الفزعة لاختكم المحتارة يا احلى عرايس

:082:خواتي الغاليات..ادري اني مقصرة وياكم بس تدرون مشغولياتي وظروف دوامي ودراستي ومشاكلي الي خبرتكم عنها وتجهيزاتي للزواج..بس والله اني متابعة دايمة لمواضيعكم الحلوة مثلكم ودوووم اشتاقلكم :072:
اليوم بزفكم بشرى انه زواجي اتحدد شهر 3 انشالله وفجأه كعادة كل ظروف حياتي :029:
ولانه ما عندي حد الجأ له غيركم يالغاليات وطمعانة وااايد وعشمانة في كرم اخلاقكم انكم تساعدوني لاني ما سويت اي شي حق عمري ما شريت ولا جهزت ولا شي :031:

اريد افكار ناعمة وبسيطة ويدية للزفة والدخلة وبالنسبة لثيم الحفلة لاني سمرة شوي فكرت في اللونين dark blue و pink مع بعض للميك اب والمسكة الطاولات شو رايكم؟؟:066:

وبالنسبة للحنة فكرت في الطابع الهندي والالوان اما فوشيا او بنفسجي للساري والثيم بعد :074:

بصراحة انا وااااايد مشوشة اريدكم تساعدوني بخبراتكم وافكاركم وياليت تحطون لي جدول كيف اجهز عمري وكيف اخلص تجهيزاتي بميزانية معقولة وكيف فعلا اكون احلى عروس في عيون زوجي الغالي :086:

اسفة واايد اني ثقلت عليكم بس والله ما عندي غيركم يرتب لي افكاري لاني اثق فيكم :040:

انتظر ردودكم بفارغ الصبر وانا واثقة انها بتعجبني

جزاكم الله خير وسهل كل امركم

ادعو لي ربي يسهل امور زواجي ويجمع بيني وبينه على خير ويكفينا شر الهموم وعيون الحساد وياكم يا رب العالمين

احبكم واااايد :087::065: