قصة ولادتي بسجود نور عيني

السلام عليكم
اليوم قررت اني احط قصة ولادتي
قبل لا اكتبها حبيت تعرفون اني وحدة اخاف من الطلق عدل عدل لانه شي مب طبيعي والله وهذا الي كنت احاتيه في الولادة
المهم قبل يومين من ولادتي الي كانت تاريخ 11 يناير ولدي علاوي مرض صخن وهذا كان يوم السبت فانا قلت يوم الأحد ما بروح الدوام بوديه المستشفى ومرة وحدة باخذ لي اجازة مرضية وقعدت يوم الاحد ورحت المستشفى وعطوه الادوية ورحت معاه بيت البابا وهناك حسيت ان شي نزل الا هو دم خفيف قمت سألت امي قالت اي يعني قريب بتولدين وخفت المهم اتصلت في ريلي وقلت له برز روحك خخخخخ مستانسة صليت الظهر وطبعاً للحين ما ابتدى معاي الالم فتغديت كنت خايفة آكل وامي تقول ترى عادي ياكلون ههههه رد زوجي من الدوام وتغدى ونمنا شوي وقعد وقال بروح الشقة قلت له بتخليني بروحي قمت ورحت معاه وقعدت هناك وامي وابوي عصبو علي لاني رحت الشقة وهما يحاتوني قلت لهم للحين الالم مب وايد
المهم ابتدى الطلق وقعدت احسب المدة بين كل طلقة والثانية وابتدى معاي بألم البطن يعني للحين الظهر ما ألمني وزوجي خلاني وخذ معاه علاوي وراحو الماتم ورجع على الساعة 11 وانا للحين مستحملة على الساعة 12 خلاص ما قدرت اتصلت في امي ورحنا له وقالت قعدي شوي قعدنا وكل ما يصيدني الالم يحسبون لي جافو خلاص كل خمس دقايق قمنا رحنا المستشفى وهناك قاست لي الممرضة الا تقول واحد سانتي انقهرت اقول كل هالالم وواحد قالت بتسوي تخطيط سوت وقالت ما في طلق قالت تبغين تقعدين في الجناح قلت لها لا برجع البيت ورجعت الساعة 3 خليت ولدي في بيت ابوي ورجعت الشقة على بالي خلاص بطول وما بولد الا باجر الظهر رقد زوجي وانا يزعم برقد لكن شلون ارقد وهالالم كل شوي اقوم وزوجي يقوم ويوم ابتدى الم الظهر خلاص طلعت روحي قمت اصرخ من كثر الوجع وزوجي خاف مسكين يقعد يهمز بعدين أذن الفجر وانا على هالحالة اصرخ من قمة راسي وأون واوصي فيه واقول له قول حق ابوي هو يبغي يجوفني اكيد بموت وهو حاس ههههههههههههه
ووصلت لدرجة اني خلاص حسيت ان الراس بيطلع لان احس ابغي اعصر قلت له اتصل في الاسعاف ترى بولد في البيت هو قال قومي بوديج لا تولدين علي هني وانا مب قادرة اتحرك مسكين تغربل غربال بالغصب بالغصب قدرت انزل الدرج واركب السيارة وقال ما بمر على امج شكله ما في وقت ورحنا وفحصتني نفسها الممرضة الي رجعتني وقالت 4 سانتي وقالت حق زوجي ولادة وخلتني ابدل ودخلتني ولا والقهر تسألني متى بدى معاج الالم كل خمس دقايق الحين انتي توج مرجعتني مالت عليج
وفحصوني في غرفة الولادة وقالو خمسة سانتي وحطو السيلان وكانت الساعة سبع الا شي و شوي قلت لهم انا ابي اسوي بووش وفحصتني وقالت ولادة خلاص وقامو يبرزون ويلبسون ودشت عليهم وحدة تقول توج تقولين حق زوجها خمسة سانتي والحين خلاص بتولد قالت بعد

وقعدت اسوي بوش ومب راضي يطلع وانا اقول خلاص ما اقدر وانا اعوصر وهي تسألني انتي ولدتي هني قبل قلت لها اي طبيعي ولا سو لج شفط الظاهر ضيعو الفايل المهم ما رضى يطلع شقوني وسويت بوش وطلع الا تقول شوي شوي لا تسوين بووش الحبل ملتف عليه الا تقول الا وياها البحرينية يمكن من جذي مب راضي يطلع وطلعوه حبيبي الساعة 7 و 25 دقيقة وخذوه وركضو به برى ما ادري شسو فيه حتى الا ولدتني اسألها هو زين قالت اي شنو جنسه قالت ما جفت
وبعدين رجعو ينظفوه قدامي وتقول لي يبتي ولد وحطته على صدري حبيبي
وطبعاً الخياط الي يذبح وقبلها طلعو المشيمة واي نسيت اقول لكم على حظي كانت في وحدة تدريب خفت انهم يخلونها تسوي لي شي بس اشوى بس كانت تتمنظر ووع صرت منظرة للكل مسكينة اول مرة تجوف وحدة تولد لاعت جبدها خخخخخخخخخخخخخخ وطلعوني حق اهلي قلت لهم جفتو البيبي قالو لا وطلعوه عقبي بشوي وزوجي يقول شنو تبغين تسمينه قلت له ما سميته قال لا قلت له سمه سجاد على اساس وفاة الامام السجاد يقول لي ما تبغين حسين لا قلت له بس اليوم الوفاة وهو كان مسمينه حسين وما قال لي وغيره الى سجاد

وودوني غرفة الاستراحة اكثر من ساعتين وخذو البيبي مني وخلوني ارقد وقعدت و لاعت جبدي وانا ابغي اروح حجرتي ابدل وهم على سعتهم وطبعاً ما في حجر خاصة وقعدوني مع جماعة الي معاي كلهم حمل تعبانين يعني توهم متوحمين بس انا الي عندي بيبي وخلوني يوم ويوم ثاني الظهر رخصوني على فكرة انا ولدت في مستشفى جدحفص للولادة