السلام عليكم ورحمة الله وبركاته
حبيباتى دي صور قاعة كتب كتابي قاعة لافي في الداون تاون بالاسكندرية تم عقد القرآن يوم 3/3/2009 يوم الثلاثاء
دي الكوشة انا اخترتها اللون دة عشان تناسب لون فستانى لانه كان دهبي و الورد كله طبيعي 100%
وهنا صور للكوشة و بنات الفرقة حطوا لى القلوب عليها بس طبعا شالوها بعد الزفة عشان اقدر اقعد
ودي صورة للبيست و الممر الى مشيت عليه و انا داخلة كان في الممر اضواء من تحته و البيست بيترفع عن الارض متر ونص و بيطلع من تحته اضواء و انوار و انا كنت طلبت دخان بس محدش طلع دخان معرفش ليه
ودة صورة السقف و طبعا فيه اضواء طلعت منه و الوانها رهيبة
ودي صورة الكراسي و الترابيزات
ودة المكان الى انا و جوزى اتعشينا فيه كان جوة القاعة
ودي صورة التورتة و هى نازلة من السقف بس طبعا الاضواء كانت شغالة و هى هنا طلعت باللون الاخضر
و دي بقي صورة سبت ورد امى الله يحفظها عملته لى عشان وانا داخلة القاعة يرموا عليا الورد دة
ودي بقى صورة لشبكتى كانت عبارة عن 3 غوايش و طقم كولية مكون من كوليه و خاتم و اسورة و اسورة و خاتمها و سلسلة و خاتمها و خاتم توينز و دبلة و محبس و حلق كانت شبكتى في حدود 30 الف جنية وكمان علبة الشبكة كانت لونها بيج عشان تليق مع فستانى و كمان الاستراس الاحمر و الابيض والذهبي في الصنية ماما جبتهولى عشان يدي شكل للشبكة حلو
و فكرة الدبل انها تتحط في فواحة كانت فكرة امى الحبيبة و على فكرة شبكتى ذهب لازوردي عيار 21 كلها في معادا الخاتم التوينز عيار 18 ذهب ايطالى و طبعا دة اغلى من عيار 21 و الدبلة و المحبس عيار 18 و دبلة زوجي فضة و مكتوب عليها اسامينا و تاريخ كتب الكتاب
رفعت لكم الصور دي من CD الفرح
رفعت لكم الصور دي من CD الفرح
و عقبال كل البنوتات و مستنية رايكم