سويت الرباعي وندمت وايد

امي كل دنيتي;11157089:
هلا بنات شحالكم؟ انا احين بالاسبوع ال 35 وسويت السونار الرباعي الابعاد ابا اتاكد من جنس الجنين قالتلي الدكتوره وضعيته ما تخليني اشوف بالمررررررررررره بس راوتني ويهه الصراحه شكل الجنين يخوف ما ادري كيف ..ما انصح تسوونه والي مسويته قبل كيف طلع شكل البيبي؟

حبيبتي لا تخافي الصورة غير والواقع غير

اكيد الصورة مو واضحة 100% خصوصا انه الطفل محاط بسائل فلا تخافي حبيبتي

ان شاء الله الطفل قمر وماعليه شر يارب

صج حسافة لان غالي وايد
بس كفايه شفتي ويهه البيبي و بعدين اكيد شكله مو نفس بعدين يصير احلا انشاء الله

حبيبتي عادي .. لان الجنين داخل السائل . ولما يتحرك يكون شكله يخوف .. عاادي
ولان الرباعي والثري دي ... يكبر الصوره .. مرره..

ايييه الشكل يكون غريييب .. مو خوش للي تسويه حتى تشوف ملامح البيبي بس .. !

يصلح للتأكد من جنس الجنين و الاطمئنان عليه !

حبيبتي مثل ماقالو لج البنات

ان شاء الله تشوفينا بكامل صحته

هههههههه ضحكتيني انا في حملي ببنتي سويت الرباعي وتخرعت وقلت الله يستر كيف بيطلع شكلها ,بس بعد الولادة سبحان الله ماشاءالله طلعت قمر.
لا تحاتين اهم شي اطمنتي عليه .

هههههه لا تحاتين غناتي

أهم شيء ان صحته أوكي
و عن الشكل لا تخافين راح يكون أحلى بكثيييييييييييير

يقولون ان افضل شهر عشان تسوين السونار الرباعي هو الشهر السابع

لان يكون وجه الجنين واضح ..

اما بعد هالشهر فلا تسوين لأن يكون الطفل منضغط من السوائل ووجهه ابدا مو باين ..

لاتخافين حبيبتي اكيد غير عن الحقيقه

اكيد يخوووف
اذا الطفل اول ماينولد يخوووف وكيف بعده في بطن امه

انا سمعت ان افضل وقت حق التصوير الرباعي او 3 دي

قبل الاسبوع 20 لان الويه يكون اوضح واحسن

وان شاء الله خير

مادام كل البنات طمونج

هههههههههههههههه استغفر الله والله مرة ضحكتني الله يعافيك اكيد ماراح تشوفين صورته واضحة مثل مابينولد

وماعليه شر وخلي عنيش الوسواس

انا ان شاء الله بكره مقرر لي سونار رباعي وبخبرك شو حصل معاي :08:

خساااار ة من جد الاشاعه هذي غاليه زوجي مارضى يخليني اسويهاا عشان سعرهاا بس شكلها بنت والدكتورة ما تبي تقولك عشان ترجعينلها مره ثااانيه ( ررربي اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي )

ممم كل مااشوف الصور اللي خذتها لبنتي انصدم .. كانت كأنها مخلوق فضائي وشفايفها ضخمين ومول موب حلوة .. شكلها غيييييييير ..

الحين تبارك الرحمن بنتي قمر قمر الكل متخبل عليها .. بس مايخصه ابد باللي شفته !!!

فلاتعتمدينه ابد .. وبكره اذا ربيتي ان شاء الله بتعرفين اللي نقصده .. المهم تطمني ..

انا كنت افكر اسووويه بس خلاص باهون

فعلاً أنا كمان سويته قبل اسبوع ورجعت متضاقه خفت من شكل وجهه الجنين
بعدين قالولي عادي هو بالتصوير يطلع كذا

ههههههههه

إي انا سويته و مثلج تخرعت .. ^_^

لانك سويتيه بالثامن الوقت متأخر يكون الماي قل عند الجنين و حركته صعبه بالتالي الصور تطلع مش ولا بد

انا قالت لي الدكتوره اسويه نهايه السادس او في السابع و للحين مارحت