السلام عليكم ورحمة الله وبركاته ..
بنات منتداي الغالي حبيت نتناقش مع بعض عن هالمكاركتين انجولت+كارولاين بما انهم توهم فاتحين جديد (مادري يمكن من زمان بس انا امس اول مرة اشوفهم) في الحياة بلازا .. يمكن كارولاين كان موجود بس في مكان واحد وتقريبا الاغلبية ما يعرفون وينه ..
واللي خلااني اكتب هالموضوع لاني من زمان ادور عنهم وماكانو موجودين بقطر والحين حبيت افيد بنات بلادي بوجودهم وندردش شوي عنهم..
امس كنت رايحه حياة بلازا والصراحة كانت اختي مودية الياهل جنغل زون وقلت انا بروح بالمره علشان ابي اروح ميك اب فور ايفر علشان باخذ لي الفونديشن اللي هو للبشره الدهنية بس مع الاسف ماحصلته:091:..
المهم وانا اتمشى حصلت كارولاين ودخلت وانا وايد مستانسه وقلت باخذ لي اشياء لان الكل يمدح فيها دخلت الا اشوف والله يا بنات احس انه الاسعار مبالغ فيها انا الصراحه ماعرف كم اسعارهم بس انا مره خذت الستيك كونسيلر اللي مثل الروج الكبير انا كنت ماخذته من وحده تمكيج عطتني اياه 90 وامس حصلته 150 ومن عقبها حسيت انه كل شي بيكون دبل مادري المهم بس صج حسيت فيه مبالغه وبعد اناا مادري ..وطلعت وما خذت شي ..بنات بعد اي وحده عندها تجربة بالماركه هذي تكتبها علشان نفيد ونستفيد ..
وبعدين وانا اتمشى حصلت انجلوت وهاذي انا صج من زمان ابي اشوفها واجربها من كثر مدح البنات لهاذي الماركة .. المهم دخلت وقلت باخذ فونديشن بس ماحصلت اويل فري بس البنت اللي هناك تقول عادي اخذية قلت لا ما ابي ابي شي مضمون ومكتوب عليه .
المهم دخلت بس كان زحمة وماخذت راحتي بس خذت لي شدو ابيض مات ومزيل المكياج وان شاء لله بصورهم وبنزلهم لعيونكم ..
وبس والحين نبي نشوف ايش رايكم بالماركتين هذيلن واللي عندها صور تنزلهم وبسس..وسامحوني على الاطالة:083:
