ندخل في الموضوع ع طوووووووووول
معلومة : أنا وحدة أبداااااااااا ما أحب المكياج العربي أفضل المكياج الأجنبي اللي يبين جمال الوحدة
وطبعا منو مايحب ويهه ولوكه يكون بها الجمال بشرة مشدودة ومتألقة مثل أنجلينا جولي ؟؟؟:032:
من فترة وأنا أتصفح اليوتيوب شفت وحدة أجنبية تعطي درس كيف ننحت الوجه مثل الممثلات الأجانب وطبعا إكتشفت إنه هالمكياج البسيط اللي يغير الوحدة ويخليها أكثر تألق رغم إنه خفيف ماهو إللى نحت وجه عن طريق الميك أب ويوم جربتها أول مرة كانت النتيجة لابأس ماعرفت أظبطها بشكل دقيق لكن مع الوقت تعلمت كيف أنحت ويهي بشكل بروفيشينال
والله العظيم يابنات إنه اللي يشوفني يقوللي بلا ويهج مشدود ونحفان مايدرون عن سر هالتألق خخخخخخخخ
في البداية حابة أراويكم أجمل الفنانات الأجانب اللي أحبهم قبل وبعد رغم إنه الميك أب خفيف
ايفا لانغوريا:066:
جينفير لوبيز:047:
كيم كارديشيان:087:
والحين انيي للخطوات اللي يتبعونها الأجانب
الصورة هذي توضح كيفية عمل الكونتور والهايلايت اللون الغامج هذا ستيك فاونديشن غاااااااااااامج والهايلايت عبارة عن إضاءة كريمية
1-بعد تنظيف البشرة وتهيأتها للمكياج حطي الفاونديشن اللي يناسبج
2- عقبها خذي فاونديشن ستيك أغمج درجة وحطيها بنفس الطريقة الموضحة في الصورة
3- هاتي فرشة الفاونديشن والجزء اللي ف الجبهه ادمجي مع بشرتج للأعلى جنج قاعدة اتمشطين شعرج ع ورا<<<<فهمتو شي:060: الطريقة هذي اتقلل مساحة الجبهة وتخليها مشدودة..
4- نفس الحركة إنسويها دور ما داير الوجه ع الجوانب
5- منطقة الفك انحددة ع نفس مكان عظمة الوجه
6-الخدود وهي أهم شي اشفطي خدودج عن طريق الفم شرا السمكة وحددي مكان عظمة الخد وعند تمويه الفاونديشن انموه اللون ع خط واحد يعني مانمرر الفرشة فوق تحت نوووو انمررها لين مانوصل مانبت الشعر لأنه إذا حركنا الفرشاة مثل حركة البلاش راح يحدد الخدود ويغطيها نحن نبي بس عضمة الخداتبين مشدودة
7- الخشم انحدد الجوانب ونموه اللون فوق تحت ونوصله للجفن المتحرك وندمجه
8- وماننسى الرقبة انحط الستيك بنفس الطريقة اللي بالصورة وهذي الحركة اتخلي الرقبة اتبين نحيفة ومشدودة
انيي الحين للهايلايت وهو مثل البلاشر الكريمي فيه إضاءة
انحط فوق الجفن العلوي عسب يبين اتساع العين ونحط على عظمة الخشم وعلى أعلى الخد وعلى الذقن والجبهة ونقعد انموه اللون لين مايندمج مع البشرة عدل بحيث مايبين أي خط
وآخر شي انحط اللوس باودر الشفاف وعقب انكمل الميك أب من آيشدو وبلاش وروج ...
لعمل الكونتور والهايلايت
أنصحكم بفاونديشن الستيك من ماك أغمج درجة عندهم أو بوبي براون
والهايلايت كمان من مااااااك إضائته اتجنن وانعكاسة وايد حلو اسمه بيرل
وممكن تستعيضي بكونسيلر ميك أب فور ايفر العلبة اللي فيها كذا لون لكن من خلال تجربتي للأثنين الكونسيلر ماراح يبين النحت عدل شرا الستيك والإضاءة
أتمنى خطواتي اتكون واضحة ومفهومه وجربوها وادعولي ...:040:
ولعيون اختي الحنان 79 :016:تم تعديل الموضوع و راح أحط المنتجات اللي أنا استخدمتها وبنفس الطريقة اللي شرحتها فوق
هالفاونديشن والإضاءة اللي استخدمتهم بها الفرشة
وهالكريم الأساس واللوس باودر من ديور
ودمتم بجمااااااااااااااال:072: