مشكلتي مع زميلي بالجامعة؟!

اهلين بنات

شخباركم؟!


طبعا انا طالبة جامعية انا على طول احضر المحاضرات ولا افوت محاضرة وحده لان مصاريف جامعتي وايد وابي اخلص بسرعة يعني ما استحمل اعيد مادة وحده لان ابي افتك

المهم من فترة طلعت نتايجنا انا جبت 61 في مادة حضارة البحرين وانا طول حياتي بثانوي ادرس مقررات تاريخ اصعب من هالمقرر السخيف الا كل محتواه مستهلك وانا متاكدة أن الدكتور لاعب بدرجتي لان لاحظته طول الامتحان من بساله شي يسكتني لكن من يناديه طالب من عائلة معروفه وله اسمه بالبحرين يروح يركض له مثل لحمار هالشي حز بنفسي لكن سكت واعتمدت على نفسي وحليت الأسئلة كامل تمام ما عدى سؤال واحد لاني من قلب كنت ناسيته

واللي بيجمع درجةا لمنتصف ودرجة التقرير بيقول معناته انا ابدا ابدا ما حليت الا سؤال واحد في الامتحان الله واكبر يعني الدرجة من قلب ملعوب فيها وما اقدر اكلمه لان مواد ثانية مجبورة اخذ عند نفس الدكتور ولو تكلمت بعصب ولين عصبت بصيح وحزتها بمواد ثانية بحط لي ادنى درجة عنده وانا ما ابي هالشي انا طالبه جامعية بسبب مادته نزل معدلي وما ابي ينزل ازيد

والله المهم لقيت زميل لي على طول يقعد معانا قلت له انت شلون اعلى مني وانت حتى ما تحضر بكل حقارة ودانئه رد علي درسي عدل بتجيبين زين :039:حزتها وصل الضغط عندي الف حسيت اني بصيح قلت له انا درست مقررات اصعب ما جبت اقل من ثمانين شلون تقول لي درسي عدل قال ايه ما تدرسين عدل وتبين تجيبين زين كرهته كرهته انا اوردي كنت حاقدة عليه على هالنقطة انا الا اتعب واشقى ودرجاتي تروح لغيري ليش عاد كل هذا لان ابوي مو تاجر عود ولا يقدر من وراي يتمصلح هالدكتور المعجز

المهم تهاوشت معاه هوشه كبيرة لان انا واثقة اني صح اني خربطه بس مو لدجة اني اجب 61
انا لو جبت 70 ما برضاها على نفسي لان هذا تاريخ البحرين يعني لو ياهل بطن امه سمعاه كامل ومو شي جديد على اي طالب بحريني

انا احين احسن من هاللحظة ماني طايقة اشوف هالدكتور لان في حقد داخلي عليه وعلى الرغم ان هالدكتور ماخذه عنده هالفصل مادتين بس شسوي مجبوورة:033:

واحس اني محتقرة زميلي بالجامعة على جملته اللي قالها لي لان اهو لو شاطر بتفوق بتقبلها منه بس من شخص مستهتر وماعنده اهتمام لا بالمادة ولا بغيرها ابدا ما حبيتها منه


قولوا لي شلون اتجاهل زميل لي بالدراسة وانا اتعودت انه يساعدني بشغلات ثانية وانا اساعده ولين بغيت اسأل عن شي اسئلة هو لان اهو صار له سنة قبلي رغم استهتراره:091:واحس اني لين جفته بالجامعة بسطره

وشلون اقدر اتحمل دكتور حط لي درجة ملعوب فيها وما استحقها وانا من الأحد للأربعا مجبورة اتقبل ويهه ولا اتكلم نص كلمة لان لو فتحت بوزي بحط لي انزل درجة و ان وصلت فيه المواصل برسبني بعد ولا بهمه


والله اني مخنوقة من داخلي متضايقة احس الدنيا منصكه فيني:033:

ما ادري ليش جذي يصير فيني

أتمنى ألقى منكم ردود


مــع حـــبي

مـشتاقة ليـك