إلى اخواتي الغاليات

السلام عليكم ورحمةالله وبركاته

كيفكن حبيباتي ان شالله بخير
انقطعت عنكم كثير واعذروني دراسه وبعده عرس وحمل والله يعيني ان شالله
المهم هو اني اشتقت لكم حيل وكل ما صرت بمشكله تمنيت يكون ببيتي اتصال سنع علشان اشاوركن واسمع نصايحكن

انا يا اخواتي الحين حامل بالشهر الثالث وتعبت من الوحم والي تعبن زياده هو اني ما كنت ادري ان الي بي وحم وانا المشاكل الي عشته لفتره من الزمن مع زوجي والنفسيه الزفت الي عانيت منها كانت بسبب الوحم

مشكلتي مع الوحم الحمدلله تنحل لكن عندي مشكله ثانيه وهي ان زوجي يفهمني خطأ في بعض الأمور ومو اي امور امور انا ما اشوف فيها اي خطأ
يعني مثلا احسبه زعلان لاني تنرفزت وعصبت من التأخير مثلا يطلع مو هذا السبب ( يعني الي يزعله امور سخيفه وماهي على البال ابد*) وانا إذا زعل لهالاسباب يالله أكف دموعي وتبهذلت عند الناس كل شوي بيطلعن واعيف كل شي,,
أدري اني ما فصلت فيهالموضوع لكن انا ابي منكن نصايح وكلام يفهمن ويعلمن لأني مابي حياتي تصير مشاكل من اولها وانا ماكملت ثمان شهور من زواجي...\

الي تقدر ترد وتنصحني لان زوجي قريب لي مره وما اقدر اقول لأمي شي علشان ما تتضايق او تصير مشاكل

واعذروني اذا مارديت بدري على ردودكن ليما ازور اهلي مره ثانيه ان شالله
ولكن جزيل الشكر