مشكلتي مشكلة

مراحب عرايسنا الحلوات ..شخباركم عساكم ع القوة...
عندي مشكلة وبدخل بصلب الموضوع ع طول لاني واجد معصبة واحس بغم وقهر:040:
انا متزوجة وعندي ولد وزوجي وحماتي يموتوا فيني ..بس المشكلة زوجات اخوان زوجي شفت منهم الويل .هم بنفس عمري 25 وازواجهم (31-30))
وعندهم عيال وكلنا عايشين ببيت واحد بس تعبت من المشاكل الغيرة والحسد والكلام الفاضي اللي ماله داعي..اجلس بروحي وما اخالط حد بس المشاكل وراي ..انا من النوع اللي ما احش بس اذا الثنتين تضاربوا كل وحدة تحكي عن الثانية قدامي بس ما ارد..وفي وحدة منهم الله يسامحها كنت اظن علاقتي معاها زينة بس طعنتني بالظهر وواجد تتكلم عني برغم انها متدينة وتروح العمرة بس والله طلعت ع حقيقتها..دايما تقولي انها احلى مني وتلبس عيالها عادي واحيانا متبهدل بس رغم كذا تقول لي ليش ما تلبسين ولدك؟
وتقولي بصراحة ما كنتي حلوة ابدا يوم عرسك وخواتسي شافوا فستانك في المحل وقالوا ان الفستان احلى يوم ما لبستيه؟ والله من الصدمة ما عرفت ايش ارد عليها؟ وليش ما تروحين الصالون؟
واذا رحت وتعدلت تقولي والله ما باين عليك ما تعلرفين تلبسين (مع اني والله حلوة كثير)بشهادة الجميع والكل يحبني ويحب يجلس معاي من اهل زوجي ..هي بعد والله حلوة بس لسانها وحركاتها وايد بايخة وفي اللبس ما تلبس كله جابيات عادية والله بشهادة الجميع حتى اهل زوجي يضحكون عليها..واذا اشتريت شي تسال واذا خبرتها السعر تقولي انت تحبيتن تتفشرين مع انها هي تسالني مو انا اللي اقولها؟ والمشكلة ان راتب زوجها وايد بسيط مقارنة مع زوجي بس عمري ما خبرتها شي لان الرازق الله. وبعد دوم تقولي قبل لا انتقل من البيت متى تنتقلين ..ليش ما تتشكين من الناس ولا من زوجك؟شكلها حاسدتني ع النعمة
ويوم جبت ولدي ماشالله وايد حليو والكل متهبل عليه والله قالتلي انتي تشوفي ولدك واجد حلو بس الناس تشوفعه عادي والسبال في عين امه غزال ؟وانا الغبية ما رديت والله ما حد سبال غيرها الحيوانة.

والثانية هم حلوة وتشتغل بس انا ما كنت قريب منها ابدا لانها سليطة اللسان ودائما باباول كانت تحب تضحك علي وعلى الناس واول ما تزوجت تقولي انت كنت بعرسك وايد متينة وعرسك مو شي مع ان وزني 45 وعلاقتي معاها بحدود ومع الثانية قوية وانا كنت لحالي ما احب اتدخل..بس بعدين هي تضاربت مع الثانية ,,وجات وخبرتني فلانة تتكلم عنك ووايد وفعلا كل الكلام اللي كان يدور بيني وبين الاولى خبرتني اياه حتى لو شي بسيط..مسكت نفسي وخبرتها ما علي من الاولى (بس من داخلي واجد مقهورة انها حشت فيني وهي تعرف ربها)
والحين ابا منكم الحل والله كرهت العيش مع اهل الزوج بهذا السبب مع انه حماتي واجد تحبني وما شفت منها الاكل خير وهي تقرب للاولى بس مقاطعتنها لانها وواجد تحش فيها وما تحتلرمها انها مرة عودة.
والحين احنا طلعنا بيت بروحنا في منطقة واجد بعيدة ما نشوفهم بس انا فيني نار وابا اطلع حرتي فيها شنو اسوي ؟هل اتصل ابها واتهاوش وياها ؟
او اتفاداها بس اخاف تفكرني ضعيفة الشخصية.؟
وكيف اتصرف مع الثانية اللي جابت لي الكلام ؟
والله ادري طولت بس شا اسوي فيني حرقة وما احب اذل عمري عند حد واشتكي
عطوني الحل جزاكم الله خير