسمه استأذان ,, وراحت ,, بتقولوا ليش ما تتروش في حمامها لأن ما عندها سخانه للماي ,, بس كان عندها حمام بيت اهلي على الاقل مو حمامي وزوجي واحد غريب عنها ,,,
3- مره قالت لابوي يأجر شقتي ويخليني اسكن في شقتها وهي تروح بيت اهلها وتاخذ أجار الشقه عشان زوجها اللي هو اخوي يضطر ياخذها معاه هي وعيالها تسكن معاه في المكان اللي هو يشتغل فيه يعني ياخذ لهم شقه هناك هو زين يقدر على مصروفهم عشان يقدر ياخذ لهم شقه ,, تخيلوا تخطط بكيفها اللي يسمعها يقول الشقه باسمها او باسم زوجها عشان تاخذ الاجار بس ابوي سكتها وقال لها انا ما ادخل بيتي رجال غريب ,,
والآن هي في بيت اهلها من شهرين تقريبا زعلانه مابترجع لأن شقتها تخر مويه وتبي زوجها يعزل بها ( يعني يشتري لها عزبة بيت عشان تطبخ لوحدها وعلى قولة ابوها بنتي مو خدامه لأمك وابوك ومثل ما امك معها عيال بنتي بعد معها عيال تخيلوا يقارنها بامي الكبيره ) ومادري شنو تسوي صج هي تشتغل بس مو واجد يعني اشتغلت ما اشتغلت عادي عندها ,, المهم يعني اذا رجعت هي في حالها واحنا في حالنا بس انا خايفه من بعدين اذا راحوا بيت اهلي بيتهم الجديد شنو اسوي معها ,,
وبس ادري طولتها عليكم حيل بس عشان تفهمون القصه عدل وتحكموا عليها عدل ,, انصحوني شلون اتعامل مع هالصنف من الناس ,, مع انها طيبه وحنونه بس تجيها فترات تقلب ,,
واتحملوني لو ما انا مقهوره وعارفه انكم بتساعدوني ماقلت لكم مشكلتي ,,
انتظر ردودكم ,,
سلام ,,
:040: