[FONT=Tahoma]في يوم الجمعه تاريخ 22-1 من بعد تأخيــر دام 12 يوم عن موعدي ومن بعد اصرار من خالتي اللي لولاها لحين ماولدت ههههه رضخت للأمر الواقع واستسلمت ووافقت اني اترقد ,, سوينا اجراءات الرقاد عشان يوم ثاني يبدوون وياي طلق صناعي ,, مرت هالليله على خير بدون الالام تذكر وكل شي مر طبيعي ويوم ثاني تاريخ 23-1على الساعه 9 حطوا علي اول تحميله اللي يازعم توسع الرحم وتهيئه لاني ماكنت مفتوحه ولا سانتي ,, تميت ساعتين مثبته ومااقدر اتحرك وعلى الساعه تقريبا 5 بدى الالم ,, جاني الم مو طبيعي والله يعز السامع كل جم دقيقه ادش الحمام والالم كل ماله يزيد وجاني على فترات متقاربه وقلت باخذ لي فتره شوي يكون توسعت وعلى طول يدخلوني الولاده .. تميت الى الساعه 4 الفجر هذا حالي موعارفه اقعد وذابحه روحي من الصياح لان الالم مايحتمل اذا رااح غمضت عيوني وااذا جاااني يالله ,,,ضربت جرس للنرس وجيكتني والا المصيبه اني لحين واحد سانتي ,, صرخت من قلب ,, قلت لها لا اكيد غلطانه جيكيني مره ثانيه ومثل ماقالت واحد سانتي ماتغيرت,, وبما ان الالم لايحتمل طلبت مهدئ او اي شي ينسيني الالم ويخليني انام ,,صار يوم ثاني الا هو تاريخ 24-1 وحطوا لي التحميله الثانيه على الساعه 11 الظهر ,, وابتدى الالم وياي من الساعه 2 بالضبط مثل الم اليوم اللي قبله بس مااقدرت اتحمله تميت مده اعاني ويى الالم على امل اني اتوسع وادش ولاده ,, وكالعاده جيكتني النرس وطلعت 2 سانتي ,, عقبها تميت اعاني واعاني بس مافي فايده والى الساعه 5 قلبت المستشفى من الصرااخ وماكان قدام النرس الا انها تنقلني غرفة الولاده.. بدلت ودخلوني الولاده ,, كنت مستانسه اني خلاص مابطلع الا وولدي في حضني بس كل مااذكر الالم تروح كل فرحتي.. حطوني على السرير وجيكتني مره ثانيه وكنت 2 سانتي بس,, حطوا التخطيط علي وركبت السيلان بس من كثر الالم كنت اقلع في التخطيط ماابيه على بطني لان الالم يزيد,, طبعا هالحجي كان على الساعه 6 وشي ,, عقب غربلت النرس وشالت عني التخطيط وخلتني اتمشى شوي خووو قسم الولاده قسم رعب اللي تصارخ واللي تكسر واللي تشدخ ... وكانت معنوياتي تنزل شوي شوي وعقبها ماقدرت امشي ورجعت على السرير بس قبلها دخلت الحمام ونزل عليي دم وشغلات اول مره احس فيها ,, خبرت الدكتوره وجيكت وانفتحت 4 سانتي ,, وبطت الجيس وحسيت بمااي داافي ينزل ,, وعقبها شوي شوي زااد الالم .. لين وصلت 6 سانتي وضربتني ابرتين وحده عشان اتخدر وانام والثانيه عشان تزيد الطلق ,, بس الالم هذيك الحزه لايحتمل وكنت اصارخ بشكل هستيري جابت لي النرس اوكسجين شكثر استفدت منه بس من احس بقوة الالم اشيله واصرخ وعقب مامخي تشبع منه قمت اهذي واهلوس وكنت انادي النرس عشان هي تمسكه ماابي اني احطه هههههههه اوو اطلبه وهو على خشمي ,, عقبها جيكتني وصرت 8 سانتي ,, وعقب 8 صرت 9 وعقب 9 صرت 10 وهني تبتدي المعاناةالجديدة ,, على الساعه 4 الا 25 خلاص كنت جاهزه للولاده وانفتحت 10 ,, بس لاني بجـر مااعرفت اعصر مع اني مشيت على تعليمات الدكتوره والستاف اللي وياها بس مافي فايده حاولت كثر مااقدر بس للأٍسف تعبت من الصراخ وقوتي كلها راحت يعني مافيني قووه اعصر عشان يطلع البيبي ونمت شوي بس كانوا النرسات يهزوني عشان اقعد ,, خاصه ان علاوي ضعفت دقات قلبه وعقب صراخ والم والساعه صارت 4:30 دقيقه شرفنا احلى علاااوي ,,:040:[/FONT]
نظفوه وجابوه بس من كثر الالم مارضيت اشـــوفه ,,:040:
وبس ان شاء الله اللي لحين ماااولدواا مايخافون من قصتي ,, وترى هااذي الامومه وهااذي الولاده الم جم ساعه وعقبها كل الالم يرووح اذا شرف على الدنياااا الولد ,,:086:
نظفوه وجابوه بس من كثر الالم مارضيت اشـــوفه ,,:040:
وبس ان شاء الله اللي لحين ماااولدواا مايخافون من قصتي ,, وترى هااذي الامومه وهااذي الولاده الم جم ساعه وعقبها كل الالم يرووح اذا شرف على الدنياااا الولد ,,:086:
[FONT=Tahoma]وسلامتكم ,, ادري طولت عليكم بس هاااذي قصتي ,, :040:[/FONT]