اعراض محيرتي ممكن تساعدوني

مرحبا

كيف الحال

اخواتي بس حبيت تحللون اعراضي من تجاربكم

اني تكلمت من قبل عن الاعراض الي صارت لي بعد ثلاث من يوم الاباضة

استغليت كل ايام الاخصاب الى مابعد الاباضة بيوم بلجماع كنت احس يوم الاباضة بوخز اسفل البطن من جهة اليمين

لكن بعد تاريخ الاباضة المعين بثلاث ايام صرت احس بالالم نفس الم الدورة لمدين يومين او ثلات ايام وقف الالم

الحين باقي على دورتي يومين صايرة انام لي الظهر يعني امس ما وتعيت على نفسي الا الساعة 1 الظهر سويت الغدى على السريع وتغدينا وكمان رجعت نمت لي المغرب وبعد اقوم واني نعسانة يصيدني قلق شوي في الليل بس لما وتعي من النوم احس نفسي ابي ارجع بس ما اقدر ارجع


اكلي صاير بشكل مو طبيعي مو طبيعي يعني اكل عن اكلي القبلي بثلاث مرات موب مرتين

بتستغربون لو بقول لكم شي صار لي اسبوع احب اكل البطاطا مع البصل مع ان كنت اذا احد ياكل البصل قدامي اتنرفز اقول شلون ياكله

احس بالم في بطني خفيف بس يغلب عليه خمول جسمي احيان احس بعدم التوازن

بنسبة لحسابي لموعد دورتي ما حسبتها من نفس تاريخ الي جتني الشهر الي طاف كانت 27 يوم مع ان هي صار ليها فترة 28 اني هذي المرة حسبتها 28 يوم يعني بعد يومين بيكون يوم 28


اتمنى تساعدوني

ابي اعرف هذي هل هي اعراض حمل

ممكن يبين قبل موعد الدورة بثلاث ايام لان صار لي تقريبا يومين على هذا الحال

معلومة بس حبيت اضيفها اكرمكم الله صايرة ادخل الحمام اتبول اكثر من قبل يعني ما كنت ادخل بهذي الدرجة بس اني الي اعرفه ان اللون يتغير الى اصفر غامق وله ريحه قويه

بس اني لا لونه اصفر بس موب غامق وفي ريحة بس مو قوية قوية مسامحة على تعبيري بس حبيت اوضح

ومسامحة على الاطالة

وازعجتكم معاي

اكرر اسفي

واتمنى احصل على الاجابة


تحياتي

اختكم